Yohane 12:31 - Katɔti Ɔku Kedee

³¹ “Ɔƒɛni na uwi údu ka Katɔti ɔdu kayawi kamɛni bekyuli kɔtɔ. Na Katɔti ɔdubɔbɔku kayawi kamɛni lɛlɔ ɔdine ɔlɛku nwuna lɛga kadikɔ.

Yohane 12:31 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Yesaia 49:24

Uuuse kpɛtɛ kpɛtɛ ka esie na etékpo aƒɔ ukyuli ɔdi na ɔlalane ɔni na ubo ɔkplu geen enu kemmo.

Mateo 12:28

Ɔɔɔdi Beelsebul ɔyikun na ɔdi. Mmomu Katɔti Kɔyu néte-mi ɔyikun ɔni na muuti taagya ayu ekpidi taalɛku bekyuli lɛlɔ kemmo. Na ɔmɛni ɔɔtina ka Katɔti lɛga kadikɔ kéebo-mii akɔ.

Yohane 14:30

Nsɔ naaakana-mii bɔtɛmiku gyɔlɔɔ. Ɔsika ukyuli ɔni mɔɔdi kayawi kamɛni lɛlɔ ni, ɔ́si ɔdubo. Na uuubo ɔyikun ɔdi na mina lɛlɔ.

Yohane 3:19

Lɛla lɛni ɔsu na ɔ́du-ma kɔtɔ ndi ka bukeye bɔ́si katɔ búbo kayawi, nsu bekyuli báyɔ lɛdisa bétulo bukeye bɔmmɔ. Ɔsika bana ablala adi likyulikpi ala.

Yohane 9:39

Amu na Yesu ɔ́su ɔnini, “Líbo kayawi kamɛni mbatɛku bekyuli litemi kalɛ na banumbwɛne bataanu, na bani mɔɔnu ni, anumi abwɛ-ma.”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Korintoƒuɔ 1 1:20

Ɔmɛni ɔɔtina ka kayawi kamɛni banundane ku bakutine ku bekyuli bani mbo kenye ogya ƒui lɛnunda lɛdi adɔlɔla.

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Eƒesoƒuɔ 6:12

Ɔsika ɔɔɔdi abu ku bekyuli muukpó. Mmomu abu ku bayikune ku kenyekɔ biala ku kayawi kamɛni lɛdisa ku kayaa bayikune bekpidi ƒui muukpó.

Koloseƒuɔ 2:15

Na ugyii ɔmmɔ lɛlɔ ni, Kristo ɔ́ƒɔ ɔyikun ɔ́lɛku bayikune ku kenyekɔ biala enu kemmo. Na ɔ́kya-ma kɔƒa na bekyuli anumi ka ɔ́di-ma lɛlɔ.

Hebriƒuɔ 2:14

Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Yohane 1 4:4

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Yohane 1 5:19

Abu bɔgyi ka bɔdi Katɔti badi geen, na kayawi bekyuli bakladi ƒui bakya ukisine ɔmmɔ lɛlɔ bɔdi kalɔ.