Yohane 1:51 - Katɔti Ɔku Kedee

⁵¹ Litemi geen na mɔɔsu-ɔ ka ni, adubɔnu ka katɔ kálɛmi na Katɔti batu baakɔ́ teesie katɔ taayu teebo ami Ukyuli Ɔyawine Ubi lɛlɔ.”

Yohane 1:51 ပူးပေါင်းရင်းမြစ်များ

Ala Kalɔ Buse 28:12

Ka ɔtɛ ni, úgye kɔna kɔdi na ɔ́nu ka ubili kɔnyakɔ kɔdi kɔ́si kalɔ kɔ́kɔ laa kútédu katɔ. Na ɔ́nu ka Katɔti batu baasia-nwu lɛlɔ taakɔ na baasia taayu.

Esekiel 1:1

Ami ndi Esekiel, Busi ubidi, na ndi ɔkpane. Uwi ɔni na béƒie Ɔga Yekonia bátɔlɔku bésienku Babilon aani bana ɔtɔntɛne kalɛ úbunku abu bakladi, ɔbla akwa alɔ kama ni, lɛ́kya kesii kadi na kede ketu kani baalɔ banii Keba. Na ami ku bani na béti bátɔlɔku mmɔ nkya mmɔ. Amu na kɔbuli kunedi limeyi lɛlɔndi lɛlɔ na lɛkwa leevu-lɛtɛdi kemmo ni, kayaa kálɛmi kɔnakunwi. Na Unwoti úti nwuna enu ɔ́sia-mi lɛlɔ na údie kɔyu kemmo ala adi ɔ́tina-mi.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Mateo 26:24

Ami Ukyuli Ɔyawine Ubi ndubukpi aani kalɛ na Bunweni Kedee Ɔku ɔ́su. Nsu ni, bɔbuɛ muute ukyuli ɔni na ndubɔkya-mi kakya. Si nka bátawɔ-nwu muedi ni, na nka ɔdia-nwu utulo.”

Mateo 3:16

Amu ka Yohane ɔ́kpila Yesu ntu na ɔ́nya ɔ́lɛ ntu bɔmmɔ kemmo kani na katɔ kálɛmi na Katɔti Kɔyu kɔ́si kɔɔyu aani abloduma kalɛ, na kúbelie-nwu lɛlɔ.

Mateo 4:11

Amu na ukisine ɔmmɔ ɔ́tɔlɔ Yesu kudɔ, na Katɔti batu bébo bébebunku-nwu.

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Mateo 9:6

Ndubudie lɛtina-mii ka Ukyuli Ɔyawine Ubi ubo ɔyikun na uti ekpidi ɔkyiɛ na kayawi mɛni.” Anwuɔsu ɔ́su ukyuli ɔni náƒɛ uwi kalɔ mmɔ ɔnini, “Ta nye, na eti ƒula atɛla na eteesie kaduli.”

Marko 1:10

Ka Yesu ɔ́nya ɔ́lɛ ntu bɔmmɔ kemmo ni, ɔ́nu ka katɔ kébimi na Katɔti Kɔyu kɔ́si kɔɔyu-nwu lɛlɔ aani aasɛ.

Marko 14:62

Yesu ɔ́su-nwu ɔnini, “Ami mmɔ. Na bɛdubɔnu Ukyuli Ɔyawine Ubi ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Luka 2:13

Kɔnakunwi ni, Katɔti batu lɛkpa bonwu lɛdi lɛ́si kayaa lɛ́da lɛ́lɛ-ma lɛlɔ na líbebunku ɔtu ɔmɛni na bakya beemwi Katɔti banii,

Luka 2:9

Katɔti ɔtu ɔdi ɔ́da ɔ́lɛ-ma lɛlɔ na Unwoti bukeye bɔdi búkeye búbewi-ma lɛlɔ. Ɔmɛni ɔsu báyia geen,

Luka 22:43

Mmɔ na Katɔti ɔtu ɔdi ɔ́si katɔ ɔ́da ɔ́lɛ-nwu anumi na ɔ́kya-nwu ɔyikun.

Luka 22:69

Nsu ɔ́si ɔƒɛni úsela ni, Katɔti ɔdubuse ami, Ukyuli Ɔyawine Ubi, liboku na nwuna kɔdianu.”

