Yohane 11:26 - Katɔti Ɔku Kedee

²⁶ Na ukyuli ɔni nli ngba si ɔ́ƒɔ-mi ɔ́di ni, ulekpi kudii. Áƒɔ ɔmɛni ádi?”

Yohane 11:26 ပူးပေါင်းရင်းမြစ်များ

Mateo 26:53

Munuu aaagyi anii lɛkana na livele mina Ɔti na ubebunku-mi? Na mmɔ kani ɔdubuti Katɔti batu bekpone limomo lɛni ntulo akpa leevu-anyɔ umene-mi!

Mateo 9:28

Amu uwi ɔni na Yesu útéduo kaduli kemmo ni, banumbwɛne inyɔ bammɔ bébo-nwu kudɔ. Na Yesu úye-ma ɔnini, “Bɛɛƒɔ́ taadi ka ndubɔkana-mii bɔbwi?” Mmɔ na bédie kenye banii, “Bɔ́ƒɔ bɔ́di!”

Marko 9:23

Yesu ɔ́su-nwu ɔnini, “Bi ɔsu na aasu-mi anii si makana? Lɛla lɛdi liiibo ɔkplu liite ukyuli ɔni náƒɔ-mi ɔ́di.”

Yohane 10:28

Mɔɔyá na beelie ngba bɔni nsɔ naaadubo bɔsa kudii, na balayii ku udu. Na ukyuli biala ulakana-ma buƒie bɔƒɔ na mina kɔnu kemmo.

Yohane 14:10

Átaƒɔ átadi ka ami nliku Katɔti, na anwu lɛnɔ uliku-mi? Ala ani ƒui na lɛ́su-mii ni, aaadi ami ɔlati etemila kani na adi. Mmomu adi Katɔti ɔni nliku-mi na ɔɔbla nwuna kabla ɔdi.

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Yohane 6:47

Mɔɔsu-mii geen ka ukyuli ɔni mɔɔƒɔ́-mi taadi ni, uulie ngba bɔni nsɔ naaadubo bɔsa kudii.

Yohane 9:35

Ka Yesu únu ka bábɔku-nwu bédie mmɔ ni, ɔ́wia ɔnana ɔmmɔ ɔ́nu. Na úye-nwu ɔnini, “Áƒɔ Ukyuli Ɔyawine Ubi ádi?”

Romaƒuɔ 8:13

Si bɛsiaku likyulikpi udu ala bɔbla kama ni, bɛdubo bukpi. Nsu si bɛkɛnku Katɔti Kɔyu lɛlɔ na bɛ́du bina ɔlɔna udu ukpidi ɔmmɔ ni, bɛdubɔkɛ ngba.