Yohane 1:6 - Katɔti Ɔku Kedee

⁶ Na uwi ɔmmɔ kemmo ni, Katɔti ɔ́tala ukyuli ɔdi aani kenye udiene kalɛ, na baalɔ-nwu banii Yohane.

Yohane 1:6 ပူးပေါင်းရင်းမြစ်များ

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Mateo 11:10

Yohane ɔmɛni ndi ɔtu ɔni lɛlɔ na Bunweni Kedee Ɔku ɔmmɔ ɔ́su ɔ́siku uwi ɔni na Katɔti ɔ́su Ubidi ɔnini, “ ‘Ndubɔtala ɔtu ɔdi na ɔgyu ɔtɔ-ɔ na ɔklibi bekyuli ute ƒula bubo.’

Mateo 21:25

Wɛ na Yohane ɔ́kɛ kenyekɔ kani na ubo asa na ɔ́kpila bekyuli ntu ɔ́siku? Katɔti kudɔ na kási munuu ukyuli kudɔ na kási?” Amu na bése kalɔ beeye lɛlɔ teenu banii, “Bi na ɔlɛka bɔsu? Si bɔ́su bɔnii kási Katɔti kudɔ ni, ɔdubuye-bu ɔnii, ‘Bi ɔsu na bítaƒɔ Yohane bítadi?’

Luka 1:13

Nsu Katɔti ɔtu ɔmmɔ ɔ́su-nwu ɔnini, “Sakaria, tayia! Katɔti únu ƒula bɔkpali, na ƒula ulekudi Elisabet ɔdubɔwɔ ɔnanabi ute-ɔ. Na adubɔsia-nwu lɛnyi anii Yohane.

Luka 1:76

Na awɔ, mina ubi ni, badubɔlɔ-ɔ banii Katɔti Ɔni Ntulo Ƒui Kenye Udiene. Awɔ ndubo bɔgyu bɔtɔ na Blɔti lɛtɔtɔ kalɛ na aklibi ulu ese ete nwuna bubo.

Yohane 1:33

Kudeedi ni, ńtati-nwu. Nsu uwi ɔni na Katɔti ɔ́tala-mi ɔnii ntaabla bɔkpila ɔdi ɔmɛni ni, ɔ́su-mi ɔnini, ‘Si ánu ka mina Kɔyu kɔ́yu kuulie ukyuli ɔdi lɛlɔ ni, adubɔnu ati ka anwu ndi ukyuli ɔni muuti Katɔti Kɔyu taabla bɔkpila ɔdi ɔmmɔ.’

Yohane 3:28

Amii alati bɛdubudie-mi kenye ka lɛ́su-mii nwaa nnii ɔɔɔdi ami ndi Ukyuli Ɔƒunadi ɔmmɔ. Nsu Katɔti ɔ́tala-mi ka lɛgyu lɛtɔ-nwu.

Batalane Kabla 13:24

Na asa na Yesu webo ni, Ntu Ɔkpilane Yohane úbo úbasu ukyuli biala ka unwini kama ɔkya nwuna ekpidi na uti anumi ɔsia Katɔti lɛlɔ na bakpila-nwu ntu.