Yohane 12:40 - Katɔti Ɔku Kedee

⁴⁰ “Ami Katɔti lɛ́bala-ma anumi kalɛ na balanu lɛla lɛdi balati. Na lɛ́ya na bádɔlɔ kalɛ na belénu ala kalɔ. Ɔmmɔ ɔsu belénwini belebo-mii kudɔ kalɛ na lɛbwi-ma.”

Yohane 12:40 ပူးပေါင်းရင်းမြစ်များ

Baga 1 22:20

Na Unwoti úye-ma ɔnini, ‘Ɔma ndubɔkana na ɔtɔlɔ Ahab na usie Ramot kesii kani na badubo-nwu bɔdu mmɔ?’ “Na bani nása bénye mmɔ bátɛmi básiku ɔmɛni lɛlɔ uwi klukwii ɔdi.

Kɔgya 147:3

Bani na bana enu áƒɛ ni, ɔ́ya na bákɛ lɛnunsia lɛwɔdi. Na ɔ́mana-ma alɛbi ƒui na ása.

Kɔgya 41:4

O Unwoti Katɔti, lívele-ɔ nnini, “Nu-mi kɔnyana na abwi-mi, ɔsika lɛ́bla likpidi lɛ́ƒiɔ-ɔ.”

Kɔgya 6:2

Unwoti, nu-mi kɔnyana! Kya-mi ɔkplu, ɔsika ɔyikun ina blii suɛ ɔdi ɔsɔ uuubo-mi.

Israelƒuɔ Bɔlɛ 10:1

Amu na Unwoti ɔ́su Mose ɔnini, “Teesie na atánu Ƒarao, ɔsika lɛ́ya na anwu ku nwuna benengu báyu kayi ɔkplu kalɛ na ɔdia-mi na lidie akɔla ala budie taatina lidu lidu lɛmɛni lɛtina na bana akɔ.

Israelƒuɔ Bɔlɛ 11:10

Na Mose ku Aaron bábla akɔla budie taatina lidu lidu amɛni na Ƒarao anumi, nsu Unwoti ɔ́ya na Ƒarao kayi kayu ɔkplu na útete kuƒi na Israelƒuɔ batɔlɔ.

Israelƒuɔ Bɔlɛ 14:17

Na ndubɔya na Egyipteƒuɔ bammɔ kayi kayu ɔkplu na basia-ma kama lɛni kani. Na ɔkɛnku Ƒarao ku nwuna bekpone bammɔ ku bapɔnkɔ kɛɛkɛ ku bapɔnkɔ beliene bammɔ ƒui lɛlɔ ɔsu na mina lɛnyi likeye.

Israelƒuɔ Bɔlɛ 14:4

Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Israelƒuɔ Bɔlɛ 14:8

Na Unwoti ɔ́ya na Ƒarao kayi káyu ɔkplu na báta banii batábi basiaku Israelƒuɔ bani náta báyu ulu bésela ku kayi buse.

Israelƒuɔ Bɔlɛ 4:21

Amu na Unwoti ɔ́su Mose ɔnini, “Si énwini ésie Egyipte ni, nu ka ábla akɔla budie taatina ammɔ na Ɔga Ƒarao anumi ɔkɛnku ɔyikun ɔni na líte-ɔ kenye. Nsu ndubɔya na Ɔga Ƒarao kayi kayu ɔkplu ɔni na ɔɔɔdubo bɔtuna na Israelƒuɔ batɔlɔ Egyipte kalɔ lɛlɔ.

Israelƒuɔ Bɔlɛ 7:13

Nsu ɔmɛni kama ƒui Ƒarao kɔtu kɔ́mu kɔ́yu ɔkplu na ulenu Mose ku Aaron litemi aani kalɛ kani na Unwoti ɔ́su Mose ku Aaron úse.

Israelƒuɔ Bɔlɛ 7:3

Nsu ndubɔya na Ƒarao kayi kayu ɔkplu, na ina bi akɔla ala budie taatina ku ala ebendi na lídie lɛ́tina-nwu kɔlɛ kɔlɛ na Egyipte kalɔ lɛlɔ ni,

Israelƒuɔ Bɔlɛ 9:12

Nsu Unwoti ɔ́ya na Ƒarao ɔ́yu kayi ɔkplu na útenu Mose ku Aaron litemi kalɛ kani na Unwoti ɔ́su Mose úse.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Yesaia 29:10

Unwoti ɔ́ya na lɛlɛɛ lɛ́ƒɔ-mii anumi susuusu na bɛ́lɛɛ bísie ɔgyu. Na úti ala úbi bina lili ku anumi amii bani ndi nwuna kenye bediene ku bekyuli bani mɔɔnu ala taasu bekyuli.

Yesaia 53:5

Nsu ɔkɛnku bula ekpidi ɔsu na bébo-nwu ulikplu kemmo bákya-nwu ɔlɛ lɛlɔ na báƒɛ-nwu lɛlɔ ekpo ƒui kpɛtɛ kpɛtɛ. Na lɛbibo lɛmɛni kemmo na ɔ́sia na ɔ́ƒɔ ngba úte abu na bɔ́kɛ bɔnwuna.

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Yesaia 6:9

Na ɔ́su ɔnini, “Ɛɛn, awɔ sie! Tásu mina bekyuli anini, “ ‘Bɛdubunu mina etemila, nsu bɛɛɛdubo-nya kalɔ bunu. Na bɛdubɔnu ala ani mɔɔbla nsu bɛɛɛdubo-nya bɔnu bɔti na binu kalɔ.’

