Yohane 11:53 - Katɔti Ɔku Kedee

⁵³ Amu na ɔ́si limeyi lɛmmɔ lɛlɔ ni, Yudaƒuɔ batɔnkune bammɔ bése kalɔ baawia lilu lɛni lɛlɔ na beƒie Yesu na badu-nwu.

Yohane 11:53 ပူးပေါင်းရင်းမြစ်များ

Ala Kalɔ Buse 37:18

Nsu ama báka-nwu bɔnu ka ɔkɛ ɔgyu ɔdubo. Na asa na webedu-ma kudɔ ni, báasa lili ka badu-nwu.

Nehemia 13:21

Nsu líye-ma kpakplaa nnii, “Bi ɔsi na bíbo bíbatɛ awodu amɛni kudɔ usien ɔmɛni? Si lɛ́sɔ lɛ́nu-mii lɛni ndubuƒie-mii!” Na ɔ́si limeyi lɛmmɔ kama ni, kuye badine bammɔ básɔ bétebo mmɔ kudii na lɛnwunameyi lɛlɔ.

Nehemia 4:16

Na ɔ́si limeyi lɛmmɔ úsela ni, mina bekyuli kakɛ benye kabla lɛlɔ. Na kakɛ lɛnɔ báda bana ekpola ku bana kɔtaminta ku atula, na bekyuli bammɔ ƒui bénye Yudaƒuɔ

Kɔgya 113:2

Bimwi Unwoti ɔ́si ɔƒɛni úsela uwi ƒui kemmo.

Kɔgya 2:2

Kayawi baga bábla unwi na benye beekpóku awɔ ku ƒula Ukyuli Ɔƒunadi.

Kɔgya 31:13

Baalɔ-mi anyikpi na anumi ani na baakywɛ-mi lɛƒɛnyi ƒui aakya-mi liƒu. Na baasa lili kalɛ na babla na badu-mi.

Kɔgya 71:10

Ɔsika mina lɛlɔ litemi kani na mina bekisine bada uwi ndi uwi. Na baasa lili na mina lɛlɔ ka badu-mi.

Yeremia 38:15

Amu na lídie kenye nnini, “Bi na aawia ati? Ngyi ka si lɛ́su-ɔ muedi ni, aaadubo bunu na bɔwia na adubɔwia ka badu-mi mmomu!”

Yeremia 38:4

Anwuɔsu bana ine bammɔ bésie ɔga kudɔ na bátásu-nwu banini, “Ɔdi ka adu Yeremia, ɔsika ɔɔkya bekpone bammɔ ku bekyuli ƒui liƒu, na ɔ́ya na baayia ɔni na basɔ beeebo lɛnunsia lɛdi munu munu. Ulebunku bula kadi bekyuli na ulu biala lɛlɔ, mmomu uubile-ma na ɔɔkya-ma ɔlɛ lɛlɔ.”

Mateo 12:14

Amu na Ƒarisiƒuɔ bani nkya mmɔ bátɔlɔ na bátábla kasusu ka badu Yesu.

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Mateo 22:46

Bana akɔ ɔdi útakana na udie Yesu litemi lɛmmɔ kenye. Na ɔ́si limeyi lɛmmɔ lɛlɔ ni, ɔdi ɔ́sɔ útakana na use kayi uye Yesu litemi lɛbambadi lɛdi.

Mateo 26:4

Na béti kasusu kalɛ na beƒie Yesu na bɔbɛ kemmo na badu-nwu.

Mateo 26:59

Bakpane benengu bamɛni ku litemi batɛne bani nlie mmɔ ƒui báyɔ ka bawiaku Yesu litemi lɛdi lɛni lɛlɔ na basia na bakɛ-nwu badu.

Marko 14:1

Kébu emeyi anyɔ asa na Yudaƒuɔ badi bana emeyi kedee ani baalɔ Kukpi Lili Bɔvia Limeyi ku Bodobodo Ɔni Néteƒu Limeyi. Na bakpane benengu ku ɔda bubo ala batinane badi bakya baawia ulu ɔni lɛlɔ basia na bɔbɛ kemmo na beƒie Yesu na badu-nwu.

Marko 3:6

Amu na Ƒarisiƒuɔ bammɔ bátɔlɔ na bátása ku Herode lɛkpa badi na básusu Yesu bɔdu lɛlɔ.

Yohane 11:47

Anwuɔsu Ƒarisiƒuɔ ku bakpane benengu bása ku Yudaƒuɔ batɔnkune bammɔ na béye lɛlɔ banini, “Bi na ɔlɛka bɔbla? Bɛnu akɔla budie taatina ani udu na ukyuli ɔmɛni ɔdaku bɔbla!

Yohane 12:10

Anwuɔsu bakpane benengu bábla kasusu ka badu Lasaro lɛnɔ.

Yohane 7:1

Na ɔmɛni kama ni, Yesu útaavi na Galilea kalɔ lɛlɔ na útayɔ ka usie Yudea kalɔ lɛlɔ ka Yudaƒuɔ bakya baawia ulu ɔni lɛlɔ na basia na badu-nwu ɔsu.

Batalane Kabla 5:33

Ka bénu kenye kamɛni ni, ɔ́ya na básɔ bákɛ kɔnyi geen, na bábla kasusu ka badu batalane bammɔ.

Batalane Kabla 9:23

Emeyi adi kama ni, Yudaƒuɔ bása na bábla kasusu ka badubɔdu-nwu.