Yohane 1:12 - Katɔti Ɔku Kedee

¹² Nsu ɛlɛɛ badi báƒɔ-nwu. Na bani ƒui náƒɔ-nwu mmɔ aani Katɔti Ukyuli Ɔƒunadi ɔmmɔ ni, úte-ma ɔyikun ɔni náya na benwini Katɔti bebi.

Yohane 1:12 ပူးပေါင်းရင်းမြစ်များ

Samuel 2 7:24

Éti abu Israelƒuɔ énwini ƒula kadi bekyuli geen uwi ƒui. Na awɔ Unwoti énwini bula Katɔti.

Yesaia 56:5

Na ndubɔtu likpose atabi bɔlɛ mina kakpakɔ na linweni bina anyi lɛsia-nya lɛlɔ. Na ɔmmɔ lɛti ɔdia utulo si bɛ́wɔ bebi, ɔsika atabi ammɔ adubunye mmɔ uwi ƒui.

Yeremia 3:19

“Ami ɔlati násu nnini, ‘Lɛ́yɔ ka lɛbla-mii mina bebi na lite-mii kalɔ kabunidikɔ ƒui kani mɔɔdia bɔnu teetulo na kalɔ kammɔ ƒui lɛlɔ.’ Na lɛ́yɔ ka bɛnu-mi bɛti na bɛlɔ-mii bɛnii Ati, na bɛsɔ bilatɔlɔ-mi kudɔ.

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Mateo 10:40

“Ukyuli biala ɔni maƒɔ-mii ni, ɔ́ƒɔ ami lɛnɔ. Na ukyuli biala maƒɔ-mi ni, ɔ́ƒɔ Katɔti ɔni nátala-mi lɛnɔ.

Mateo 12:21

Na kadi bekyuli ƒui badubɔsia anwu lɛti anu.”

Mateo 18:5

“Na ukyuli ɔni maƒɔ ɔnamu blii suɛ aani ɔmɛni udu na mina lɛnyi kemmo ni, ɔ́ƒɔ ami lɛnɔ.

Yohane 1:11

Úbo anwu badi akɔ, nsu bétegyingya enu bátaƒɔ-nwu.

Yohane 1:7

Úbo ɔnii ubedie kenye na ukyuli ɔni ndi bukeye bɔmɛni lɛlɔ kalɛ na ukyuli biala unu linyesia lɛmɛni na ɔƒɔ ukyuli ɔni ndi bukeye mmɔ ɔdi.

Yohane 11:52

Na ɔɔɔdi ama lɛti. Mmomu ku kalɛ na ɔsala Katɔti bekyuli bani négyingya bakya kayawi ekpo ekpo ƒui lɛlɔ na ɔbla-ma unwi.

Yohane 2:23

Uwi ɔni na Yesu ɔ́kya Yerusalem na Kukpi Lili Bɔvia uwi kemmo ni, bekyuli pii bánu akɔla lidu lidu lɛni na ɔ́bla na báƒɔ-nwu bádi ka ubo Katɔti ɔyikun.

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 3:18

“Bekyuli bani mɔɔƒɔ́-nwu taadi ni, Katɔti uládu-ma kɔtɔ. Nsu bekyuli bani naaadubo-nwu bɔƒɔ bɔdi ni, Katɔti ɔ́ɔtɛku-ma litemi kukuuku na ɔ́ɔdu-ma kɔtɔ ka bátaƒɔ Katɔti Ubidi unwi pɛ bátadi ɔsu.

Batalane Kabla 3:16

Ɔkɛnku Yesu lɛnyi kemmo ɔsu na ɔnana ɔni na bɛgyi na bɛɛnu mɛni ɔ́kɛ lɛlɔkplu. Na ka ɔ́ƒɔ Yesu ɔ́di ɔsu ni, Blɔti ɔ́bwi-nwu na bina anumi.”

Romaƒuɔ 8:14

Ɔsika bekyuli bani na Katɔti Kɔyu kɔtɔnku ni, ama ndi Katɔti bebi.

Romaƒuɔ 8:16

Katɔti Kɔyu ku bula ayu ƒui eedie ɔmɛni kenye taatina ka bɔdi Katɔti bebi.

Romaƒuɔ 8:19

Ala ani na Katɔti údie ƒui aanu ulu kpakplaa teete uwi ɔni na Katɔti ɔdubudie nwuna bebi ɔtina.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Koloseƒuɔ 2:6

Na kalɛ na bɛ́ƒɔ Yesu Kristo ku bina kayi ƒui aani bina Ɔti ni, bɛblaku-nwu unwi lɛni kani.

Petro 2 1:4

Na ɔkɛnku ala amɛni lɛlɔ ɔsu ni, Katɔti úti nwuna kaƒɔ buni ala enengudi ani náƒɔ kuye úte-bu na kenye kani na úse ɔsu. Na ɔkɛ etela ammɔ lɛlɔ ni, na bɛkana bɛlɛ ɔlɔna ala ani mɔɔda-mii ɔkwɛ na kayawi kamɛni kemmo na bɛbla kedee aani nwuna kalɛ.

Yohane 1 3:1

Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Yohane 1 3:23

Ɔda bubo bɔni na úse úte-bu ndi ka bɔƒɔ Ubidi Yesu Kristo ɔmmɔ bɔdi, na bɔyɔ bula lɛlɔ aani kalɛ kani na úbo-bu ɔda úbavi.