Yohane 11:44 - Katɔti Ɔku Kedee

⁴⁴ Na ukpine ɔmmɔ ɔ́ta úsie úbo-ma kudɔ mmɔ, na ukpine kɔvadi kɔmmɔ kúnyimi kɔda-nwu enu ku lɛgba. Na béti kɔ́di kɔdi bényimi-nwu anumi. Amu na Yesu ɔ́su-ma ɔnini, “Bɛƒɛnimi adi ammɔ ƒui na nwuna lɛlɔ.”

Yohane 11:44 ပူးပေါင်းရင်းမြစ်များ

Ala Kalɔ Buse 1:3

Amu na Katɔti údie lɛdi ɔnini, “Bukeye bubo,” na bukeye búbo.

Kɔgya 33:9

Ɔsika ka údie lɛdi ni, lɛla biala lɛ́da lɛ́lɛ. Na ɔkɛnku nwuna kenye butemi kemmo na lɛla biala linye nina kenyekɔ.

Hosea 13:14

“Ami Unwoti ndubɔƒɔ-mii na lidie-mii kukpi kemmo na bileduo kaƒiɔtɔ kemmo. O kukpi, wɛ na ƒula ɔlɛ ɔni na aakya bekyuli lɛlɔ ɔkya? O kukpi, wɛ na ƒula ala bubile bɔkya? “Na líni nnii lɛɛɛdubo-mii kɔnyana bɔnu.

Marko 5:43

Nsu Yesu úbo-ma ɔda kpakplaa ka batasu ukyuli ɔdi biala. Na ɔ́sɔ ɔ́su-ma ɔnini, “Bite-nwu lɛla lɛdi na ɔdi.”

Luka 19:20

“Kabla ɔblane ɔbambadi úbo na anwu ɔnini, ‘Ati, aanu ƒula egulabi koƒo kunwi kɔni néte-mi. Líti-ku lɛ́bɛla na mina lɛdiku kemmo.

Luka 7:15

Na ukpine ɔmmɔ ɔ́ta úlie na úse kalɔ ku butemi. Amu na Yesu úti-nwu úte uni.

Yohane 10:30

Ati ku ami ƒui ni, bekyuli benwi na bɔdi.”

Yohane 11:39

Amu na Yesu ɔ́su bekyuli bammɔ ɔnini, “Biliiku lɛtabi lɛmmɔ bidie ubu ɔmmɔ kenye.” Mmɔ ni, Lasaro ɔmmɔ ɔnwani Marta ɔ́su Yesu ɔnini, “Blɔti, ɔdubo buteenwenyi ɔƒɛni, ɔsika ɔmwi limeyi linedi ka báva-nwu!”

Yohane 11:43

Ka ɔ́kpali katɔ ɔ́wɔlɔ lɛni ni, ɔ́va ɔ́kpali ɔnini, “Lasaro, lɛ bo mɛni!”

Yohane 19:40

Amu na nkyuli inyɔ bamɛni béti Yesu ukpine ɔmmɔ na bátáwɛɛ-nwu evogyii ammɔ ƒui na béti adi aƒualadi abuni bényimi bada-nwu lɛlɔ ƒui aani kalɛ na Yudaƒuɔ baaklibi ukpine asa na baavá-nwu.

Yohane 20:5

Úbo kalɔ na ɔ́nu adi aƒualadi abuni ammɔ, nsu úteduo kaƒiɔtɔ ɔtɔ ɔmmɔ kemmo.

Yohane 20:7

Na kɔdi kɔni na béti bamana Yesu lili lɛnɔ kɔtɛ mmɔ. Nsu kɔɔɔtɛ adi aƒualadi ammɔ kudɔ. Mmomu báƒɛ aku lɛti báva kɔmadɔ.

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.

Yohane 5:25

Na mɔɔsu-mii geen ka uwi ɔdubo na úudu lɛnɔ ɔni na bekyuli bani nékpi ni, badubunu Katɔti Ubi lɛdi. Na bekyuli bani ndubunu-ni na baƒɔ litemi lɛmmɔ ni, badubulie ngba geen.

Ƒilipiƒuɔ 3:21

Na ɔdubɔvumana bula kayawi ɔlɔna kpɛtɛ kpɛtɛ ɔmɛni na ɔbla-nwu aani nwuna ɔlɔna ɔni muukeye mmɔ kalɛ ɔkɛnku ɔyikun ɔni na ubo na ɔɔyá na lɛla biala liiboku lɛlɔ kalɔ teete-nwu kenye.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.

Samuel 1 2:6

Unwoti mɔɔyá na ukyuli uukpi na anwu kani mɔɔyá na ukyuli uulie ngba. Anwu mɔɔyá bekyuli beeduo kekpine. Na anwu kani mɔɔgyila-ma taasiku kekpine.