Yohane 11:40 - Katɔti Ɔku Kedee

⁴⁰ Amu na Yesu ɔ́su Marta ɔnini, “Ńtasu-ɔ nnii si áƒɔ-mi ádi ni, adubɔnu ɔyikun ɔni na Katɔti ubo ati?”

Yohane 11:40 ပူးပေါင်းရင်းမြစ်များ

Ala Alɛdi 2 20:20

Amu na kadi kegye ɔtanta tutuutu uwi ɔni na ukyuli biala ɔdaku lɛlɔ bɔklibi ka bayu ulu beteesie kakɔ kakwiidi kani nde Tekoa mmɔ ni, Yehosaƒat ɔ́ta únye na ɔ́su ɔnini, “Banwa, binu! Si bula ƒui búti bula kɔyi bɔ́sia Unwoti lɛlɔ na bɔ́ƒɔ lɛla lɛni na kenye bediene básu-bu mmɔ bɔ́di ni, Unwoti ɔdubo-bu bubunku na bɔdi lɛlɔ.”

Kɔgya 63:2

Ɔmmɔ ɔsu ya na mina anumi anu-ɔ na ƒula kakpakɔ na lɛnu kalɛ na ebo ɔyikun na eekeye.

Kɔgya 90:16

Ya na abu ƒula kabla bablane bɔnu ƒula akɔla ala budie taatina na bula akɔ. Na bula bawɔ banu kalɛ na ebo ɔyikun na eekeye.

Israelƒuɔ Bɔlɛ 16:7

Na si údu ɔtanta ni, bɛdubɔnu Unwoti bukeye bonwu, ɔsika únu bina enyekpi ani ƒui bɛkya bɛɛsu teewi-nwu. Na bi ɔsu na abu na ɔlɛka biti kɔnyi bɛkya?”

Mateo 17:20

Yesu údie kenye ɔnini, “Bina bɔƒɔtaadi na mina lɛlɔ bɔ́sɔ. Mɔɔsu-mii nwaa nnii si banii bibo bɔƒɔtaadi bɔni nse aani edula kebi kebliidi ƒui ni, nka bɛdubɔkana na bɛsu kɔbi kɔmɛni bɛnii, ‘Gyu mɛni, ténye ngye!’ Na kɔdubusie. Lɛla biala liiibo na bilakana bɔbla!

Marko 9:23

Yesu ɔ́su-nwu ɔnini, “Bi ɔsu na aasu-mi anii si makana? Lɛla lɛdi liiibo ɔkplu liite ukyuli ɔni náƒɔ-mi ɔ́di.”

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 11:4

Ka Yesu únu kenye kamɛni ni, ɔ́su ɔnini, “Ɔlɛ ɔni na Lasaro uuƒi mɛni ni, ɔɔɔdi kukpi ndubɔdi-nwu kawɔlɔkɔ.

Yohane 12:41

Yesaia ɔ́nu ɔ́ti Yesu kenyekɔ ku ɔbu. Anwuɔsu na ɔ́su lɛla lɛmɛni ɔ́siku-nwu lɛlɔ ka badubuni-nwu.

Yohane 9:3

Amu na Yesu údie kenye ɔnini, “Ɔnana ɔmɛni anumi ani nábwɛ-nwu ni, aaadanku nwuna ekpidi iye nwuna bawɔne ekpidi ani na bábla ɔsu. Mmomu anumi ábwɛ-nwu kalɛ na bekyuli banu Katɔti ɔyikun bati na ukyuli ɔmɛni lɛlɔ.

Romaƒuɔ 6:4

Na ɔkɛnku ntu bɔkpila bɔmmɔ ɔsu ni, ɔɔtina ka abu lɛnɔ búkpi na báva abu ku-nwu. Na Katɔti ɔkɛnku nwuna bukeye ku ɔyikun lɛlɔ ɔ́gyila Kristo ɔ́lɛku bekpine akɔ kalɛ na abu lɛnɔ bɔta bubelieku-nwu ngba bɔwɔdi bɔmmɔ.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.