Yoel 2:26 - Katɔti Ɔku Kedee

^26-27 Na bɛdubɔkɛ bɛdi bimo na udu-mii ɔkwɛ na bɛdubumwi ami bina Unwoti Katɔti ɔni nábla akɔla ala amɛni udu úte-mii. Na bɛdubɔti ka ami nlieku-mii, na ndi bina Unwoti Katɔti. Ɔbambadi ɔsɔ uuubo! Na kɔƒa kɔsɔ kulékpo amii mina kadi bekyuli kudii.

Yoel 2:26 ပူးပေါင်းရင်းမြစ်များ

Ala Kalɔ Buse 33:11

muuvele-ɔ nnii ƒɔ mina etela ani na lɛ́ya na béti béboku-ɔ. Ɔsika Unwoti Katɔti ɔ́bla-mi lɛƒɔndia na lɛla biala na mɔɔwia ni, mbo-ni.” Na ka Yakob unye kpakplaa lɛni ɔsu ni, Esau ɔ́ƒɔ etela ammɔ.

Nehemia 9:25

Na békpo bádi lɛma libendi ku kɔlɔ kɔni néyii ku lɛmwi. Na béti kɔduli kɔni ala abuni éyi-ku kemmo. Na béti abiɔ ani béku bése ku ntɛ mmo ku nnɔmii mmo ku adingyii mmo pii. Na bádi na bémo na béle lɛmwi. Na bákɛ ebiti na ƒula lɛbuni bonwu lɛni na ábla ɔsu.

Kɔgya 103:5

Uute-mi ala abuni ani mɔɔwia na mina ngba emeyi kemmo na eedú-mi. Na ɔɔyá na mina ɔyikun ɔɔbla ɔwɔdi aani kɔdigbo aasɛ kalɛ.

Kɔgya 116:7

Ndubɔkɛ kayi na lilie ƒaa, ɔsika Unwoti ɔ́bla-mi lɛƒɔndia lɛni ƒui na mɔɔwia.

Kɔgya 13:6

Mina Unwoti, ndubudie lɛnu limwi-ɔ, ɔsika aabla-mi lɛƒɔndia uwi ndi uwi.

Kɔgya 22:26

Bawabane badubo bɔdi bumo. Na bani mɔɔwia Unwoti Katɔti ni, badubo-nwu buteemwi uwi ndi uwi na ɔdubɔtɛ ute-ma uwi ƒui.

Kɔgya 37:19

Si uwi ɔni na ɔgbankpi ɔdi úbo ni, ɔtɔtɔ ɔɔɔdubo-ma bɔgyu. Lɛni kani na si kɔka lɛnɔ kúbo ni, ama badubɔkɛ badi na bemo.

Kɔgya 67:5

Ya na bekyuli bakpali-ɔ lɛnyi bemwi. O Katɔti, ya na kadi ƒui bemwi-ɔ.

Kɔgya 72:18

Bimwi Unwoti Israel Katɔti, ɔsika anwu kani mɔɔbla akɔla ala budie taatina amɛni udu.

Agba 13:25

Bekyuli babuni ni, ala ani bebo eemó-ma. Nsu bekyuli bekpidi ni, bana ala elemo-ma.

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Yesaia 25:1

O Unwoti, awɔ ndi mina Katɔti, ndubumwi-ɔ na lɛkɔliku ƒula lɛnyi katɔ, ɔsika ádi ƒula etemila lɛlɔ na ábla ala ebendi geen ani ndi ulu ɔni na áta ése ɔ́si kukuuku.

Yesaia 29:22

Anwuɔsu na Unwoti ɔni nédie Abraham ɔ́su Israel kadi bekyuli ɔnini, “Liƒu lɛsɔ lɛɛɛdubo mina kadi bekyuli bɔda na kɔƒa lɛnɔ kɔsɔ kulékpo-ma.

Yesaia 45:17

Nsu Unwoti ɔdubudie Israel na bakɛ ngba uwi ƒui ɔni na kɔƒa kulékpo-ma iye anumi ewi-ma kalɔ kudii.

Yesaia 49:23

Na kadi bani akɔ na bákya mmɔ baga ku beleku baga badububo babataanu-mii lɛlɔ aani bina kabla bablane bani nnye bati ku beni kenyekɔ bete-mii. Na badubɔkya lili kalɔ bete-mii. Na bɛdubɔnu bɔti ka ami ndi Unwoti ɔmmɔ. Na anumi elewi-mii kalɔ si bíti bina anu bɛ́sia-mi lɛlɔ.”

Yesaia 54:4

“Bitayia, na kɔƒa lɛnɔ kutekpo-mii, na enu lɛnɔ ataƒɛ-mii, ɔsika lɛɛɛdubo-mii kɔƒa bɔkya. Bɛyiƒala bina lɛnamu uwi ekpidi ani na bɛ́bla. Na kalɛ na bɛ́ƒɔ lɛlɔ bɛkya aani bekpinele lɛnɔ ɔsɔ utekpo-mii kɔƒa.

Yesaia 55:2

Bi ɔsu na biibile egulabi na lɛla lɛni naaadi adila geen lɛlɔ na binye biitú lɛlɔ na lɛla lɛni neeemo ukyuli lɛlɔ? Bise atu na binu-mi litemi kaduɛ, na bɛdubɔdi emini biala na bɛɛyɔ́, na bɛkɛ adila abuni ƒui bɛdi bimo.

