Yohane 1:15 - Katɔti Ɔku Kedee

¹⁵ Yohane údie-nwu ɔ́tina bekyuli uwi ɔni na ɔ́kɔ lɛsa úte kasalakɔ ƒui ɔnini, “Ɔmɛni ndi ukyuli ɔni lɛlɔ na ńtaatɛmi taasiku ɔni lɛ́su nnii ukyuli ɔdi ɔkpɛ-mi kama ɔdubo ɔni ntulo-mi ƒui, ɔsika ɔkya kukuuku asa na báwɔ-mi.”

Yohane 1:15 ပူးပေါင်းရင်းမြစ်များ

Agba 8:22

“Ami na Unwoti ɔdanku asa na ɔdubuse kalɔ ku lɛla biala budie ku kuuku ala ani ƒui nákya.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Marko 1:7

Nwuna linyesia lɛni lɛlɔ na ɔɔkɔ́ lɛsa ndi ɔnii, “Ukyuli ɔni nkpɛ-mi kama ɔdubo ni, anwu utulo-mi ƒui. Ńtedu ka lɛbla kabla kadi lite-nwu muedi.

Luka 3:16

Anwuɔsu Yohane ɔ́su bana ƒui ɔnini, “Ntu na ami líti mɔɔkpila-mii. Nsu ukyuli ɔdi ɔsia-mi kama ɔdubo ɔni na utulo-mi ƒui! Ńtedu ka lɛbla kabla kadi lite-nwu muedi. Na ukyuli ɔmɛni ndubuti Katɔti Kɔyu ku ogya ɔkpila-mii.

Yohane 1:27

Anwu ndi ukyuli ɔni nkpɛ-mi kama ɔdubo, na ami ńtedu ka lɛbla kabla kadi lite-nwu muedi.”

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”

Koloseƒuɔ 1:17

Kristo ɔ́kya asa na Katɔti údie ala ƒui. Na ɔkɛnku-nwu lɛlɔ na ala ƒui eesié kaduɛ.

Hebriƒuɔ 13:8

Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Budie Taatina 1:11

Lɛdi lɛmmɔ lɛ́su lɛnini, “Nweni lɛla lɛni na ánu se na eti-ni esienku baƒɔtaadine akpa maatɛ na lɛma linengudi lɛdi kemmo. Ani ndi Eƒeso ku Smirna ku Pergamo ku Tiatira ku Sardi ku Ƒiladelƒia ku Laodikea.”

Budie Taatina 2:8

Na ɔ́su-mi ɔnini, “Nweni te Smirna baƒɔtaadine lɛkpa ɔtu anii, “Ami Yesu ndi Udeedi ku Ukplodi. Na líkpi, nsu lɛ́sɔ lɛ́ta líbo nli ngba. Na ami mɔɔsu kenye kamɛni.