Yohane 10:16 - Katɔti Ɔku Kedee

¹⁶ Mbo baƒonu babambadi na beeebo lɛƒonuyu lɛmɛni kemmo tɔ. Na ɔlɛka lɛkpanku ama lɛnɔ liboku. Na badubunu-mi lɛdi. Na bana ƒui badubunwini baƒonu lisu linwi na baƒonu ɔdane unwi kalɔ.

Yohane 10:16 ပူးပေါင်းရင်းမြစ်များ

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Kɔgya 86:9

Kadi bekyuli bani ƒui na édie badubo babalɛ akɔnkɔ kalɔ bakpa-a batina kalɛ na eekeye.

Etemila 12:11

Lɛnunda etemila ese aani ugyii ɔni na umonsene uuti taakpanku nwuna bebuo. Asugba amɛni ási Katɔti ɔlati kudɔ na ese kɔbuɛlɛ ani na beeti taakana ligyii taadanku lɛlɔ.

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Yesaia 43:6

Na ndubɔsu kɔlɔ kɔni na katɔ ku kada kakɛ bekyuli nnini, ‘Bɛnyonu mina bebi bananabi ku belekubi na benwini basi kalɔ ɔgyu ɔgyu mmɔ bebo.

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Yesaia 52:10

Unwoti údie nwuna ɔyikun bonwu keyi ɔ́tina kadi bekyuli ƒui. Na ɔƒaani ni, ukyuli biala ɔdubɔnu ɔti bula Unwoti Katɔti ɔni mɔɔƒɔ́ ukyuli ngba.

Yesaia 56:8

Unwoti ɔni mɔɔkpanku nwuna kadi bekyuli beƒiedi taabasala úse kenye kadi ɔnini, “Ndubɔkpanku mina bekyuli bani na béƒie bátɔlɔku lɛsiku kesii biala na béti-ma bésienku, na babasala ku bana banwani.”

Esekiel 34:12

aani kalɛ na baƒonu ɔdane ɔɔsia baƒonu bani náyii kama. Ɔ́si kɔnyana limeyi suu lɛni kani na bégyingya-ma bákya kalɔ lɛlɔ kadi bekyuli akɔ ni, uwi ɔmmɔ kani lɛlɔ na mina baƒonu báyii. Nsu ndubo bukpo bɔƒɔ-ma ƒui

Esekiel 34:23

“Na ɔmmɔ kama ni, ndubute-mii baƒonu ɔdane buni ɔni ndubɔsi mina kabla ɔblane ɔni ndi Ɔga Dawid ɔtɔ kemmo na bina ƒui bani mbo ɔlɔkplu ku bani na bese kpɛtɛ kpɛtɛ ƒui bakɛ ɔdane unwi pɛ na ɔnu-mii lɛlɔ kaduɛ.

Esekiel 34:6

Anwuɔsu mina baƒonu bégyingya bakya kalɔ lɛlɔ kesii biala. Bakɛ abi lɛlɔ ku abinkpo ƒui lɛlɔ na bátakɛ ukyuli ɔni nawia-ma kama ulu.

Esekiel 37:22

Ndubo-ma bɔbla na benwini kalɔ kenwi kadi bekyuli na belie Israel kalɔ lɛlɔ. Na ɔga unwi kani ndubo-ma lɛlɔ bɔdi na bɔsɔ baaadubo lɛlɔ kemmo bule bɔbla kɔlɔ akpa anyɔ kudii.

Esekiel 37:24

“ ‘Na ɔga biala na badubɔƒuna ɔdubɔsi mina kabla ɔblane Dawid ɔtɔ kemmo, na ɔdubo-ma lɛlɔ bɔnu aani baƒonu ɔdane buni kalɛ. Israel kadi bekyuli badubɔdi mina litemi lɛlɔ siin na basɔ balálɛ-mi kama. Na ama ku bana bawɔ bawɔ badubulie ɔmii ɔni na líte mina kabla ɔblane Yakob kemmo aani kalɛ kani na bana banana bábla.