Luka 24:4

Ɔmɛni ɔ́bla-ma dɛye dɛye. Na kɔnakunwi ni, nkyuli inyɔ badi báda bálɛ-ma lɛlɔ. Na bakya lɛwu lɛni muukeye na lɛɛtu anumi.

Luka 3:21

Ka Yohane ɔ́kpila bekyuli ƒui ntu ɔ́wɔlɔ ni, ɔ́kpila Yesu lɛnɔ ntu. Na uwi ɔni na Yesu ɔkya ɔɔkpali katɔ ni, katɔ kálɛmi.

Yohane 1:50

Amu na Yesu úye-nwu ɔnini, “Áƒɔ ala amɛni ƒui ádi ɔsika lɛ́su-ɔ nnii lɛ́nu-ɔ na kɔdingyii kɔmmɔ kalɔ ɔsu? Adubɔnu budie bɔtina bunengudi butulo bɔmɛni.

Yohane 10:1

Yesu ɔ́su-ma ɔnini, “Mɔɔsu-mii geen ka ni, ukyuli ɔni naaadubo kayakun kammɔ kenye bɔsia buduo lɛƒonuyu lɛmmɔ kemmo mmomu ɔba kama na ɔdubɔkɔ uduo ni, ɔdi uyune ku ala ubilene.

Yohane 10:7

Ɔmɛni ɔsu ni, Yesu ɔ́sɔ ɔ́su-ma ɔnini, “Mɔɔsu-mii geen ka ni, ami ndi ɔba kayakun ute baƒonu bammɔ.

Yohane 13:16

Mɔɔsu-mii geen ka ni, kabla ɔblane ɔdi biala uletulo nwuna unwoti. Lɛni kani na ukyuli ɔni bátala uletulo ukyuli ɔni nátala-nwu.

Yohane 13:38

Mmɔ ni, Yesu údie kenye ɔnini, “Aaƒɔ́ taadi geen ka enye kagyumana ka ekpi na mina lili? Mɔɔsu-ɔ litemi geen nnii asa na akɔkɔ wete kenye ni, adubɔsu kɔtɛ sɔɔn anii aaagyi-mi.”

Yohane 14:12

Mɔɔsu-mii geen nnii ukyuli biala ɔni mɔɔƒɔ́-mi taadi ni, ɔdubɔbla ala ani na mɔɔbla. Na ɔdubɔbla-nya utulo kalɛ na lɛ́bla. Ɔsika bɔtɔlɔ nda nteesie mina Ɔti kudɔ.

Yohane 16:20

Mɔɔsu-mii geen nnii bɛdubo kɔnyana buwulo na biwulo keku. Nsu kayawi bekyuli badubo ebiti bɔkɛ mmomu. Na amii ni, bɛdubɔbla kɔnyana, nsu bina kɔnyana kɔdubunwini lɛlɔyɔ.

Yohane 16:23

“Si uwi ɔni na limeyi lɛmmɔ líbo líbedu ni, bileye-mi lɛla lɛdi. Ɔsika mɔɔsu-mii geen ka lɛla biala na bɛdubɔkpali-mi lɛnyi bivele mina Ɔti ni, ɔdubute-mii.

Yohane 21:18

Mɔɔsu-ɔ litemi geen ka ni, uwi ɔni kemmo na adi ɔnamu ni, aata na aklibi lɛlɔ na esie kesii biala na aayɔ́. Nsu si uwi ɔni na ábi lɛlɔ ni, adubo enu bunene na ukyuli bamba maklibi-ɔ na ɔkpanku-ɔ usienku kesii kani na alawia ka esie.”

Yohane 3:3

Amu na Yesu údie kenye ɔnini, “Mɔɔsu-ɔ geen ka ni, si bátasɔku ukyuli bátawɔ ni, Katɔti ulakana lɛga bɔdi na nwuna kayi kemmo.”

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Yohane 5:19

Mmɔ na Yesu údie kenye ɔnini, “Mɔɔsu-mii geen nnii ami Katɔti Ubidi naaakana lɛla lɛdi bɔbla na ami ɔlati ɔyikun kemmo. Mmomu lɛla lɛni na mɔɔnu ka mina Ɔti ɔɔbla ni, ani kani na ami lɛnɔ mɔɔbla. Anwuɔsu mina Ɔti ablala kama na ami Ubi lɛnɔ nsia.

