Yohane 10:31 - Katɔti Ɔku Kedee

³¹ Mmɔ na Yudaƒuɔ bammɔ básɔ bála atabi banii beebó Yesu.

Yohane 10:31 ပူးပေါင်းရင်းမြစ်များ

Israelƒuɔ Bɔlɛ 17:4

Ɔmɛni ɔsu Mose ɔ́kpali Unwoti momoomo na ɔ́su-nwu ɔnini, “Bi na ndubo bekyuli bamɛni bɔbla ɔƒɛni? Benye kagyumana ka bebo-mi atabi badu.”

Mateo 12:14

Amu na Ƒarisiƒuɔ bani nkya mmɔ bátɔlɔ na bátábla kasusu ka badu Yesu.

Mateo 21:35

“Kemo lɛlɔ banune bamɛni béƒie kabla bablane bamɛni na bébo unwi na bádu unwi, na bébo unwi lɛnɔ atabi bádu.

Mateo 23:35

Na bekyuli bani nse siin ubugya ɔni na bíwiakun ɔ́si Habel lɛlɔ útálɛ Barakia ubidi Sakaria ɔni na bina bati bádu-nwu na kakpakɔ ku lɛkpabi ntɛ mmɔ ni, ubugya ɔmmɔ ɔdubɔsia bina kadi bekyuli ƒui lɛlɔ.

Yohane 1:19

Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”

Yohane 10:24

Mmɔ na Yudaƒuɔ bammɔ bábaka bámana-nwu, na béye-nwu banini, “Uwi ɛlɛ geen na adubunye etédu asa na asu-bu nwaa si awɔ ndi Ukyuli Ɔƒunadi ɔmmɔ?”

Yohane 10:32

Amu na Yesu úye-ma ɔnini, “Lɛ́bla kabla kabuni pii na bina akɔ, na amii alati bɛ́nu na adi kabla kani na Ati úti ɔ́kya-mi enu kemmo ka mbabla. Na ala amɛni akɔ ɔmani lili ɔsu na bɛɛwia ka bibo-mi atabi?”

Yohane 11:8

Amu na bédie kenye banini, “Nsu ala ɔtinane, uwi klukui ɔdi kani návi mɛni ka bekyuli bani nkya mmɔ báwia ka bebo-ɔ atabi! Amu na asɔ aakali ka bɔsɔ busie kama?”

Yohane 5:18

Ɔmɛni bɔsu ɔsu ni, Yudaƒuɔ benengu básɔ báwia ulu bébu ka badu-nwu. Ɔsika na lɛnwunameyi ɔda bubo lɛlɔ tadi kama ni, ɔ́sɔ ɔ́tɛmi ɔ́siku Katɔti lɛlɔ aani Ɔti kalɛ. Na ɔmɛni ɔɔtina ka anwu ku Katɔti bese likeke.

Yohane 8:59

Mmɔ ka ɔ́su lɛni ni, bála atabi banii beebó-nwu, nsu Yesu ɔ́bɛla lɛlɔ na ɔ́vi ɔ́lɛ-ma akɔ na kakpakɔ mmɔ.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.