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Sakaria 2:11

Na si uwi ɔni na úbo-nwu kemmo lɛni ni, kadi bekyuli pii badubunwini bebo Unwoti kudɔ na benwini nwuna bekyuli na uwi ɔmmɔ lɛlɔ, na badubɔnu bati ka Unwoti kenye udiene na ɔdi sɔsɔ.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Luka 15:8

“Na si uleku ɔdi ubo sika ɔƒualadi ebi leevu ani ndubɔƒɔ nkyuli leevu limeyi kayu na ɔ́yila unwi ni, bi na ɔdubo bɔbla? Ɔdubɔtu asogya na ɔkpala nwuna ɔtɔ kemmo ƒui na ɔwia lɛkɔkɔ lɛmmɔ ƒui kaduɛ wetédu uwi ɔni na ɔ́nu sika ubi ɔmmɔ.

Yohane 10:11

“Ami ndi baƒonu ɔdane ɔbuni ɔni nátuna ka ukpi na baƒonu bammɔ lili.

Yohane 10:2

Na ukyuli ɔni mɔɔsia kayakun kammɔ teeduo ɔba kemmo ni, anwu ndi baƒonu ɔdane ɔbuni ɔmmɔ.

Yohane 10:27

Mina baƒonu beenú-mi lɛla lɛni mɔɔsu-ma. Na ngyi-ma. Na ama lɛnɔ basiaku-mi.

Yohane 10:3

Kayakun kenye ɔgyumanane ɔɔlɛmi kayakun kammɔ teete anwu. Na baƒonu bammɔ beenú-nwu lɛdi si ɔɔkpali-ma kalɛ na ɔ́sia-ma anyi na ɔɔtɔnku-ma taalɛku.

Yohane 10:4

Na si ɔ́kpanku-ma ɔ́lɛku ni, ɔɔtɔ-ma lɛtɔtɔ na baƒonu bammɔ baasiaku-nwu kama ɔsika bagyi-nwu lɛdi.

Yohane 10:5

Baaadubo ukyuli bamba bɔsiaku. Mmomu badubukeli batɔlɔ ukyuli ɔbambadi kudɔ, ɔsika baaagyi-nwu lɛdi.”

Yohane 11:52

Na ɔɔɔdi ama lɛti. Mmomu ku kalɛ na ɔsala Katɔti bekyuli bani négyingya bakya kayawi ekpo ekpo ƒui lɛlɔ na ɔbla-ma unwi.

Yohane 17:20

“Ɔɔɔdi ama lɛti lili na mɔɔkpali-ɔ teevele lɛla lɛdi. Mmomu ku bekyuli bani ƒui ndubɔƒɔ-mi badi ɔkɛnku ƒula litemi buni lɛni badubɔsu-ma kemmo lili lɛnɔ na muuvele.

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Batalane Kabla 15:14

Simon Petro únyimene-bu kudeedi kɔni na Katɔti údie nwuna bɔyɔ ɔ́tina bekyuli bani naaadi Yudaƒuɔ na ɔ́ƒuna bana akɔ badi.

Batalane Kabla 18:10

Ɔsika nsiaku-ɔ, na ukyuli ɔdi ulákana-a likpidi lɛdi bɔbla. Bekyuli pii bakya ɔma ɔmɛni kemmo bani ndi mina badi.”

Batalane Kabla 22:14

Amu na ɔ́su-mi ɔnini, ‘Bula bati kuuku Katɔti náƒuna-a kalɛ na anu nwuna lɛyɔla ati, na anu nwuna Ukyuli Ɔƒunadi Kedee ɔmmɔ lɛnɔ ati, na eteenu-nwu lɛdi.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Petro 1 2:10

Uwi ɔdi kemmo ni, bɛɛɛdi Katɔti bekyuli. Anwuɔsu Katɔti útanu-mii kɔnyana. Nsu ɔƒɛni ka bɛdi nwuna bekyuli ɔsu ni, Katɔti ɔɔnu-mii kɔnyana.

Petro 1 2:25

Bílie ngba dii ani baƒonu bani náyii ulu. Nsu ɔƒaani ni, Katɔti ɔ́sɔku-mii úboku bina ɔdane ɔni mɔɔgyumana-mii kɔyu kudɔ.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.

Budie Taatina 3:20

Binu! Nnye kayakun muubó kɔnu. Na si ukyuli ɔdi únu-mi lɛdi na ɔ́lɛmi úte-mi ni, ndubuduo-nwu kudɔ na ami ku-nwu bɔsala bɔdi.