Yoel 3:8 - Katɔti Ɔku Kedee

⁸ Ndubuti bina bebi buye bute Yudaƒuɔ ku Yerusalemƒuɔ na beti-ma beye bete Sebaƒuɔ kadi bekyuli bani nkya ɔlɔgyu kakaaka mmɔ. Ami Unwoti násu.”

Yoel 3:8 ပူးပေါင်းရင်းမြစ်များ

Hiob 1:15

Nsu búdu bɔti ni, Sabaƒuɔ badi bábwɛ bálɛ na békpoku-bu, na bádu ƒula kabla bablane ƒui, na bála bebuo bammɔ ƒui békeliku bátɔlɔku. Na ami kani nébu na líbo nnii mbasu-ɔ!”

Kɔgya 72:10

Tarsis ɔga ku ntuntɛ kɔlɔ baga ƒui bataaƒɔ lɛlɔ bɔdi kayu teete ƒula ɔga. Na Sieba ku Seba baga lɛnɔ beti etela beboku ɔga ɔmmɔ.

Yesaia 60:14

Na bekisine bani nékpoku-mii ni, bana bawɔ badubɔlɛ akɔnkɔ kalɔ na bina lɛgba akɔ na basu-mii banii, ‘Sion ɔdi Unwoti Israel Katɔti Kedee ɔma unengudi.’

Yeremia 30:16

“Nsu si bina bekisine bákɛ kenyekɔ na banii bɛɛyú-mii iye bayila-mii udu ni, ami lɛnɔ ndubo-ma buyu iye lɛyila-ma udu. Na badubuƒie ama lɛnɔ besienku kaƒɔ ɔlɔgyu.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Esekiel 23:42

Na lɛsɛ lɛ́ƒɔ-ma lɛtɔ kemmo ku ntɛ ekpila bɔbla bɔni na bekyuli bani na bététiku básiku kalɔ kakwiidi lɛlɔ mmɔ baabla. Na banana bamɛni beete beleku bammɔ asɛɛ abuni ani na baakya ɔkwɛ ku baga kɔbwa kɔni mɔɔdia bɔnu geen.

Esekiel 38:13

Na Seeba ku Dedan kadi bekyuli ku beyedine bani nási akpaklɔ ani nde mmɔ badubo-mii kama bunye na bebunku-mii. Ɔsika badubɔyɔ ka ama lɛnɔ bakɛ sika ɔƒualadi ku ugyiedi ku bebuo ku bana akɛla bamba ani na bebo na bekpone bamɛni badubo buƒie bɔƒɔ Israelƒuɔ kudɔ ɔsu.

Lɛkpa Ulu 32:30

Bi mɔɔlɛ́ ɔsu na ukpone ukisine unwi pɛ ɔ́bi ɔ́siaku Israelƒuɔ bekpone apim? Na bekisine bekpone inyɔ bábi básiaku Israelƒuɔ bekpone mpim leevu?

Litemi Batɛne 2:14

Na ɔkɛnku kɔnyi kati kati kɔni na Unwoti úti ɔ́kya Israelƒuɔ ɔsu ni, ɔ́nyonu-ma ɔ́kya bana bekisine enu kemmo na bébekpoku-ma na béti bana ala. Na ɔ́ya na bana bekisine bani nkya amadɔ mmɔ ƒui békpo bádi-ma lɛlɔ, na basɔ balakana na babla lɛla lɛdi.

Litemi Batɛne 4:2

Anwuɔsu Unwoti ɔ́nyonu-ma ɔ́kya Kanaanƒuɔ Ɔga Yabin ɔni mɔɔdi lɛga na Hasor enu kemmo. Na Yabin bekpone ɔtɔnkune baalɔ banii Sisera na úlie Haroset-Hagoyim.

Litemi Batɛne 4:9

Amu na Debora ɔ́su-nwu ɔnini, “Ɔdia, ami ku-ɔ bɔdubusie. Nsu mɔɔyá-a na ati ka kalɛ na enye aabla mɛni ɔsu ni, aaadubo lɛnyi lɛmmɔ bɔƒɔ. Ɔsika Unwoti ɔdubo Sisera bɔnyonu bɔkya uleku enu kemmo.” Anwuɔsu Debora ku Barak bátɔlɔ bésie Kades.