Yohane 1:18 - Katɔti Ɔku Kedee

¹⁸ Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 1:18 ပူးပေါင်းရင်းမြစ်များ

Ala Kalɔ Buse 16:13

Amu na ɔ́sia Unwoti ɔni nátɛmiku-nwu lɛnyi ɔnini, “Awɔ ndi Katɔti ɔni mɔɔnu-mi. Ɔsika ɔƒɛni ni, lɛ́nu awɔ ɔni mɔɔnu-mi.”

Ala Kalɔ Buse 18:33

Uwi ɔni na Unwoti ɔ́su Abraham ɔmɛni ɔ́wɔlɔ ni, ɔ́tɔlɔ. Na Abraham únwini úsie kaduli.

Israelƒuɔ Bɔlɛ 23:21

Binu ɔtu ɔmmɔ litemi biala lɛni na ɔdubo-mii bɔsu. Na ɔdi utata utenye-nwu lɛlɔ, ɔsika ami nátala-nwu. Na si ɔdi ɔ́ta únye-nwu lɛlɔ ni, uleti ulakyiɛ-nwu, ɔsika mina lɛnyi lɛlɔ na ɔkɛ.

Israelƒuɔ Bɔlɛ 24:10

na bánu Israelƒuɔ Katɔti. Na kesii kani na nwuna lɛgba lɛnya ni, use aani ulu ɔni na béti sika atabi ani baalɔ Saƒaya bákya bávi na uukeye aani kayaa.

Agba 8:30

Geen ni, ami ndi-nwu kabla kammɔ kakwɛ ɔkyane na nwuna kɔmadɔ. Na mɔɔkɛ́ ebiti limeyi ndi limeyi na lɛlɔ lɛɛyɔ́-mi na nwuna anumi uwi ndi uwi.

Yesaia 40:11

Ɔɔtɔnku nwuna badi aani baƒonu ɔdane buni, na ɔɔgyu baƒonubi bammɔ taada enu. Na ɔɔda-ma taamana nwuna kayi. Na bani nda bebi ni, ɔɔkpanku-ma buɛɛ.

Kɔnyana Buwulo 2:12

Bebi beewulo kɔka teeye bana beni adila, na ɔmmɔ kama na bayuɛ aani bekpone bani na báƒɔ ɔlɛ batɛ lɛblɔnu lɛlɔ, na baayula na bana beni enu kemmo.

Bumomo Bɔka 12:8

Mɔɔtɛmi ku anwu anumi ku anumi, na ɔɔɔdi agyolo kemmo, mmomu atɛ nwaa kemmo, na ɔɔnu kalɛ na Unwoti use ku nwuna anumi. Na bi ɔsu na bítayia ka bɛsu lɛla lɛdi na bɛ́ta bínye mina kabla ɔblane Mose lɛlɔ?”

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 12:41

Yesaia ɔ́nu ɔ́ti Yesu kenyekɔ ku ɔbu. Anwuɔsu na ɔ́su lɛla lɛmɛni ɔ́siku-nwu lɛlɔ ka badubuni-nwu.

Yohane 13:23

Na batɛyane bammɔ akɔ unwi ɔni na Yesu ɔɔyɔ́ ni, úlie ude Yesu.

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?

Yohane 17:26

Lídie-ɔ lɛ́tina-ma. Na ndubo butaabla lɛni kalɛ na bati ka aayɔ́-ma aani kalɛ na aayɔ́-mi, na bati ka nliku-ma.”

Yohane 17:6

“Lɛ́ɛya na bekyuli bani na áƒuna álɛku kayawi bekyuli akɔ éte-mi báti-ɔ. Awɔ ɔdi na badi, na éti-ma éte-mi. Bádi ƒula etemila ƒui lɛlɔ.

Yohane 3:11

Mɔɔsu-ɔ geen ka bɔɔtɛmi taasiku ala ani na bɔgyi lɛlɔ, na buudie ani na bɔ́nu kenye teete-mii. Nsu bilaƒɔ ala ani kenye na buudie teete-mii taadi.

Yohane 6:46

Ɔmɛni ulátina ka ukyuli ɔdi ɔ́ɔnu Ati ɔmmɔ. Mmomu ami ɔni lɛti nási Katɔti kudɔ ni, ami lɛti náanu-nwu.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Lɛkpa Ulu 4:12

Katɔti ɔ́tɛmi úte-mii ɔ́siku ogya ɔmɛni kemmo. Na bínu-nwu lɛdi bɛ́siku ogya ɔmmɔ kemmo, nsu bítanu-nwu udu biala bítati.

Koloseƒuɔ 1:15

Kristo ukyuli udu ɔni na bɔɔnu muudie Katɔti ɔni ukyuli udu na bulánu taatina. Na anwu ndi Katɔti Ubi udeedi ɔni mɔɔdi nwuna ala ani na údie ƒui lɛlɔ.

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Yosua 5:13

Uwi ɔni na Yosua ɔni uude Yeriko ni, ka ɔ́talaku anumi ni, kɔnakunwi kani na ɔ́nu ɔnana ɔdi ka unye-nwu anumi na ɔ́da kewii kagyɔlɔɔ kadi. Amu na Yosua ɔni ude-nwu na úye-nwu ɔnini, “Adi bula bekpone akɔ unwi, munuu ukisine na adi-bu?”

Yohane 1 4:12

Ukyuli ɔdi útanu Katɔti kudii. Nsu si bɔɔyɔ́ lɛlɔ ni, Katɔti uliku-bu, na bɔyɔ bɔni bubo bute-nwu búdu bɔ́wɔlɔ.

Yohane 1 4:20

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?

Yohane 1 4:9

Ka Katɔti ɔ́yɔ ka udie nwuna bɔyɔ ɔtina-bu ɔsu ni, ɔ́tala Ubidi unwi pɛ ɔnii ubo kayawi, kalɛ na ɔkɛnku Ubidi ɔmmɔ lɛlɔ na bɔkɛ ngba bɔni nsɔ naaadubo bɔsa kudii.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.