Yohane 10:6 - Katɔti Ɔku Kedee

⁶ Yesu úbo-ma lɛgba lɛmɛni, nsu bétenu lɛla lɛni na ɔ́su-ma kalɔ.

Yohane 10:6 ပူးပေါင်းရင်းမြစ်များ

Kɔgya 106:7

Uwi ɔni na bula bati kuuku bákya Egyipte kalɔ lɛlɔ ni, bétenu ƒula akɔla ala budie taatina kalɔ. Na bétenyimo ƒula lɛƒɔndia pii lɛni na ábla-ma lɛnɔ. Mmomu báta bénye-ɔ lɛlɔ na Ɛpugyie ɔmmɔ kudɔ.

Kɔgya 82:5

“Balalane bamɛni baaagyi lɛla lɛni na baabla na belenu lɛla lɛdi lɛnɔ kalɔ. Lɛdisa kemmo kani na bakɛ bésela. Na lɛlɔ lɛɛtɔ́ kalɔ kemodi kammɔ.

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Daniel 12:10

Bekyuli pii badubɔda bana ngba sɛɛn na babla bana kɔyi lɛnɔ kedee. Nsu bekyuli bekpidi ama ni, bana likyulikpi ala bɔbla lɛlɔ kani na badubo bunye, na baaadubo ɔmɛni kalɔ bunu kudii. Banundane kani ndubo kalɔ bunu.

Mateo 13:34

Agba kemmo na Yesu úti ɔ́su bekyuli bammɔ ala amɛni ƒui. Útetemi útete-ma ɔni na ɔɔɔdi lɛgba na úbo.

Mateo 13:51

Yesu úye-ma ɔnini, “Bínu ala ani ƒui na lɛ́su-mii mɛni kalɔ?” Na ama lɛnɔ bédie kenye banii, “Ɛɛn.”

Marko 4:34

Útetemi útete-ma ɔni na útebo agba. Nsu si uwi ɔni na anwu ku nwuna batɛyane lɛti belie ni, na uudie-nya kalɔ taatina-ma.

Yohane 16:25

“Agba kemmo sɔɔn na lɛ́su-mii ala amɛni ƒui. Nsu uwi ɔdubo ɔni na nsɔ lɛɛɛdubo agba bubo. Mmomu ndubo-mii bɔtɛmiku nwaa bɔsiku mina Ɔti lɛlɔ.

Yohane 16:29

Mmɔ na Yesu batɛyane bammɔ básu-nwu banini, “Ɔƒɛni na aatɛmi nwaa, na asɔ elebo lɛgba.

Yohane 6:52

Ɔmɛni ɔsu Yudaƒuɔ bammɔ bésie kalɔ baakya unyeƒi kpakplaa na ama alati akɔ banini, “Dɛ na ukyuli ɔmɛni wakana-bu nwuna ɔlɔna buti bute ɔnii bɔdi?”

Yohane 6:60

Ka nwuna basiakune pii bénu ɔmɛni ni, básu banii, “Litemi lɛmɛni kalɔ bunu bubo ɔkplu geen, énu! Ɔma ndubɔkana na use atu unu lɛmɛni?”

Yohane 7:36

Bi na ɔdanku ɔni na ɔɔsu ɔnii, ‘Bɛdubo-mi bɔwia na bilanu-mi,’ na ‘Kesii kani na ndubɔkya ni, bilakana mmɔ bubo’?”

Yohane 8:27

Mmɔ ni, bétenu kalɔ banii Ɔti lɛlɔ na ɔɔtɛmi taasiku.

Yohane 8:43

Bi ɔsu na bilenu-mi kalɔ? Ngyi ka bilátuna bɛnii biisé atu na binu lɛla lɛni na mɔɔsu.

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Petro 2 2:22

Sɔsɔ na ɔdi ka agba ani na bébo ébo éte lɛni na bana lɛlɔ ka akpewe ɔsɔ uuti nwuna kɔdala taadi, na ɔplakuo ɔni na bákpila-nwu ɔsɔ uunwíni taatákpi aba.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.