Yoel 3:7 - Katɔti Ɔku Kedee

⁷ “Bɛnu! Ndubo bɔya na benwini basi kesii kani na bíye-ma bímene mmɔ ƒui bebo bana lɛma. Na lɛla lɛni na bɛ́bla-ma mmɔ na ndubɔya na lɛlɛku-mii.

Yoel 3:7 ပူးပေါင်းရင်းမြစ်များ

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Yesaia 11:12

Ɔdubo bunyene aƒlaga ɔdi ute kadi ƒui bekyuli, na ɔkpanku Israel kadi bekyuli bani na béƒie bésienku kɔlɔ bamba ku Yudaƒuɔ bani na bégyingya bakya ƒui ɔsiku kayawi lɛƒɛnyi ine bɔmmɔ ƒui ubasala.

Yesaia 49:12

Mina kadi bekyuli badubɔsi ɔlɔgyu na katɔ kakɛ ku ɔƒɛ kanukɔ bebo na basi Siniƒuɔ kalɛkɛ lɛlɔ lɛnɔ bebo.”

Yesaia 66:6

Bise atu na binu kɔku ku kudu kɔni nda na ɔma unengudi ɔmmɔ kemmo ku kakpakɔ kammɔ kemmo. Unwoti ablala na adi. Anwu mɔɔƒɔ nwuna bekisine kayu kani ƒui námanku-ma.

Yeremia 23:8

Mmomu bɛdubɔlɔ-mi bɛnii Ngba ƒui Katɔti ɔni nédie-bu ɔ́lɛku kalɔ kani nkya katɔ kakɛ bekyuli enu kemmo ku kɔlɔ kɔni lɛlɔ na ɔ́bɔku-bu útákya enu kemmo. Na bɛdubɔsɔ bibelie amii alati kalɔ lɛlɔ.”

Yeremia 30:10

“Amii, mina bekyuli bani nkya katɔ ku kada ƒui, bɛsɔ bitayia. Ami ɔdi na bɛdi bɛ́manku ka lɛni-mii kɔtu, anwuɔsu na lígyingya-mii lɛ́kya kadi bamba bekyuli akɔ na ɔlɔgyu kakaaka. Nsu nsiaku-mii na ndubɔyila kadi bamba bakyuli bammɔ udu.

Yeremia 30:16

“Nsu si bina bekisine bákɛ kenyekɔ na banii bɛɛyú-mii iye bayila-mii udu ni, ami lɛnɔ ndubo-ma buyu iye lɛyila-ma udu. Na badubuƒie ama lɛnɔ besienku kaƒɔ ɔlɔgyu.

Yeremia 31:8

Ami Unwoti ndubɔsɔku mina bekyuli lɛsiku Babilon ku kalɔ kadi bekyuli ƒui akɔ liboku ɔma. Na banumbwɛne ku bekpulone ƒui badubɔkya mmɔ. Na baƒɔndane ku bani na uwi úudu-ma ka bawɔ ƒui badubɔkya kasala kammɔ kemmo.

Yeremia 32:37

“Líti kɔnyi geen lɛ́kya Yerusalemƒuɔ na ndubɔya na begyingya-ma bakya kaƒɔ kɔlɔ lɛlɔ. Nsu ndubo-ma bɔsɔku buboku mɛni limeyi lɛdi na belie ku keyi buɛɛ na lɛla lɛdi lɛsɔ lilékpoku-ma.

Esekiel 36:24

“ ‘Ndubo-mii bɔkpanku bɔsiku kadi bamba bekyuli akɔ na lɛsala-mii liboku bina ɔma.

Esekiel 38:8

Ɔsika na akwa alɛɛ adi kama ni, ndubo lɛdi budie bute-ɔ na etékpo Israel kadi bekyuli bani na kekpo kábwɛ-ma lɛma ƒui. Báyii udu na bekyuli bédie-ma atu uwi gyɔlɔɔ ɔdi mɛni. Nsu bekyuli bammɔ bási baƒɔ kɔlɔ kɔni lɛlɔ na bélie dii mmɔ bénwini bébo ɔma bébo beli bana kalɔ lɛlɔ. Beli ku keyi buɛɛ na ama alati bana kalɔ kemmo na abi lɛlɔ.

Yoel 3:4

“Amii Tiro ku Sidon kadi bekyuli ku Ƒilistiƒuɔ, bi ɔsu na bɛɛkɔ́ku-mi na bɛɛbla ala amɛni udu, munuu lɛla lɛdi na lɛ́bla-mii na biidie-mi kasi? Bɔdubo bɔnu ɔni muudie ɔkpanadi kasi.

Sakaria 9:13

Na ndubuti Yuda lɛbla aani mina kataminta na liti Israel lɛbla atula. Na ndubuti Sion bekyuli lɛbla aani mina kewii na likpoku Grikiƒuɔ.”

Mateo 7:2

Ɔsika Katɔti ɔdubɔtɛku-mii litemi aani kalɛ kani na amii lɛnɔ bɛɛtɛku bekyuli litemi. Na ulu ɔni lɛlɔ bɛ́sia bɛ́tɛku-ma litemi ni, ulu ɔmmɔ kani lɛlɔ na ɔdubɔsia ɔtɛku amii lɛnɔ litemi.

Tesalonikaƒuɔ 2 1:6

Katɔti ɔdubɔtɛ litemi na ulu lɛlɔ. Na ɔdubɔni bani muukpóku-mii ƒui kɔtu.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Budie Taatina 13:10

Ukyuli ɔni na badubo buƒie ni, badubuƒie-nwu. Na ukyuli ɔni lɛnɔ na badubo bɔdu na ɔkɛɛ kenye lɛnɔ ni, badubo-nwu bɔdu. Ɔmɛni ɔsu ni, amii Katɔti bekyuli ɔlɛka binye lɛbibo biala kenye kpakplaa na bɛsiaku Blɔti ulu lɛlɔ.

Budie Taatina 16:6

Bekyuli bamɛni nádu ƒula bekyuli ku kenye bediene. Anwuɔsu na éte-ma ubugya ukpidi ɔmɛni na báni. Lɛla lɛni námanku-ma na baaƒɔ́!”

Budie Taatina 19:2

Ɔsika nwuna litemi bɔtɛ buse siin. Na nwuna etemila adi litemi geen. Ɔma ɔni nébile kayawi ku nwuna alaekpidi bɔbla aani ɔyalɛ ni, Katɔti nátɛku-nwu litemi. Na Katɔti kabla bablane bani ubugya na béwi kalɔ ni, údie ɔma ɔmɛni bekyuli kasi na ubugya ɔmmɔ ɔsu.”

Litemi Batɛne 1:7

Amu na Adoni-Besek ɔ́su ɔnini, “Líkulo baga liti ku aavlanyɔ lɛgba ku enu animigya ƒui. Na adila ani nálɛ ébo mina kadikɔ na lɛ́ya na bála bádi. Na ɔƒaani ni, kalala kani na lɛ́bla-ma kayu na Katɔti ɔ́ƒɔ-mi úti údie-mi kasi.” Na béti-nwu bésienku Yerusalem, na útékpi mmɔ.

Samuel 1 15:33

Nsu Samuel ɔ́su-nwu ɔnini, “Kalɛ na ƒula kewii káya na beleku badi bakya na basɔ balanu bana kaƒɔ bebi ni, lɛni na ƒ'ini lɛnɔ ɔdubo bɔkya beleku bamba akɔ na ɔsɔ ulanu nwuna kɔƒɔ ubi.” Mmɔ kani na Samuel ɔ́du Agag na Unwoti anumi na Gilgal.