Yohane 1:41 - Katɔti Ɔku Kedee

⁴¹ Lɛla lideedi lɛni na Andrea ɔ́bla ndi ka úsie útáwia ɔnwani Simon na ɔ́su-nwu ɔnini, “Abu bɔ́nu Mesia ɔmmɔ,” iye Kristo. Na anyi ammɔ kalɔ budie ndi Ukyuli Ɔƒunadi.

Yohane 1:41 ပူးပေါင်းရင်းမြစ်များ

Baga 2 7:9

Nsu básu lɛlɔ banini, “Ɔlɛka bɔda ala amɛni bɔbla bɔya. Ɔsika buuunye bulábla lɛla lɛbuni. Ɔmwi kadi bubo litemi lɛbuni na utalɛ ka abu lɛti buti-ni bɔkya lɛlɔ. Na si bɔnii buulie na ɔtanta udu asa ni, bɔdubɔkɛ kɔtu bɔni. Ɔmmɔ ɔsu bɛya na buteesie ɔƒaani na butásu ɔga ku nwuna benengu.”

Kɔgya 2:2

Kayawi baga bábla unwi na benye beekpóku awɔ ku ƒula Ukyuli Ɔƒunadi.

Kɔgya 45:7

Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

Kɔgya 89:20

Lɛ́ƒuna mina kabla ɔblane Dawid na líse-nwu likpo ku nnɔmii kedee bɔni na líwi-nwu lili.

Yesaia 11:2

Na Katɔti Kɔyu kɔdubɔƒɔ-nwu lɛlɔ kemmo ƒui, kɔyu kɔni ndanku lɛnunda ku ala kalɔ bunu kakwɛ ku ɔyikun ku lɛlati ku Katɔti bɔyia.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Luka 2:17

Na ka bánu-nwu lɛni ni, básu ala ani ƒui na Katɔti ɔtu ɔmmɔ ɔ́su-ma ɔ́si ubi ɔmmɔ lɛlɔ.

Luka 2:38

Uwi ɔmmɔ kani kemmo ni, anwu lɛnɔ úbo na úti linugya úte Katɔti, na útemi ɔ́siku ubi ɔmmɔ lɛlɔ úte bekyuli bani ƒui nnye baanu Katɔti ulu ka waƒɔ Yerusalem.

Yohane 1:45

Ɔƒɛni ni, Ƒilipo ɔ́gyu ɔ́tɔlɔ útáwia Natanael. Na ɔ́su-nwu ɔnini, “Abu bɔ́nu ukyuli ɔni geen lɛlɔ na Mose ku kenye bediene bénweni ala básiku-nwu lɛlɔ bése na Bunweni Kedee Ɔku kemmo! Anwu ndi Yoseƒ ubidi Yesu ɔni nási Nasaret!”

Yohane 4:25

Amu na uleku ɔmmɔ ɔ́su Yesu ɔnini, “Ngyi ka Ukyuli Ɔƒunadi ɔni baalɔ Kristo ɔdubo. Na si úbo ni, ɔdubo lɛla biala kalɔ budie bute-bu.”

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.