Yohane 1:17 - Katɔti Ɔku Kedee

¹⁷ Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Yohane 1:17 ပူးပေါင်းရင်းမြစ်များ

Ala Kalɔ Buse 22:18

Na ɔkɛ ƒula kaba kemmo ni, ndubute kayawi ƒui bekyuli kusɛ kusɛ. Ɔsika énu-mi litemi na ádi-ni lɛlɔ.”

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Kɔgya 85:10

Nwuna bɔyɔ bɔni neeebo kawɔkɔ ku kalɛ na ulalɛ nwuna litemi kama uwi ɔdi ɔdubɔsala ɔbla unwi. Na kalɛ na Unwoti ɔɔbla ala siin na uute keyi buɛɛ lɛnɔ ɔdubɔkya lɛlɔ kɔgbu.

Kɔgya 98:3

Ɔ́sia nwuna litemi kama siin úte Israel kadi bekyuli na ɔɔyɔ́-ma uwi ndi uwi. Na kayawi bekyuli ƒui bánu na kesi kesii kalɛ ubo ɔyikun na ɔɔƒɔ́ bekyuli.

Mika 7:20

Adubo ƒula litemi kama bɔsia siin na alálɛ bula Nana Yakob ku Abraham kama kudii aani kalɛ na ése bula bati kuuku kenye ése uwi ɔni návi kukuuku kemmo.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Yohane 5:45

“Nsu bitakali bɛnii ami ndubo-mii kɔtɔ bɔdu na mina Ɔti kudɔ! Mose ɔni ɔda bubo lɛlɔ na bibo katɔ busie lɛnunsia ni, anwu mmomu ndubo-mii kɔtɔ bɔdu!

Yohane 7:19

Ɔɔɔdi Mose néte-mii ɔda bubo bɔmmɔ yoo? Nsu bina akɔ ɔdi uládi ɔda bubo bɔmmɔ lɛlɔ. Bi ɔsu na bɛɛwia ka bɛdu-mi?”

Yohane 8:32

Na bɛdubɔti litemi geen, na litemi lɛmmɔ lɛya na bɛkɛ bɔnwuna.”

Yohane 9:29

Bɔgyi ka Katɔti ɔ́tɛmiku Mose. Na ukyuli ɔmmɔ anwu ni, bɔɔɔgyi kesii kani na ɔ́si muedi!”

Batalane Kabla 28:23

Amu na bése limeyi lɛdi bese, na bekyuli pii bébo-nwu kudɔ. Mmɔ na ɔ́tɛmi úte-ma ɔ́siku Katɔti lɛga kadikɔ lɛlɔ. Na ɔ́lɔ-ma kasusu úsienku kesii kani na Mose ku Katɔti kenye bediene bénweni ala bése básiku Yesu lɛlɔ. Na ɔ́tɛmiku-ma ɔ́si ɔtanta útédu useyi uwi.

Batalane Kabla 7:38

Mose ndi ukyuli ɔni násala bula bati kuuku uwi ɔni na Israelƒuɔ bákya ketele mmɔ. Na anwu ndi ukyuli ɔni na Katɔti ɔtu ɔ́tɛmiku na Sinai Kɔbi lɛlɔ. Na anwu náƒɔ Unwoti litemi lɛni muute ngba úboku-bu.

Romaƒuɔ 6:14

Ɔsika likpidi liiibo ɔyikun na bina lɛlɔ ka biiibo ɔda bubo kalɔ ɔsu. Mmomu bɛkya Katɔti lɛƒɔndia kalɔ.

Korintoƒuɔ 2 1:20

Ɔsika Katɔti kenye biala na úse-bu úse ni, kébo kéte lɛni na Yesu Kristo lɛlɔ. Ɔmmɔ ɔsu na bɔɔsu na nwuna lɛnyi kemmo bɔnii, “Ɔsia lɛni.” Na buti bumwi bute Katɔti.

Galatiƒuɔ 3:17

Lɛla lɛni mɔɔtina ndi ka Katɔti únyimiku Abraham lɛla lɛdi. Na ɔ́su ka wadi bunyimi bɔmmɔ lɛlɔ. Na ɔda bubo bɔni na Katɔti úbete Mose na akwa eti maane ku avlaatɛ kama ni, ulakana na webile Katɔti bunyimi na linyese lɛmmɔ lɛbla kaduɛ.

Lɛkpa Ulu 33:4

Na bɔɔdi ɔda bubo bɔni Mose úte-bu mmɔ lɛlɔ. Na ɔda bubo bɔmɛni bɔdi abu Israelƒuɔ lɛkɛ linengudi.

Lɛkpa Ulu 4:44

Ɔmɛni ndi ɔda bubo bɔni na Mose údie ɔ́tina Israelƒuɔ ka basia-mu kama.

Lɛkpa Ulu 5:1

Amu na Mose ɔ́lɔ Israelƒuɔ bammɔ ƒui ɔ́sala na ɔ́su-ma ala amɛni. Israel kadi bekyuli, binu ɔda bubo bɔni ƒui líti muute-mii ɔmwi mɛni. Bɛtɛya ɔda bubo bɔmmɔ na bɛnu ka bɛdi-mu lɛlɔ.

Hebriƒuɔ 9:22

Geen ni, ɔda bubo bɔmmɔ bɔɔtina na bɔkana na bɔsu bɔnii ala ƒui aabla sɛɛn ɔkɛnku ubugya lɛlɔ. Na ɔkɛnku ubugya kalɔ buwi kemmo na Katɔti uuti bula ekpidi taakyiɛ-bu.