Yohane 11:28 - Katɔti Ɔku Kedee

²⁸ Mmɔ ka Marta ɔ́su lɛni ɔ́wɔlɔ ni, únwini úsie na útálɔ ɔnwani Maria úsienku kɔmadɔ na ɔ́su-nwu ɔnini, “Ala ɔtinane ɔmmɔ úubo mɛni na uuye-ɔ lili.”

Yohane 11:28 ပူးပေါင်းရင်းမြစ်များ

Yohane 13:13

Bɛɛlɔ-mi bɛnii ala ɔtinane ku Blɔti, na ɔdi lɛni sɔsɔ. Ɔsika ukyuli ɔmmɔ na ndi.

Yohane 11:20

Ka Marta únu ka Yesu ɔ́si ɔdubo ni, úsie útásiaku-nwu. Na Maria anwu ɔkya ɔtɔ.

Marko 10:49

Amu ka Yesu únu-nwu butemi ni, údi únye na ɔ́su ɔnini, “Bɛlɔ-nwu bite-mi.” Anwuɔsu bálɔ ɔnumbwɛne ɔmɛni banini, “Kɛ kubiti! Ta pla, ɔsika ɔɔlɔ-ɔ.”

Yohane 21:7

Amu na ɔtɛyane ɔni na Yesu ɔɔyɔ́ mmɔ ɔ́su Petro ɔnini, “Blɔti na ɔdi!” Ka Simon Petro únu ka ɔtɛyane ɔmmɔ ɔ́su ɔnii Blɔti na ɔdi ni, Petro úti nwuna awu gyɔlɔɔ ɔ́bala lɛlɔ, ɔsika ɔ́da-nwu údie. Na ɔ́ƒulu úduo ntu bɔmmɔ kemmo, na úti úsela Blɔti kudɔ.

Yohane 20:16

Amu na Yesu ɔ́kpali-nwu ɔnini, “Maria!” Mmɔ ni, Maria únwini ɔ́nu-nwu, na ɔ́su na Hebri lɛdi kemmo ɔnini, “Rabuni!” Na nwuna kalɔ ndi Ala Ɔtinane.

Yohane 10:3

Kayakun kenye ɔgyumanane ɔɔlɛmi kayakun kammɔ teete anwu. Na baƒonu bammɔ beenú-nwu lɛdi si ɔɔkpali-ma kalɛ na ɔ́sia-ma anyi na ɔɔtɔnku-ma taalɛku.

Yohane 1:45

Ɔƒɛni ni, Ƒilipo ɔ́gyu ɔ́tɔlɔ útáwia Natanael. Na ɔ́su-nwu ɔnini, “Abu bɔ́nu ukyuli ɔni geen lɛlɔ na Mose ku kenye bediene bénweni ala básiku-nwu lɛlɔ bése na Bunweni Kedee Ɔku kemmo! Anwu ndi Yoseƒ ubidi Yesu ɔni nási Nasaret!”

Yohane 1:41

Lɛla lideedi lɛni na Andrea ɔ́bla ndi ka úsie útáwia ɔnwani Simon na ɔ́su-nwu ɔnini, “Abu bɔ́nu Mesia ɔmmɔ,” iye Kristo. Na anyi ammɔ kalɔ budie ndi Ukyuli Ɔƒunadi.

Luka 22:11

Na bɛsu ɔtɔlati ɔmmɔ bɛnii, ‘Ala ɔtinane ɔnii buye-ɔ bɔnii, “Ɔtɔ ɔmani kemmo na ami ku mina batɛyane bɔdubo Kukpi Lili Bɔvia adila bɔdi?” ’

Marko 14:14

Na bɛsu kaduli ɔlati bɛnini, ‘Ala ɔtinane ɔnii tina-bu ɔtɔ ɔni kemmo na anwu ku nwuna batɛyane badubo babadi bana Kukpi Lili Bɔvia Limeyi adila.’

Mateo 26:18

Ɔ́tala-ma ɔnana ɔdi kudɔ na ɔ́su-ma ɔnini, “Bisie ɔma kemmo na bitásu-nwu bɛnii, ‘Ala ɔtinane ɔnii, “Mina uwi úudu. Na ƒula kesii na ami ku mina batɛyane bɔdubɔdi Kukpi Lili Bɔvia adila ammɔ.” ’ ”

Sakaria 3:10

“Na bina akɔ ɔdi biala ɔdubɔlɔ nwuna bakpana uboku na bilie bina mmo adingyii egyii kalɔ bɛkya lɛlɔ ebiti.”

Hebriƒuɔ 12:12

Ɔmɛni ɔsu ni, bina akɔnkɔ ku enu ani mɔɔtɔ́-mii ni, bɛya na ɔyikun ɔwɔdi uduo-ni kemmo.

Tesalonikaƒuɔ 1 5:11

Ɔmɛni ɔsu ni, bitaakya lɛlɔ ogya na biteebunku lɛlɔ aani kalɛ na biwi-nwu lɛlɔ ɔƒaani.

Yohane 11:29

Ka Maria únu ɔmɛni ni, ɔ́babla ɔlɛ úsie utásiaku-nwu.

Yohane 11:30

Uwi ɔmmɔ ni, Yesu úteduo tɔ ɔma ɔmmɔ. Mmomu ɔ́mu unye likpo lɛni na Marta úbasiaku-nwu mmɔ.