Yohane 11:2 - Katɔti Ɔku Kedee

² Maria ɔmɛni ndi ɔni nébeti nnɔmii bɔni muunwenyi ƒɛƒɛɛ úwi Blɔti Yesu lɛgba na ɔ́da nwuna lili linwini úni-nwu lɛgba. Na ɔnwani ndi Lasaro ɔni nébo uuƒi litemi na bɔɔsu ɔƒaani.

Yohane 11:2 ပူးပေါင်းရင်းမြစ်များ

Marko 14:3

Yesu ɔ́kya Betania na Simon ɔni néƒi ɔlɛgyie dii kesii. Uwi ɔni na Yesu ulie ɔdaku bɔdi ni, uleku ɔdi úbo mmɔ na ɔda lɛtabi suɛlɛ suɛlɛ ɔsii ɔni baalɔ alabasta. Na ɔsii ɔmmɔ kemmo ni, nnɔmii bɔni muunwenyi ƒɛƒɛɛ bɔdi buwi. Na baalɔ nnɔmii bɔmɛni nard, na bɔ́ƒɔ kuye geen. Uleku ɔmɛni ɔ́lɛmi ɔsii na úti nnɔmii bɔmmɔ úwi Yesu lili lɛlɔ.

Luka 7:13

Ka Yesu ɔ́nu uleku ɔmɛni ni, nwuna lɛlɔ lɛ́bla-nwu kɔnyana. Amu na ɔ́su-nwu ɔnini, “Da buwulo ya.”

Luka 7:19

na ɔ́tala-ma ɔ́kya Blɔti ɔnii betéye-nwu banini, “Awɔ ndi ukyuli ɔni mebo munuu butaasia ukyuli bamba anu?”

Yohane 11:21

Mmɔ na Marta ɔ́su Yesu ɔnini, “Blɔti, si bɔkya na akya mɛni ni, nka mina ɔnwani útekpi!

Yohane 11:3

Lasaro banwani belekubi bamɛni básia Yesu kenye banini, “Blɔti ƒula ɔkpana ɔyɔne uuƒi.”

Yohane 11:32

Uwi ɔmɛni lɛlɔ ni, Maria úubo úbedu Yesu kudɔ. Na uwi ɔni na ɔ́nu Yesu ni, mmɔ kani na ɔ́yu úwi Yesu lɛgba akɔ na ɔ́su-nwu ɔnini, “Blɔti, si bɔkya na akya mɛni ni, nka mina ɔnwani útekpi.”

Yohane 12:3

Amu na Maria úti nnɔmii ƒɛƒɛɛ bɔdi bɔni náƒɔ kuye geen na baalɔ-mu nard úwi Yesu lɛgba, na ɔ́da nwuna lili linwini úni-nwu lɛgba. Na ɔnyi ƒɛƒɛɛ ɔ́ƒɔ ɔtɔ ɔmmɔ ƒui kemmo.

Yohane 13:13

Bɛɛlɔ-mi bɛnii ala ɔtinane ku Blɔti, na ɔdi lɛni sɔsɔ. Ɔsika ukyuli ɔmmɔ na ndi.

Yohane 13:14

Na ami ɔni ndi Blɔti ku ala ɔtinane ni, ami náƒɔ-mii lɛgba ɔƒɛni kani. Amii lɛnɔ lɛni na ɔdi ka bɛƒɔ bina bakpana lɛgba.