Yohane 12:2 - Katɔti Ɔku Kedee

² Mmɔ ni, bánwa Yesu ebiti bɔkya adila na anwu ku nwuna badi bádi. Na Marta néti adila ammɔ útése-ma. Lasaro lɛnɔ ɔ́kya Yesu ku bani mɔɔdi mmɔ akɔ.

Yohane 12:2 ပူးပေါင်းရင်းမြစ်များ

Lɛnu Ƒui Ɔnu 4:16

Ɔƒɛƒɛɛ ukpo ɔsi katɔ ku kada kakɛ ƒui na ugyingya mina ɔnyi ƒɛƒɛɛ ɔni muudie taasiku mina kemo kammɔ kemmo na ɔƒɔ kesi kesii. Na mina ɔyɔne uduo-mi lɛlɔ aani kemo kalɛ na utu egyiibi mini mini ammɔ unyemi ɔnu kalɛ na mbo emini sɔsɔ.

Mateo 26:6

Na uwi ɔmmɔ kemmo ni, Yesu ɔ́kya Betania na ɔnana ɔdi baalɔ Simon ɔni na úƒi ɔlɛgyie kesii.

Marko 14:3

Yesu ɔ́kya Betania na Simon ɔni néƒi ɔlɛgyie dii kesii. Uwi ɔni na Yesu ulie ɔdaku bɔdi ni, uleku ɔdi úbo mmɔ na ɔda lɛtabi suɛlɛ suɛlɛ ɔsii ɔni baalɔ alabasta. Na ɔsii ɔmmɔ kemmo ni, nnɔmii bɔni muunwenyi ƒɛƒɛɛ bɔdi buwi. Na baalɔ nnɔmii bɔmɛni nard, na bɔ́ƒɔ kuye geen. Uleku ɔmɛni ɔ́lɛmi ɔsii na úti nnɔmii bɔmmɔ úwi Yesu lili lɛlɔ.

Luka 12:37

Kabla bablane bammɔ badubɔkɛ ebiti geen si bana Unwoti úbanu-ma ka benye kagyumana bete nwuna bɔsɔ bubo! Mɔɔsu-mii ka ni, ɔdubɔsabla kɔdi lɛlɔ use, na ɔya na belie kalɔ na anwu alati ute-ma adila na badi.

Luka 14:12

Amu na Yesu ɔ́su ukyuli ɔni nálɔ-nwu ɔnii ubo kadikɔ mmɔ ɔnini, “Si álɔ bekyuli anii bebo na babadi na ƒula kesii ni, talɔ bakpana iye ƒula banwani iye lɛlɔ bekyuli iye ƒula liku bekyuli bani ndi balakɛne. Ɔsika ama lɛnɔ badubɔlɔ-ɔ lɛni kani banii bo na abadi. Na si úbo lɛni ni, agyi anii lɛla lɛni na ábla éte-ma lɛyuƒɔla na básɔku beete-ɔ mmɔ.

Luka 22:27

Ɔma ndi ukyuli ɔni ntulo, ukyuli ɔni nlie kalɔ ɔɔdi, munuu ukyuli ɔni néti adila úse-nwu? Use nwaa ka ukyuli ɔni nlie kalɔ ɔɔdi ntulo. Nsu ami nkya-mii akɔ aani ukyuli ɔni mɔɔbla-mii kabla.

Luka 5:29

Lewi ɔ́ya na bánwa adila abuni ɔnii uuti ɔkya Yesu kubiti na nwuna kaduli. Na bekyuli pii bébo mmɔ ku kuyi baƒɔne bamba lɛnɔ.

Budie Taatina 3:20

Binu! Nnye kayakun muubó kɔnu. Na si ukyuli ɔdi únu-mi lɛdi na ɔ́lɛmi úte-mi ni, ndubuduo-nwu kudɔ na ami ku-nwu bɔsala bɔdi.