Yohane 11:19 - Katɔti Ɔku Kedee

¹⁹ Na Yudaƒuɔ pii bésie mmɔ bátásia Maria ku Marta kɔnu ka bana ɔnwani úkpi ɔsu.

Yohane 11:19 ပူးပေါင်းရင်းမြစ်များ

Ala Kalɔ Buse 37:35

Yakob bebi bananabi ku belekubi ƒui bébo bábasia-nwu kɔnu, nsu útada buwulo útaya. Na ɔ́su ɔnini, “Lɛla lɛmɛni lilása-mi buduo. Na ndubo buwulo laa ntéduo kaƒiɔtɔ kemmo na mina ubi kudɔ.” Ɔmmɔ ɔsu úwulo ubidi ɔmmɔ geen.

Samuel 2 10:2

Ka Dawid únu-nwu kukpi ni, ɔ́su ɔnini, “Ndubɔbla lɛla lɛbuni lɛdi lite Hanun. Ɔsika lɛni kani na ɔti Nahas ɔ́bla-mi lɛƒɔndia.” Ɔmmɔ ɔsu Dawid ɔ́tala nwuna bekyuli badi ka batásia Hanun kɔnu na ɔti kukpi ɔsu. Ka Dawid bekyuli bétéduo Amon kalɔ lɛlɔ ni,

Ala Alɛdi 1 10:12

bana bekpone bani mbo kayi geen bésie na béteti Saul ukpine ku nwuna bebi béboku Yabes. Na báva-ma na kugyii kubendi kɔdi kalɔ. Na bekyuli bammɔ bényimi kenye emeyi maatɛ.

Hiob 2:11

Uwi ɔmɛni kemmo ni, Hiob bakpana ɛtɛ badi bénu ka Hiob uuƒi. Na bése limeyi ka babasa na Hiob kudɔ na bewuloku-nwu kɔnyana na basia-nwu kɔnu. Ama ndi Eliƒas ɔni nási Teman ku Bildad ɔni nási Suhi ku Soƒar ɔni nási Naama.

Hiob 42:11

Ɔmmɔ kama ni, Hiob ɔ́ya na bánwa adila na ɔ́lɔ nwuna banwani bananabi ku belekubi ku nwuna bakpana na bádi limeyi. Na nwuna bakpana béwulo-nwu kɔnyana na lɛbibo lɛni na Katɔti ɔ́ya na líbo-nwu lɛlɔ ɔsu. Na bana akɔ ɔdi biala úte-nwu sika ɔƒualadi ku ugyiedi kɔkwɛnimi.

Etemila 7:2

Na kekwa kalɔ busie bɔdia butulo ka esie limeyi buni kadikɔ. Ɔsika kukpi ndi ukyuli biala kawɔlɔkɔ ku kesiekɔ.

Yesaia 51:19

Kɔka ku kekpo kɔ́du-mii ƒui. Na nsɔ naaakana-mii kɔnu kɔdi bɔsia lɛnɔ.

Kɔnyana Buwulo 1:16

“Ɔmɛni ɔsu kɔnyana kani na muuwulo, na imii bɔ́ƒɔ-mi anumi uwi ƒui. Na ukyuli ɔdi uuubo na ɔsia-mi kɔnu iye ɔkya-mi ogya lɛnɔ. Kekpo kádi-mi lɛlɔ na mina bekyuli beebó abi.”

Kɔnyana Buwulo 1:2

Keku kani nda usien umodi. Na imii bɔɔgbá-nwu anumi ƒui. Na útakɛ ukyuli ɔni na ɔsia-nwu kɔnu na nwuna bayɔne ƒui akɔ. Mmomu bénwini-nwu bekisine ɔƒaamu.

