Yohane 11:47 - Katɔti Ɔku Kedee

⁴⁷ Anwuɔsu Ƒarisiƒuɔ ku bakpane benengu bása ku Yudaƒuɔ batɔnkune bammɔ na béye lɛlɔ banini, “Bi na ɔlɛka bɔbla? Bɛnu akɔla budie taatina ani udu na ukyuli ɔmɛni ɔdaku bɔbla!

Yohane 11:47 ပူးပေါင်းရင်းမြစ်များ

Mateo 26:3

Amu na bakpane benengu ku ɔma benengu bátása na Ɔkpane Unengudi Kaiaƒa kaduli.

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Marko 14:1

Kébu emeyi anyɔ asa na Yudaƒuɔ badi bana emeyi kedee ani baalɔ Kukpi Lili Bɔvia Limeyi ku Bodobodo Ɔni Néteƒu Limeyi. Na bakpane benengu ku ɔda bubo ala batinane badi bakya baawia ulu ɔni lɛlɔ basia na bɔbɛ kemmo na beƒie Yesu na badu-nwu.

Luka 22:2

Nsu ka Katɔti bakpane benengu ku ɔda bubo ala batinane baayia bekyuli bammɔ ɔsu ni, bátaawia ulu ɔni lɛlɔ na basia badu Yesu na bɔbɛ kemmo.

Yohane 11:57

Na uwi ɔmmɔ ni, bakpane benengu ku Ƒarisiƒuɔ béte bɔti ka si ɔdi ɔgyi kesii kani na Yesu ɔkya ni, na ubo ubasu-ma kalɛ na besie betéƒie-nwu.

Yohane 12:19

Mmɔ na Ƒarisiƒuɔ bammɔ básu lɛlɔ banini, “Bɛnu ka bekyuli bammɔ bálɛ-bu kama! Kayawi bekyuli ƒui bétiku lɛlɔ bésie basiaku-nwu kama!”

Yohane 2:11

Lɛla lɛni nálɛ na Kana na Galilea mɛni ni, ani ndi akɔla budie taatina edeedi ani na Yesu ɔ́bla. Na ka údie nwuna ɔyikun ɔ́tina lɛni ni, nwuna batɛyane báƒɔ-nwu bádi.

Yohane 6:2

Na bekyuli pii badi basiaku-nwu, ɔsika bánu akɔla budie bɔtina bɔni na Yesu ɔ́bla na uwi ɔni na ɔ́bwi balɛne ɔsu.

Yohane 7:32

Amu ka Yudaƒuɔ lɛkpa lɛni baalɔ bani Ƒarisiƒuɔ bénu ka nwuna lɛlɔ atɛ ada bekyuli bammɔ akɔ lɛni ɔsu ni, ama ku bakpane benengu bása lili na bátala kakpakɔ bagyumanane badi banii betéƒie Yesu.

Yohane 7:45

Ka kakpakɔ bagyumanane bani na bátala bénwini bésie Ƒarisiƒuɔ ku bakpane benengu bammɔ kudɔ ni, béye-ma banini, “Bi ɔsu na bítakpanku-nwu bíteboku?”

Batalane Kabla 5:21

Amu ka kadi kégye ni, bésie bétéduo kakpakɔ mmɔ na bése kalɔ ku ala bɔtina. Anwuɔsu uwi ɔmmɔ kemmo ni, ɔkpane unengudi ku nwuna babune bálɔ lɛlɔ ku Yudaƒuɔ kadi benengu ƒui básala, na bátala bagyumanane banii betédie batalane bammɔ na ɔtɔ katɛnkɔ beboku.

Batalane Kabla 5:24

Uwi ɔni na kakpakɔ bagyumanane unengu ku bakpane benengu bamɛni bénu litemi lɛmɛni ni, ɔƒɛ ɔ́da-ma geen sɔsɔ, ɔsika baaagyi lɛla lɛni nsɔ mebo.