Lewiƒuɔ Ɔda Bubo 25:19

Mmɔ na kalɔ kammɔ kadubɔdia-mii edula na bɛdi bimo na bilie mmɔ ƒaa ku atu bɔyɔ.

Lewiƒuɔ Ɔda Bubo 26:26

Na si líkulo bina adila bumomo kenye kɔnakunwi ni, beleku leevu badubo bɔkana na beƒi bodobodo bete bina kɔduli ƒui bekyuli na lɛyu linwi kemmo. Na badubo-nwu bule bute-mii wɛlɛ wɛlɛ lɛni na nwuna unu kenye, na si bɛ́di bilémo.

Lewiƒuɔ Ɔda Bubo 26:5

Na bɛdubunye edula lidu lidu bɔƒɛ lɛlɔ ku adingyii ebi bude lɛlɔ utédu ala awɔdi bɔva uwi. Na bɛdubɔdi lɛla biala na bɛɛyɔ́ na keyi kayɔku-mii na bina kalɔ kani lɛlɔ bísela bitélie mmɔ lɛlɔ.

Mika 6:14

Bɛdubo bɔdi bɔsia kama, nsu bilémo. Na bɛdubɔklibi ala abuni bise lɛlɔ, nsu aaadubo ami adi bunwini. Ɔsika kuwii kenye na ndubɔya na beƒie-nya baƒɔ batɔlɔku na kekpo kemmo.

Seƒania 3:11

Si uwi ɔmmɔ údu ni, bɛsɔ bilata bilenye-mi lɛlɔ na lɛkya-mii kɔƒa. Ɔsika bekyuli bani na bebo lɛkantakpi na baatalaku lɛlɔ katɔ mmɔ ni, ndubudie-ma ƒui na bina akɔ, na basɔ beléteetu lɛgba taanya taavi mina kɔbi kedee kɔmmɔ lɛlɔ kudii.

Sakaria 9:15

Unwoti Ɔyikune Ƒui ɔdubo nwuna bekyuli bɔgyumana, na ɔya na bani muuƒwimi kavwinvwi ku atabi bubo geen banya bana bekisine besusu kalɔ. Badubo butaabɔku-ma ku kɔvanu aani bekyuli bani na békpi ntɛ na bana ɔyikun umo-ma aani ubugya akpala kalaku kani néyi tɛtɛɛtɛ.

Sakaria 9:17

Na badubɔdia bɔnu geen. Na bakloƒu ku begblebi badubɔlɛ lili na mmɔ aani kalɛ na kamu kaalɛ teenye kemo iye egyiibi ani nánwu asia na adingyii kemo.

Romaƒuɔ 10:11

Ɔsika lɛni na Bunweni Kedee Ɔku ɔ́su ɔnii, “Ukyuli biala ɔni maƒɔ-nwu madi ni, kɔƒa kulékpo-nwu kudii.”

Romaƒuɔ 5:5

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Romaƒuɔ 9:33

Ɔmmɔ ɔsu na bétulo Kristo ɔni nse aani lɛtabi lɛni náda-ma ulu aani kalɛ na ɔkya Bunweni Kedee Ɔku kemmo banini, “Binu! Lɛ́ƒuna lɛtabi lɛdi na Sion lɛni ndubɔya na bekyuli betulo. Na ani kani ndubɔya na begyiile bebuli. Nsu ukyuli biala ɔni maƒɔ-nwu madi ni, kɔƒa kulékpo-nwu kudii.”

Lɛkpa Ulu 11:15

Na ɔdubɔya na livo litaakwɛ pii kalɛ na bina ɔmantɛ bebuo bataakɛ-nya taakun. Na amii lɛnɔ kɔka kulada-mii.

Lɛkpa Ulu 12:12

Na amii ku bina bebi ku bina kabla bablane banana ku beleku ku Lewiƒuɔ bɛdi limeyi na mmɔ na lɛlɔ litaayɔ-mii na Katɔti anumi. Na binyimo ka Lewiƒuɔ bammɔ beeebo kadikɔ kadi na mmɔ.

Lɛkpa Ulu 12:18

Bɛnu ka amii ku bina bebi ku bina kabla bablane banana ku beleku ku Lewiƒuɔ bani nlie bina lɛma ni, bɛ́di akpala ammɔ na Unwoti Katɔti anumi na kesii kani na ɔdubɔtina-mii. Na lɛlɔ litaayɔ-mii na ala ani bɛ́kɛ mmɔ ɔsu.

Lɛkpa Ulu 12:7

Na bina Unwoti Katɔti ɔni néte amii ku bina bebi kusɛ kusɛ ɔsu na bɛ́kɛ ala ani na bíti bina enu bɛ́bla mɛni ni, bitaadi ala ammɔ na nwuna anumi mmɔ ku kubiti ku lɛlɔyɔ.

Lɛkpa Ulu 8:10

Si bɛ́di na bímo ni, binyimo na biti linugya bite bina Unwoti Katɔti ɔkɛnku kalɔ kabuni kani na úti úte-mii ɔsu.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Yohane 1 2:28

Mina bebi bayɔne, biliku Kristo kalɛ na si uwi ɔni na ɔ́da ɔ́lɛ ni, bɔdubɔkana na bunye-nwu anumi ku kaƒɔ ƒaa na kɔƒa kulékpo-bu limeyi lɛmmɔ lɛlɔ.