Yoel 3:10 - Katɔti Ɔku Kedee

¹⁰ Bɛla bina anwami ku asaaka bɛkywɛɛ kuwii ku atula. Na bani na beeebo ɔlɔkplu ƒui bata ku kayi na basu banii, “Bananabi ku bekpone na bɔdi.”

Yoel 3:10 ပူးပေါင်းရင်းမြစ်များ

Ala Alɛdi 2 25:8

Anwuɔsu si ina bi lɛnanabi na ádi na kekpokɔ muedi ni, ƒula bekisine badubo-ɔ lɛlɔ bɔdi. Katɔti mɔɔyá na ukyuli ɔɔdi lɛlɔ iye badi ukyuli ɔmmɔ lɛlɔ.”

Yesaia 2:4

Na Unwoti ɔdubɔtɛ litemi na ɔklibi kadi ku kadi unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Yeremia 51:11

“Ami Unwoti mɔɔwia ka bayila Babilon udu, ɔsika nwuna bekpone báyila mina kadi bekyuli udu. Na bébile mina kakpakɔ. Anwuɔsu amii Media baga bɛdɔ bina atula na bɛgyu bina agyumanala bɛda.

Mika 4:3

Na Unwoti ɔdubɔtɛ litemi na ɔklibi kadi ku kadi bayikune bani nkya ƒui unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Luka 13:12

Uwi ɔni na Yesu ɔ́nu-nwu ni, ɔ́kpali-nwu na ɔ́su-nwu ɔnini, “Uleku, ƒula ɔlɛ ɔ́ba-a!”

Luka 22:36

Amu na Yesu ɔ́su-ma ɔnini, “Nsu ɔƒɛni ni, ukyuli ɔni mbo kavumi kadi iye koƒo kɔdi ni, uti ɔda. Na ukyuli ɔni neeebo kewii kadi ni, ɔdi ka uti nwuna awu ɔni na ɔɔkya taasia ɔtɔdi lɛlɔ uye, na usie utéye kewii kadi.