Yohane 1:47 - Katɔti Ɔku Kedee

⁴⁷ Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Yohane 1:47 ပူးပေါင်းရင်းမြစ်များ

Kɔgya 32:2

Na lɛlɔ lɛdubɔyɔ ukyuli ɔni ekpidi na Blɔti ulábu teese-nwu na ɔkɔ ala bɔbla bɔdi buuubo-nwu lɛlɔ kemmo.

Kɔgya 73:1

Geen geen ni, Katɔti ubo lɛƒɔndia ute Israel kadi bekyuli bani nse sɛɛn na bana kayi kemmo.

Yohane 2:25

Anwuɔsu uláwia ka ukyuli ɔdi ɔtina-nwu lɛla lɛdi na ukyuli lɛlɔ, ɔsika anwu ɔlati ɔgyi ukyuli ɔyawine udu geen.

Yohane 4:16

Mmɔ na Yesu ɔ́su-nwu ɔnini, “Teesie na atákpanku ƒ'ɔgyani eboku.”

Yohane 8:31

Amu na Yesu ɔ́su Yudaƒuɔ bani náƒɔ-nwu bádi mmɔ ɔnini, “Si bɛɛbla taasiaku mina ala ani na lɛ́tina-mii lɛlɔ ni, na bɛdi mina basiakune sɔsɔ.

Yohane 8:39

Amu na Yudaƒuɔ bammɔ básu-nwu banini, “Abraham ndi bula ɔti.” Mmɔ na Yesu ɔ́su-ma ɔnini, “Si Abraham bebi na bɛdi geen ni, bɛdubɔbla ala ani na Abraham ɔ́bla.

Romaƒuɔ 9:4

Ɔsika badi bekyuli bani na Katɔti ɔ́ƒuna. Na úti-ma ɔ́bla nwuna bebi. Na údie nwuna lɛga bɔdi bukeye ɔ́tina-ma. Na ɔ́tina-ma lɛla lɛni na únyimi. Na úti nwuna ɔda bubo úte-ma. Ama na Katɔti ɔ́tina kalɛ na ɔdi ka bakpa-nwu. Na ama na úse kenye.

Romaƒuɔ 9:6

Ɔɔɔdi bɔsu na nda nnii Katɔti kenye kani na úse ni, útadi-ka lɛlɔ. Ɔsika ɔɔɔdi Yudaƒuɔ ƒui ndi bekyuli bani na Katɔti ɔ́ƒuna aani nwuna badi.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Petro 1 2:1

Anwuɔsu bɛda kasusu kekpidi ƒui buti na bekyuli lɛlɔ bɛya. Na bɛsɔ bitanyi ɔkɔ iye bɛtɔlɔ bekyuli. Anumi etegyie-mii bekyuli ala lɛlɔ. Na bitalɔ lɛlɔ anyikpi.

Petro 1 2:22

“Anwu útabla likpidi lɛdi, na útanyi ɔkɔ ɔdi lɛnɔ kudii.”

Budie Taatina 14:5

Likpidi lɛɛɛma bekyuli bamɛni lɛlɔ, na ɔkɔ lɛla lɛdi lɛɛɛda-ma.