Yohane 10:20 - Katɔti Ɔku Kedee

²⁰ Na bana akɔ pii básu banini, “Kɔyu kukpidi kɔsiaku ukyuli ɔmɛni, na uukpi libuo! Bi ɔsu na ɔlɛka binye biteenu ala ani na ɔɔsu?”

Yohane 10:20 ပူးပေါင်းရင်းမြစ်များ

Yesaia 53:8

Bákya-nwu kɔƒa na útakɛ ukyuli ɔni náƒɔ-nwu kenye. Údie kaba kadi? Bi na ɔ́bla úse asa baadú-nwu na kayawi kamɛni kemmo? Alaekpidi ani na mina bekyuli bábla ɔsu na bádu-nwu lɛni.

Yeremia 29:26

“Na ɔkpane Yehoiada kukpi kama ni, Unwoti ɔ́ƒuna-a aani ɔkpane ɔni ndubo nwuna kakpakɔ bagyumanane lɛlɔ butaanu. Na agyi lɛnɔ ka si ukyuli ɔdi úbo ɔɔbla libuokpi ala na ɔɔtina lɛlɔ ka Katɔti kenye udiene na ɔdi ni, ɔlɛka beƒie ukyuli ɔmmɔ na bebo-nwu kɔgba.

Mateo 10:25

Anwuɔsu ni, ɔtɛyane biala ɔbla kalɛ na ɔlɛ nwuna ala ɔtinane. Na ukyuli ɔni na baadi lɛlɔ lɛnɔ ni, ɔbla kalɛ na ɔlɛ nwuna Unwoti. Na si bekyuli beedumi ɔtɔlati ɔdi banii ayu ekpidi ɔtɔnkune na ɔdi ni, na badubɔlɔ kaduli kammɔ bekyuli ƒui anyikpi betulo ɔtɔlati ɔmmɔ.

Mateo 11:18

Ɔsika uwi ɔni na Yohane úbo ni, úlie kɔka na útani ntɛ. Na ukyuli biala ɔ́su ɔnii uukpi libuo.

Mateo 9:34

Nsu Ƒarisiƒuɔ badi básu banii, “Ayu ekpidi ɔga néte-nwu ɔyikun ɔni na ɔda ɔɔgyá ayu ekpidi ammɔ.”

Marko 3:21

Ka nwuna lɛlɔ bekyuli bénu ɔmɛni ni, bésie banii batákpanku-nwu besienku kaduli, ɔsika básu banii, “Kuli kemmo muubie-nwu!”

Yohane 7:20

Mmɔ na bekyuli bammɔ bédie kenye básu-nwu banini, “Kɔyu kukpidi kɔsiaku-ɔ! Ɔma mɔɔwia ka ɔdu-ɔ?”

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!

Batalane Kabla 26:24

Kɔnakunwi ni, Ƒesto ɔ́va ɔ́su ɔnini, “Paulo, eekpi libuo! Ƒula ala bɔtɛya pii búbile-ɔ lili kemmo!”