Kɔnyana Buwulo 1:21

“Ukyuli biala únu kalɛ na muudumo, nsu ukyuli biala uuubo na ɔsia-mi kɔnu. Na mina bekisine lɛnɔ bánu lɛbibo lɛni kemmo na éti-mi ákya báti. Na ɔmɛni ɔ́ya na baakɛ́ ebiti na mina lɛlɔ geen. Buvele, babla na ebo abáni-ma kɔtu na kenye kani na ése-mi ése kenye.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Kɔnyana Buwulo 2:13

Sion, dɛ na ndubɔkana-a kɔnu bɔsia na ƒula lɛbibo bonwu lɛmɛni kemmo? O Yerusalem, ɔma unengudi ɔbuni, bi na ndubɔkana na lɛsu lɛsiku-ɔ lɛlɔ? Na dɛ na ndubɔkana-a budie bɔlɛku kesii kani gbion aani ɛpu mɛni kemmo?

Luka 10:39

Marta ɔmɛni ubo ɔnwani ulekubi ɔni baalɔ Maria. Anwu ɔ́yu úlie Yesu kudɔ na uunú-nwu ala ani na ɔɔtina.

Luka 10:42

Nsu lɛlakpa linwi kani námanku ka bawia. Na lɛbuni lɛmmɔ na Maria ɔ́ƒuna. Na basɔ baláƒɔ-ni na nwuna kudɔ.”

Yohane 1:19

Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”

Yohane 11:1

Na ɔma ɔni baalɔ Betania kemmo ni, ɔnana ɔdi ɔ́kya na baalɔ-nwu Lasaro. Ɔnana ɔmɛni úbo uuƒi. Na banwani belekubi inyɔ bani ndi Maria ku Marta lɛnɔ bákya ɔma ɔmmɔ.

Yohane 11:31

Na Yudaƒuɔ bani nlie Maria kudɔ baasia-nwu kɔnu ni, ama lɛnɔ báta básiaku Maria kama uwi ɔni na ɔ́babla ɔ́lɛ mmɔ. Ɔsika bábu ka kaƒiɔtɔ kammɔ kudɔ na ɔ́sɔ úsela utéteewulo.

Yohane 11:33

Yesu ɔ́nu kalɛ na Maria uuwulo na bekyuli bani nsiaku-nwu lɛnɔ beewulo. Nwuna kayi kékpoku-nwu na údumo. Na úye bekyuli bammɔ ɔnini,

Yohane 11:36

Amu na bekyuli bammɔ básu lɛlɔ banini, “Bɛnu kalɛ na ɔɔyɔ́-nwu!”

Yohane 11:45

Ɔmɛni ɔsu ka Yudaƒuɔ pii bani nébo Maria kudɔ mmɔ bánu lɛla lɛni na Yesu ɔ́bla ni, báƒɔ-nwu bádi.

Yohane 11:8

Amu na bédie kenye banini, “Nsu ala ɔtinane, uwi klukui ɔdi kani návi mɛni ka bekyuli bani nkya mmɔ báwia ka bebo-ɔ atabi! Amu na asɔ aakali ka bɔsɔ busie kama?”

Romaƒuɔ 12:15

Bɛkɛ lɛlɔyɔ ku bani na lɛlɔ lɛɛyɔ́. Na biwuloku bani muuwulo.

Korintoƒuɔ 2 1:4

Anwu mɔɔsia-bu kɔnu na bula lɛbibo biala kemmo, kalɛ na abu lɛnɔ bɔkana na bubunku bula bekyulikpana na bana lɛbibo biala kemmo. Na kalɛ na Katɔti uubunku-bu ni, lɛni na abu lɛnɔ buubunku bekyuli.

Tesalonikaƒuɔ 1 4:18

Anwuɔsu biti etemila amɛni bitaasia lɛlɔ kɔnu.

Tesalonikaƒuɔ 1 5:11

Ɔmɛni ɔsu ni, bitaakya lɛlɔ ogya na biteebunku lɛlɔ aani kalɛ na biwi-nwu lɛlɔ ɔƒaani.

Samuel 1 31:13

Na báva bana ekubi na kugyii blii kɔdi kalɔ na Yabes. Na béwulo-ma emeyi maatɛ ɔni na bátadi.