Yohane 5:27

Na úte-mi ɔyikun ɔni na lɛtɛku kayawi ƒui litemi, ɔsika ami ndi Ukyuli Ɔyawine Ubi.

Yohane 6:26

Amu na Yesu údie kenye ɔnini, “Mɔɔsu-mii geen ka ni, bodobodo ɔni na bɛ́kɛ bɛ́di bímo ɔsu na bɛɛwia-mi. Na ɔɔɔdi ɔni na bínu akɔla budie taatina ani na lɛ́bla kalɔ ɔsu.

Yohane 6:32

Mmɔ na Yesu ɔ́su-ma ɔnini, “Mɔɔsu-mii geen nnii ɔɔɔdi Mose néte-mii adila ani nási katɔ. Mmomu mina Ɔti ni, anwu muute adila geen ani nási katɔ ébo.

Yohane 6:47

Mɔɔsu-mii geen ka ukyuli ɔni mɔɔƒɔ́-mi taadi ni, uulie ngba bɔni nsɔ naaadubo bɔsa kudii.

Yohane 6:53

Amu na Yesu ɔ́su-ma ɔnini, “Mɔɔsu-mii geen ka ni, si bítadi ami Ukyuli Ɔyawine Ubi ɔlɔna na bɛni mina ubugya ni, biiibo ngba bɔdi na bina lɛlɔ kemmo.

Yohane 8:34

Amu na Yesu ɔ́su-ma ɔnini, “Mɔɔsu-mii geen ka ni, ukyuli biala ɔni mɔɔbla likpidi ni, ɔkya likpidi kalɔ.

Yohane 8:51

Mɔɔsu-mii geen nnii ukyuli ɔni madi ala ani na mɔɔtina mɛni lɛlɔ ni, ulekpi kudi kudii!”

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”

Batalane Kabla 10:11

Mmɔ na ɔ́nu ka kayaa kébimi, na ɔ́nu kɔdi bonwu kɔdi ka bada kuna ekpo ene ani ƒui na kɔ́si kɔɔyu kalɔ.

Batalane Kabla 7:56

Amu na ɔ́su-ma ɔnini, “Bɛnu! Mɔɔnu ka katɔ kébimi na Ukyuli Ɔyawine Ubi unye Katɔti kɔdianu!”

Tesalonikaƒuɔ 2 1:7

Na ɔdubɔya na abu ku amii bani ƒui muubó abi bɔkɛ bɔnwuna. Katɔti ɔdubɔbla ala amɛni uwi ɔni na Blɔti Yesu ku Katɔti batu badubɔda bɔlɛ kayaa na ɔyikun kemmo ku ogya.

Tesalonikaƒuɔ 2 1:9

Lɛni na Blɔti ɔdubɔgya-ma ɔlɛku nwuna anumi. Na balanu nwuna bukeye ku ɔyikun. Na ɔdubɔyila-ma ku udu.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Yuda 1:14

Bekyuli bamɛni lɛlɔ litemi geen na Henok ɔni ndi kaba maatɛdi ubi ɔ́si Adam lɛlɔ ɔ́su úse ɔnini, “Katɔti ku nwuna batu ƒui bumomo báyu bébo kalɔ lɛlɔ.

Budie Taatina 19:11

Ɔmmɔ kama ni, lɛ́nu ka kayaa kálɛmi na ɔpɔnkɔ ɔƒualadi ɔdi ɔ́da ɔ́lɛ. Na ukyuli ɔni nlie-nwu lɛlɔ ni, baalɔ-nwu banii Kama Kekpokɔ ku Litemi Geen. Na ɔɔtɛ litemi siin na uukpó kekpo lɛnɔ siin.

Budie Taatina 4:1

Ɔmɛni kama ni, Katɔti údie kɔyu kemmo ala adi ɔ́tina-mi. Na lɛ́nu kayakun kadi ka bálɛmi-ka na katɔ. Amu na lɛdi lɛni na lɛ́ka bunu aani kakpɛɛ ni, línu ka lɛsɔ lɛɛtɛmiku-mi lɛnini, “Bo katɔ kakɛ mɛni na lɛtina-a lɛla lɛni ndubo bɔlɛ na ɔmɛni kama.”