Yohane 10:10 - Katɔti Ɔku Kedee

¹⁰ Buyu kani na uyune uubo teebeyu na ɔdu bebuo na ubile ala lɛnɔ. Na ami ni, líbo kalɛ na lɛya na bekyuli belie ngba geen na bakɛ bɔnwuna ƒui.

Yohane 10:10 ပူးပေါင်းရင်းမြစ်များ

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Hosea 7:1

“Na uwi biala na nnii mɔɔbwi mina kadi bekyuli Israelƒuɔ lɛsiku bana lɛlɛ lɛni na beeƒi kudɔ ni, kalala ku ɔkɔ bɔnyi ku ekpidi lidu bamba kani na mɔɔnu. Na beyune baabwɛ teeduo bekyuli kɔduli na bakɛ lilu lɛlɔ ƒui baaví.

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 18:11

Ɔsika Ukyuli Ɔyawine Ubi úbo ɔnii ubaƒɔ bekyuli bani náyii ngba geen ulu ɔmmɔ.

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Mateo 21:13

Na ɔ́su-ma ɔnini, “Bénweni na Bunweni Kedee Ɔku kemmo ka Katɔti ɔ́su ɔnini, ‘Badubɔlɔ mina kaduli banii kesii kani na badubɔkpali katɔ.’ Nsu amii bíti-ka bínwini beyune kabɛkɔ!”

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Marko 11:17

Amu na ɔ́tina bekyuli bammɔ ala na ɔ́su-ma ɔnini, “Bénweni na Bunweni Kedee Ɔku kemmo ka Katɔti ɔ́su ɔnii, “ ‘Badubɔlɔ mina kesii banii kaduli kani kemmo na bayawine ƒui baakpali katɔ.’ Nsu amii bíti-ka bínwini beyune kabɛkɔ!”

Luka 19:10

Na ami, Ukyuli Ɔyawine Ubi, líbo nnii mbedie bekyuli bani ƒui náyii ulu geen ɔmmɔ.”

Yohane 10:1

Yesu ɔ́su-ma ɔnini, “Mɔɔsu-mii geen ka ni, ukyuli ɔni naaadubo kayakun kammɔ kenye bɔsia buduo lɛƒonuyu lɛmmɔ kemmo mmomu ɔba kama na ɔdubɔkɔ uduo ni, ɔdi uyune ku ala ubilene.

Yohane 10:11

“Ami ndi baƒonu ɔdane ɔbuni ɔni nátuna ka ukpi na baƒonu bammɔ lili.

Yohane 12:47

“Si ukyuli ɔdi uunú litemi lɛni na mɔɔsu nsu uládi-ni lɛlɔ ni, lɛɛɛdubo-nwu kɔtɔ bɔdu. Ɔsika ńtebo nnii mbadu kayawi bekyuli kɔtɔ. Mmomu líbo nnii mbaƒɔ-ma ngba.

Yohane 12:6

Nsu ɔɔɔdi ɔni na bawabane baakywí-nwu kaƒɔ ɔsu na úye ɔmɛni. Mmomu ka ɔdi uyune na anwu kani mɔɔda bana kavumi, na ɔɔyɔ́ ka nka utaaƒana egulabi ammɔ adi teedie taabla nwuna lɛlɔ ala ɔsu.

Yohane 3:17

Ɔsika Katɔti útatala Ubidi ɔnii ubadu bekyuli bayawine kɔtɔ. Mmomu ɔkɛnku Ubidi ɔmmɔ lɛlɔ ni, ubedie-ma na bakɛ bɔƒɔ.

Yohane 5:40

Nsu biiní ka bibo-mi kudɔ na lɛya na bɛkɛ ngba bɔmmɔ.

Yohane 6:33

Ɔsika Katɔti adila geen ani na uute bekyuli ndi ami ɔni mɔɔyá na bekyuli beelie ngba.”

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Romaƒuɔ 2:21

Nsu amii bani mɔɔtina bekyuli bamba ala ni, bɛɛtina bina lɛlɔ ala ammɔ? Bɛɛkɔ́ Katɔti litemi buni lɛsa teete bekyuli bɛnii beteyu, nsu amii alati nɔɔ? Bileyu?

Timoteo 1 1:15

Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Hebriƒuɔ 6:17

Na ka Katɔti ɔɔwia ka bekyuli bani na úse kenye ƒui bati nwaa ka kavumana kadi kelebo nwuna linyese kemmo ɔsu ni, ɔ́kpali lɛlɔ úse kenye kammɔ.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Petro 2 1:11

Si bɛ́bla lɛni ni, bɛdubɔkɛ kuƒi biala biduo Blɔti ku Ɔƒɔne Yesu Kristo ngba ƒui lɛga kadikɔ.