Yoel 3:1 - Katɔti Ɔku Kedee

¹ “Uwi ɔmmɔ ni, ami Unwoti ndubo bɔya na ala asɔ atɛnku Yuda ku Yerusalem.

Yoel 3:1 ပူးပေါင်းရင်းမြစ်များ

Kɔgya 14:7

Muuvele kpakplaa nnii Unwoti ɔya na bɔƒɔ bɔsi Sion bubo bute Israel. Na si ɔ́sɔku nwuna bekyuli lɛkɛ úte-ma ni, lɛlɔ lɛdubɔyɔ-ma geen.

Kɔgya 85:1

Unwoti, ábla-bu lɛƒɔndia na ánu abu Yakob kaba bebi bani ndi kalɔ kamɛni bekyuli kɔnyana. Na ala ásɔ atɛnku-bu.

Agba 1:23

Si bunu na bínu-mi bɔdɔnku ni, nka ala ani ƒui nkya-mi kayi kemmo na ndubudie lɛsu-mii, na lɛya na bɛti mina lili kemmo kakali ƒui.

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Yeremia 16:15

Mmomu bɛdubɔlɔ-mi bɛnii Ngba Ƒui Katɔti ɔni nédie-bu ɔlɛku kalɔ kani na katɔ kakɛ kesii kani na lɛ́bɔku-mii ńtákya mmɔ bekyuli enu kemmo. Na ndubɔsɔku-mii liboku kalɔ kani na líte bina bati kuuku mɛni kemmo dii limeyi lɛdi.

Yeremia 29:14

Bina bɔkpa bɔdubɔyɔ-mi kaƒɔ, na ndubɔsala-mii ƒui lɛsiku lɛkɔkɔ lɛni kemmo na bɛkya na kadi bekyuli bani akɔ na lɛ́bɔku-mii ńtákya lɛsɔku liboku Yerusalem.

Yeremia 30:18

Unwoti ɔnini, “Israel ndubo-ɔ kɔnyana bɔnu na asɔ enwini ebo ɔma. Yerusalem, ɔƒaani ni, ɔma ɔmmɔ ɔ́bwɛ na uwi aani kebu, nsu badubo-ɔ bɔsɔku bɔtu ƒui kede kede ku baga kesii kawɔdi na bina kɔduli kɔdubunye kesii kani kúnye dii kúbavi.

Yeremia 30:3

Limeyi lɛdi lɛdubo na ndubɔya na Israel ku Yuda ƒui basɔ babasala na kalɔ kani na líti líte bana bati kuuku mmɔ lɛlɔ.”

Esekiel 16:53

“ ‘Limeyi lɛdi lɛdubo lɛni na ndubute Sodom ku Samaria ku bana lɛma lɛni na amadɔ kusɛ kusɛ. Na awɔ Yerusalem lɛnɔ ndubute-ɔ kusɛ kusɛ.

Esekiel 39:25

“Ɔƒaani ni, ndubo Israelƒuɔ kɔnyana bɔnu na lɛkpanku-ma lɛsiku baƒɔ lɛma lɛni kemmo na bákya mmɔ lɛsɔku liboku bana kalɔ lɛlɔ. Ɔsika Yakob bebi ku bawɔ na badi, anwuɔsu ndubute-ma kusɛ kusɛ na lɛtina-ma ka nse kedee.

Daniel 12:1

“Uwi ɔmmɔ kemmo ni, ƒula kadi bekyuli ɔgyumanane unengu ƒui, Mikael ɔni na Katɔti ɔdubɔtala ni, ɔdubɔta ubo. Na lɛbibo kpakplaa lɛni udu nétebo tɔ kudii ɔ́si kalɔ kesekɔ lɛdubɔlɛ. Na ukyuli biala ɔni na nwuna lɛnyi lɛkya ngba ɔku kemmo ni, ɔdubo-nwu bɔgyumana.

Yoel 2:29

Na emeyi amɛni kemmo ni, ndubuti mina Kɔyu lite mina kabla bablane banana ku beleku muedi.

Amos 9:14

Ndubɔya na ala asɔ adianku Israel. Na bɛsɔku bina lɛma bɛtu na bilie-ni kemmo. Na bɛdubɔkɛ ntɛ buni bɔni bɔsiku bina adingyii mmo egyiibi ani muudie-mii ntɛ kemmo. Na bɛdi amii alati adingyii ebi ani na bɛ́tuma.

Bumomo Bɔka 11:29

Amu na Mose údie-nwu kenye ɔnini, “Anumi eegyie-ɔ mina lɛlɔ yoo? Si nka ami lɛti ni, nka Unwoti bekyuli ƒui benwini nwuna kenye bediene na Unwoti ɔya na nwuna kɔyu kɔƒɔ-ma lɛlɔ kemmo!”

Bumomo Bɔka 12:6

ɔ́su-ma ɔnini, “Binu etemila ani ndubo-mii bɔsu mɛni. “Si Unwoti kenye udiene ɔdi ɔkya-mii akɔ ni, muudie lɛlɔ taatina-nwu na kɔyu kemmo ala budie bɔtina kemmo iye kɔna kemmo na mɔɔtɛmiku-nwu.

Lɛkpa Ulu 30:3

bina Unwoti Katɔti ɔdubɔnu-mii kɔnyana. Na ɔdubɔsɔku-mii ɔsiku kesii kani na úgyingya-mii ɔ́kya na kayawi ekpo ekpo ubasala. Na ɔsɔ ɔdubɔya na binwini ala badine lɛnɔ.