Yohane 11:51 - Katɔti Ɔku Kedee51 Nsu geen ni, ɔɔɔdi anwu ɔlati kasusu nwaa kemmo na ɔ́su lɛla lɛmmɔ. Mmomu ni, ka anwu ndi ɔkpane unengudi na lɛkwa lɛmmɔ kemmo ɔsu ni, Katɔti ɔkɛ-nwu lɛlɔ na ɔ́ya na ɔɔsu lɛla lɛni ndubo libalɛ use ka ni, Yesu ndubo ubekpi na Yudaƒuɔ ƒui lili. အခန်းကိုကြည့်ပါ။ |
Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.
Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.