Yohane 10:24 - Katɔti Ɔku Kedee

²⁴ Mmɔ na Yudaƒuɔ bammɔ bábaka bámana-nwu, na béye-nwu banini, “Uwi ɛlɛ geen na adubunye etédu asa na asu-bu nwaa si awɔ ndi Ukyuli Ɔƒunadi ɔmmɔ?”

Yohane 10:24 ပူးပေါင်းရင်းမြစ်များ

Baga 1 18:21

Amu na Elia úsie ɔ́vi bekyuli bammɔ akɔ na uuyé-ma ɔnini, “Uwi ɛlɛ geen na bɛdubulie bitaabla kasusu kunyɔ kunyɔ bitálɛ? Si Unwoti ndi Katɔti ni, bɛsiaku-nwu kama. Na si Baal lɛnɔ ndi bina Katɔti ni, na bɛsiaku-nwu kama.” Nsu bekyuli bammɔ bétedie kenye kadi.

Mateo 11:3

Na bétéye Yesu banii, “Awɔ ndi ukyuli ɔni na Katɔti ɔ́su úse ka ɔdubo, munuu butaanu ukyuli bamba ulu?”

Marko 8:32

Ɔ́su-ma ɔmɛni nwaa, na bénu kalɔ. Amu na Petro ɔ́kpanku-nwu úsienku kɔƒɛlɛ na ɔ́dɔnku-nwu.

Luka 3:15

Bekyuli bamɛni lɛnunsia lɛ́kɔ katɔ líbu na bákali ka Yohane ndi Ukyuli Ɔƒunadi ɔni na benye bagya.

Yohane 1:19

Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”

Yohane 10:31

Mmɔ na Yudaƒuɔ bammɔ básɔ bála atabi banii beebó Yesu.

Yohane 10:33

Mmɔ na Yudaƒuɔ bammɔ básu banini, “Ɔɔɔdi ala abuni adi ɔsu na bɔɔwia ka buubó-ɔ atabi. Mmomu ɔni na eedumi Katɔti ɔsu! Ukyuli kani na adi, nsu aawia ka eti lɛlɔ enwini Katɔti!”

Yohane 16:25

“Agba kemmo sɔɔn na lɛ́su-mii ala amɛni ƒui. Nsu uwi ɔdubo ɔni na nsɔ lɛɛɛdubo agba bubo. Mmomu ndubo-mii bɔtɛmiku nwaa bɔsiku mina Ɔti lɛlɔ.

Yohane 8:25

Amu na béye-nwu banini, “Awɔ ndi ɔma?” Amu na údie kenye ɔ́su-ma ɔnini, “Lɛla lɛni na lɛ́su-mii ɔ́si kalɔ kesekɔ kani na ndi.

Yohane 8:53

Bulaƒɔ taadi ka bɔsu na ada anii etulo bula ɔti Abraham, munuu lɛni na aasu? Anwu úkpi, na Katɔti kenye bediene lɛnɔ békpi. Ɔma na aabu ka adi tɔ?”

Yohane 9:22

Nwuna bawɔne básu ɔmɛni, ɔsika bátaayia Yudaƒuɔ benengu bammɔ. Ɔsika benengu bammɔ báalɛ ugyii bése ka ukyuli biala ɔni medie kenye ka Yesu ndi Ukyuli Ɔƒunadi ɔmmɔ ni, badubudie-nwu bana akɔ na Yudaƒuɔ kasalakɔ.

Korintoƒuɔ 2 3:12

Na ka bubo lɛnunsia na lɛla lɛwɔdi lɛni neeebo kawɔkɔ lɛlɔ ɔsu ni, anwuɔsu na buusé kayi taasu lɛla biala nwaa.