Yoel 3:18 - Katɔti Ɔku Kedee

¹⁸ “Na limeyi lɛmmɔ lɛlɔ ni, adingyii ani nánwu ebi kaduɛ adubɔƒɔ kɔbi kɔmmɔ lɛlɔ ƒui. Na bina bebuo badubɔƒɔ abi ammɔ lɛlɔ na bakɛ badi na bete-mii bebuo anyi ntu pii. Na ntukpa bɔni nkya Yuda kalɔ lɛlɔ mmɔ ƒui bɔdi bɔsɔ bulakwii kudii. Na ketu kadi kadubɔlɛ kasi Unwoti kaduli mmɔ na kagba kavi Sitim Ɔkwalɛ.

Yoel 3:18 ပူးပေါင်းရင်းမြစ်များ

Hiob 29:6

Uwi ɔmmɔ na mbo ala geen, na bebuo bákya-mi kaduɛ. Na mbo nnɔ ntulo kalɛ na mɔɔwia muedi.

Kɔgya 46:4

Ketu kadi katɛ Katɔti ɔma. Na lɛlɔ lɛɛyɔ́ Katɔti Ɔga ɔma bekyuli bani nlieku-nwu na mmɔ.

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Yesaia 30:25

Na uwi ɔmmɔ ni, bekyuli bɔdu bɔdubo bumomo, na lɛtɔ libendi lɛƒɛ liwi kalɔ, na Katɔti ɔdubɔya na ntukpa bɔlɛ abi enengudi ku ani na ákuku mmɔ eli na ataagba taayu ɔkwalɛ.

Yesaia 35:6

Na bani na báƒɛ bewi kalɔ badubɔta na baƒulu ku lɛlɔyɔ aani bakwa. Na bamumu linyemi kɔbuli kɔƒɛnimi na bebo kudu ku lɛlɔyɔ. Na ntukpa bɔlɛ bɔsia bɔvi kalɔ kakwiidi kammɔ kemmo.

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Yesaia 45:8

“Ndubɔya na ala bɔbla siin bɔsi katɔ na liƒlukutu kemmo bubo aani kalɛ na ɔnantu ɔɔna. Na ngba bɔƒɔ ku ala bɔbla siin bɔkwɛ aani livo na bɔƒɔ kalɔ kammɔ lɛlɔ ƒui kalɛ na ami Unwoti lídie-ka nnii use kalɛ.

Yesaia 55:1

“Amii bani ƒui na utukwɛ ɔɔda ni, bibo na bibani ntu! Na amii bani na kɔka kɔɔda na biiibo egulabi adi ni, bibo na bibeye bɛdi ƒaa kayu taƒɔ taƒɔ! Bɛni ntɛ bɔbuni ku anyi ntu ƒaa nsu bitaƒɔ kayu kadi.

Yesaia 66:11

Ɔsika bɛdubo bɔdi bumo bɔsia kama na lɛlɔ lɛyɔ-mii aani kalɛ na bebiwɔ baanyimi anyii ntu teemo na bana bawɔne lɛgba lɛlɔ na baada-ma taamana kayi na lɛlɔ lɛɛyɔ́-ma.”

Yeremia 31:12

Mina bekyuli badubo-mi kudɔ na Sion Kɔbi lɛlɔ na babadi limeyi na bana anumi ekeye, ɔsika ndubute-ma kusɛ kusɛ. Na ndubute-ma antabi ku egyiibi ku nnɔ. Na lite-ma baƒonu ku ɔmantɛ bakɔ. Ala adubo-ma bɔdianku na balɛ lili aani kemo kani edula nákɛ ntu kaduɛ.

Mika 6:5

“Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”

Sakaria 14:8

Na liwulu uwi ku kɔyɔ uwi ƒui ni, ntukpa bɔni mbo ntu buni bɔdubo butaagba taasi Yerusalem, na kakɛ kenwi kadubusie ketéduo Ɛpugyie kemmo na ɔƒɛ katukɔ na kakɛ kenwi ketéduo Mediterenia Ɛpu kemmo na ɔƒɛ kanukɔ.

Bumomo Bɔka 25:1

Uwi ɔni na Israelƒuɔ bákya Sitim ni, na ama ku Moab belekubi bése kalɔ baatɛ.