Yeremia 3:22

“Ndubo-ma bɔsu nnini, ‘Binwini bibo na lɛbwi-mii, na kalɛ na bɛ́lɛ-mii kama ɔsu.’ “Na mmɔ na badubɔsu banini, ‘Bɔdubunwini bubo, ɔsika awɔ ndi Unwoti bula Katɔti.

Yeremia 5:21

Bi ɔsu na bilenu ala kalɔ si mɔɔtɛmiku-mii, amii badɔlɔdi?

Esekiel 12:2

“Esekiel, ɔyawine ubi, bekyuli bani mɔɔkya lɛsɛ akɔ na akya. Bebo anumi, nsu béni banii balanu baláti. Na bebo atu, nsu béni banii belese atu na benu.

Esekiel 14:9

“ ‘Si kenye udiene ɔdi ɔ́su ɔkɔ kenye kadi ni, ami náya na ɔ́nyi ɔkɔ. Nsu ina amu ni, ndubuni-nwu na likulo kɔna kɔni nkya anwu ku mina kadi bekyuli ntɛ.

Hosea 14:4

“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Hosea 6:1

Ɔmmɔ kama ni, Israel kadi bekyuli bammɔ básu banini, “Bɛya na bɔsɔ bunwini busie Unwoti Katɔti kudɔ. Anwu nébo-bu ɔ́kya ɔlɛ, nsu anwu kani ndubo-bu bɔbwi. Ɔ́ya na bɔ́ƒɔ lɛlɛ, nsu ɔdubo-ni bunyimi bute-bu na likpi ƒui.

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Marko 4:12

Anwuɔsu úbo aani kalɛ na Katɔti kenye udiene ɔdi únweni úse ɔnii, “ ‘Badubo bɔnu, nsu balanu baláti. Badubo bunu, nsu belénu kalɔ. Ɔsika si ɔɔɔdi lɛni ni, nka badubunu kalɔ na benwini bebo-mi kudɔ na liti bana alaekpidi lɛkyiɛ-ma.’ ”

Marko 6:52

Ɔsika bátati kalɛ geen na ɔ́bla asa na úte nkyuli mpim ɛlɔ bamɛni adila na bádi bébu. Bana kasusu kátabla-ma nwaa na ɔmɛni lɛlɔ ka bátaƒɔ bátadi ɔsu.

Luka 4:18

“Katɔti Kɔyu kɔ́ƒɔ-mi lɛlɔ kemmo ƒui, ɔsika Katɔti náƒuna-mi ɔnii nti litemi buni lɛmɛni mboku bawabane. Na ɔ́tala-mi ɔnii nkɔ lɛsa nte bekyuli bani na béƒie kalɛ na bakɛ bɔnwuna. Na bani na anumi ábwɛ-ma ni, bataanu. Na bekyuli bani na baanya taakya ku lɛbibo ni, bakɛ bɔnwuna.

Luka 8:10

Amu na ɔ́su-ma ɔnini, “Katɔti úti nwuna lɛga bɔdi lɛnunda abɛla ɔ́tina-mii. Nsu bekyuli bakladi ama ni, agba na muubó-ma kalɛ na “ ‘si ina baanu ni, balanu baláti. Na ina beenú ni, belénu kalɔ.’

Yohane 12:39

Ɔmmɔ ɔsu na bátakana bɔƒɔ bɔdi, ɔsika Yesaia ɔ́sɔ ɔ́su ɔnini,

Yohane 9:39

Amu na Yesu ɔ́su ɔnini, “Líbo kayawi kamɛni mbatɛku bekyuli litemi kalɛ na banumbwɛne bataanu, na bani mɔɔnu ni, anumi abwɛ-ma.”

Batalane Kabla 15:3

Anwuɔsu ka baƒɔtaadine bamɛni ƒui bésie-ma ulu bétédu kabanye ni, bátɔlɔ bésie Ƒoinike ku Samaria lɛma kemmo na bátávi baƒɔtaadine bani nkya mmɔ lɛlɔ. Na básu-ma ka ɔƒaani ni, ama bani naaadi Yudaƒuɔ lɛnɔ béti lɛlɔ béte Blɔti. Na litemi lɛmɛni lɛ́ya na bana ƒui bákɛ ebiti geen.

Batalane Kabla 28:26

“ ‘Sie tásu Yudaƒuɔ anii, “Bɛdubunu na bilénu kalɔ, na bɛdubɔnu na bilanu biláti.”

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Romaƒuɔ 9:18

Anwuɔsu ni, Katɔti ɔɔnu ukyuli ɔni na ɔɔyɔ́ kɔnyana. Na uudie ɔbambadi lɛnɔ atu na ɔɔbla atuɔkplu.

Lɛkpa Ulu 29:4

Nsu úti úbedu ɔmwi limeyi lɛmɛni lɛlɔ útaya na binu kalɔ iye bɛnu bɛti lɛla lɛni ɔsu na ala ammɔ álɛ lɛni.

Yosua 11:20

Na Unwoti ɔ́ya na lɛma lɛmmɔ kɔyi kɔ́yu ɔkplu kalɛ na Israelƒuɔ bakɛ kuƒi na bekpoku-ma na bayila-ma udu kede kede ɔni na kɔnyana bɔnu bɔdi buuubo. Na ɔmɛni ndi ɔda ɔni na Unwoti úbo Mose ka ɔbla.