Yohane 10:2 - Katɔti Ɔku Kedee

² Na ukyuli ɔni mɔɔsia kayakun kammɔ teeduo ɔba kemmo ni, anwu ndi baƒonu ɔdane ɔbuni ɔmmɔ.

Yohane 10:2 ပူးပေါင်းရင်းမြစ်များ

Kɔgya 23:1

Unwoti ndi mina lɛlɔ ɔnune aani baƒonu ɔdane. Anwuɔsu naaayaki lɛla lɛdi.

Kɔgya 80:1

O baƒonu ɔdane, awɔ ɔni mɔɔtɔnku Israel Yoseƒ kaba kemmo bebi aani baƒonu kalɛ. Eli ƒula lɛgaboku lɛlɔ na ƒula batu bani mbo avwi na baalɔ-ma Kerub eli. Buuvele-ɔ, ya na bɔnu kalɛ na eekeye.

Etemila 12:11

Lɛnunda etemila ese aani ugyii ɔni na umonsene uuti taakpanku nwuna bebuo. Asugba amɛni ási Katɔti ɔlati kudɔ na ese kɔbuɛlɛ ani na beeti taakana ligyii taadanku lɛlɔ.

Yesaia 40:11

Ɔɔtɔnku nwuna badi aani baƒonu ɔdane buni, na ɔɔgyu baƒonubi bammɔ taada enu. Na ɔɔda-ma taamana nwuna kayi. Na bani nda bebi ni, ɔɔkpanku-ma buɛɛ.

Yesaia 63:11

Mmɔ ni, nwuna bekyuli bammɔ bákali bánu kuuku uwi ɔni na Mose ɔ́tɔnku nwuna bekyuli. Na béye lɛlɔ banii wɛ na ukyuli ɔni nétiku-ma ɔ́siaku ɛpu kemmo mmɔ ku bana lɛlɔ ɔnune aani baƒonu ɔdane buni mmɔ bávi? Na ukyuli ɔni náya na nwuna Kɔyu Kedee kuli-ma akɔ nɔɔ, wɛ na ɔ́vi?

Esekiel 34:23

“Na ɔmmɔ kama ni, ndubute-mii baƒonu ɔdane buni ɔni ndubɔsi mina kabla ɔblane ɔni ndi Ɔga Dawid ɔtɔ kemmo na bina ƒui bani mbo ɔlɔkplu ku bani na bese kpɛtɛ kpɛtɛ ƒui bakɛ ɔdane unwi pɛ na ɔnu-mii lɛlɔ kaduɛ.

Mika 5:5

Ɔsika anwu ɔmmɔ geen ndanku keyi buɛɛ ku atu bɔyɔ bammɔ. Si Asiriaƒuɔ békpo-bu kalɛ kalɛ na bébile-bu kalɔ ku bula baga kesii dɛ ni, abu lɛnɔ bula batɔnkune baƒunadi badi badubɔtɔnku-bu na bɔdubukpoku-ma budie kasi.

Sakaria 11:3

Bise atu na binu! Baƒonu badane beewulo ka bana bebuo kadikɔ ƒui káyii udu ka livo buni lɛsɔ liiibo ɔsu. Binu! Bagyata baakwanyi, ɔsika Yordan Ɔkwalɛ aku ƒui áyii udu na asɔ eeebo na ukyuli ɔnu.

Sakaria 11:5

Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ.

Sakaria 11:8

Útedu kɔbuli kunwi asa na lɛ́ya na baƒonu badane ɛtɛ badi bátɔlɔ. Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Mateo 15:11

Adila ani muuduo ukyuli kaƒɔ ni, ɔɔɔdi anya mɔɔyá na uusé lɛlɔ. Mmomu etemila ani mɔɔlɛ́ taasi-nwu kenye kemmo mɔɔyá na uusé lɛlɔ.”

Yohane 10:14

“Ami ndi baƒonu ɔdane ɔbuni. Na aani kalɛ na Ati ɔgyi-mi na ami lɛnɔ ngyi-nwu ni, lɛni kani na ngyi mina baƒonu, na ama lɛnɔ bagyi-mi. Na lɛ́tuna ka likpi na bana lili.

Yohane 10:7

Ɔmɛni ɔsu ni, Yesu ɔ́sɔ ɔ́su-ma ɔnini, “Mɔɔsu-mii geen ka ni, ami ndi ɔba kayakun ute baƒonu bammɔ.

Yohane 10:9

Ami ndi kayakun kammɔ. Na ukyuli biala ɔni mɔɔsia-mi lɛlɔ teeduo ɔba ɔmmɔ kemmo ni, ndubɔƒɔ-nwu ngba. Ɔdubuduo mmɔ utaalɛ na utaakɛ adila abuni taadi.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Timoteo 1 4:14

Na Katɔti Kɔyu kemmo kabla etela ani na úti ɔ́kya-a lɛlɔ kemmo ɔkɛnku nwuna kenye bediene ku baƒɔtaadine benengu bani néti enu básia-a lɛlɔ ni, tada-nya taya.

Tito 1:5

Lɛ́ya-a na ásɔ akya Kreta kalɛ na aklibi ala ani nébu bɔklibi. Na ɔma biala kemmo ni, die benengu bani menye baƒɔtaadine kenye aani kalɛ na lɛ́su-ɔ nnii bla.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Petro 1 2:25

Bílie ngba dii ani baƒonu bani náyii ulu. Nsu ɔƒaani ni, Katɔti ɔ́sɔku-mii úboku bina ɔdane ɔni mɔɔgyumana-mii kɔyu kudɔ.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.

Budie Taatina 1:20

Ayabi maatɛ ani na ánu na mina kɔdianu ku sika ugyiedi ligyii lɛmmɔ enye ete lɛla lɛdi. Na ana kalɔ na ndubo budie mɛni. Ayabi maatɛ ammɔ ndi Katɔti batu maatɛ ute baƒɔtaadine akpa maatɛ ammɔ. Na sika ugyiedi ligyii lɛmmɔ ndi baƒɔtaadine akpa maatɛ ammɔ.”