Yoel 3:13 - Katɔti Ɔku Kedee

¹³ Bɛlɛku bina asaaka na bikulo-ma ƒui biwi kalɔ aani kamu kani négyie. Na bɛnya-ma bisusu aani kalɛ na baamana egyiibi ntu teeyile ntɛ kebulokɔ. Bana ulikplu ala bɔbla bɔ́bɔ bɔ́gya.”

Yoel 3:13 ပူးပေါင်းရင်းမြစ်များ

Ala Kalɔ Buse 13:13

Na uwi ɔmmɔ kemmo ni, Sodom bekyuli bebo kuli ɔkplu na bátaabla alaekpidi lidu lidu taaƒiɔ Katɔti.

Ala Kalɔ Buse 15:16

Uwi ɔni na ƒula bawɔ mmɔ bulie búdu akwa ammɔ ni, badubɔsɔ benwini bebo mɛni. Ɔsika Amoriƒuɔ ekpidi ani baabla ni, étedu tɔ kesii kani na lɛni-ma kɔtu kɔni meduku-ma.”

Ala Kalɔ Buse 18:20

Ɔmmɔ kama ni, Unwoti ɔ́su Abraham ɔnini, “Muunú likyulikpi lɛni na bekyuli bani nkya Sodom ku Gomora baabla. Bana ekpidi ávi ntu.

Yesaia 17:5

Na kalɔ kammɔ kadubɔbla aani kemo kani na umonsene údie atu, uwi ɔni na báaƒɛ edula abunidi ƒui, ani nnye ku ebi sɛɛn bédie-ka kemmo. Lɛni geen na ɔdubuse aani Raƒaƒuɔ Kɔwɛ kemo kani kemmo na bávi bála lɛmuyɔ ƒui.

Yesaia 63:3

“Ami lɛti nákɔ-ma ƒui lɛ́bwɛ lɛni aani egyiibi na mina kɔnyi kemmo! Kadi badi bétebunku-mi. Na mmɔ na bana ubugya úduo-mi awu.

Yeremia 51:33

“Ami ndi Unwoti Ɔyikune Ƒui, Israel Katɔti, na ami muusé kenye kamɛni nnii uwi ɔsɔ uletu asa na badubutu Babilon babwɛ bewi kalɔ kpɛtɛ kpɛtɛ na mmɔ kabla tataata aani kakpa kesii kani na beewiile kamu teewi.

Kɔnyana Buwulo 1:15

“Awɔ Unwoti, éni mina bekpone na édie bekpone bamba ákya-mi ka babayila mina bakloƒu bekpone udu. Yuda use aani uleku ɔni na nka bétetuku-nwu kudii, nsu anwu nénwini ukyuli ɔni na baanya teesusu aani kalɛ na baamana egyiibi ntu teewi ntɛ kewikɔ.

Hosea 6:11

“Na amii Yudaƒuɔ lɛnɔ ni, bina limeyi lɛsia ulu lɛdubo ɔni na ndubo-mii kɔtu bɔni. Na mɔɔwia ka lɛsɔku mina kadi bekyuli Israelƒuɔ mbenyene bana kenyekɔ.”

Mateo 13:39

Na ukisine ɔni nágya livo lɛmmɔ ndi ɔbɔnsamu. Na edula bɔƒɛ uwi ndi kayawi kawɔlɔkɔ. Na edula baƒɛne bammɔ ndi Katɔti batu.

Marko 4:29

Si ebi ammɔ ábi lɛlɔ ni, na béede-nya. Ɔsika na edula udewi úudu.”

Lɛkpa Ulu 16:9

Na kwasida maatɛdi lɛlɔ ɔ́si uwi ɔni na bíse kalɔ ku bina edula bɔƒɛ ni, bisie kesii kani na bina Unwoti Katɔti ɔ́su úse ka bitaakpa-nwu mmɔ na bitádi Edula Bɔƒɛ Limeyi. Na si bísela ni, biti edula ammɔ adi bɛda aani kalɛ na Katɔti úte-mii kusɛ kusɛ kenye, na biti bɛtina ka bɛɛbu-nwu.

Budie Taatina 14:14

Ɔmmɔ kama ni, lɛ́nu ƒututuu ɔdi. Na lɛ́nu ka ukyuli ɔni nálɛ Ukyuli Ɔyawine Ubi ulie ɔmmɔ lɛlɔ, na sika ugyiedi kagabwa kebi-nwu lili. Na ɔda lɛsaka.

Budie Taatina 19:15

Na litemi geen lɛni nse aani kewii kani bádɔ-ka lɛvi inyɔ lɛɛlɛ́-nwu kenye kani na ɔdubuti ukpo kalɔ ƒui bekyuli, na uti nwuna ɔyikun utaadi-ma lɛlɔ. Na ɔdubɔni-ma kɔtu kpakplaa ku Katɔti Ɔyikune Ƒui kɔnyi geen aani kalɛ na baaka ntu teedie ebi kemmo kpakplaa na ntɛ kablakɔ.