Yoel 2:22 - Katɔti Ɔku Kedee

²² Amii alakpi akɔ bebuo lɛnɔ ƒui bɛda bɔyia bɛya, ɔsika livo buni lɛ́sɔ línwini líbo liiwi bina kɔdikɔ ƒui. Na egyii ammɔ lɛnɔ ése kalɔ adaku bɔnwu ku anwingyie ammɔ ƒui ku adingyii lidu bamba ƒui ásɔ énwini ébo ana udu kenye.

Yoel 2:22 ပူးပေါင်းရင်းမြစ်များ

Ala Kalɔ Buse 4:12

Si átuma-ka lɛlɔ ni, kasɔ kaladia-a edula. Na adubo ukeline bunwini na aaadubo keliekɔ kadi bɔkɛ na kayawi kammɔ ƒui lɛlɔ.”

Kɔgya 36:6

Kalɛ na ese siin ɔ́da lidu kalɔ utulo abi ani nnye na bɔɔnu. Na kalɛ na aatɛ litemi taasiaku ulu lɛlɔ utulo kalɛ na ɛpu kemmo kágyu. Na awɔ kani mɔɔnu bekyuli ku bebuo ƒui lɛlɔ.

Kɔgya 65:12

Bebuo kadikɔ ƒui kálɛ livo lɛbuni na abi ammɔ aatina aani lɛlɔ mɔɔyɔ́-nya.

Kɔgya 65:13

Baƒonu báƒɔ abi lɛlɔ ƒui. Na anta ku edula bamba áƒɔ ɔkwalɛ ɔmmɔ lɛnɔ na use aani ebiti mɔɔda lɛla biala na beebó kudu ku lɛlɔyɔ.

Kɔgya 67:6

Na kalɔ kete kuƒi na bekyuli báƒɛ edula geen. Unwoti ɔni ndi bula Katɔti ndubute-bu kusɛ kusɛ lɛni.

Yesaia 51:3

Ina ka bébile Sion na lɛla biala lɛsɔ liiise kaduɛ na ɔma ɔmmɔ kemmo ɔƒɛni ni, Unwoti ɔdubɔya na kaƒɔ bɔyala ku ebiti ebo ɔma unengudi ɔmmɔ kemmo, na ɔsɔ ɔdia bɔnu aani Eden ɔban ɔni na Unwoti ɔ́bla. Na mmɔ na lɛlɔ lɛdubɔyɔ Sion na udie lɛnu na ɔtɔ ku ebiti uti ɔgya Unwoti enu.

Esekiel 36:30

Bina adingyii adubɔnwu ebi pii na bina edula ani na bɛ́kya lɛnɔ adia geen, na kɔƒa kɔsɔ kɔɔɔdubo-mii bukpo kudii ka biiibo adila ani bɛdi ɔsu.

Esekiel 36:35

Mmomu bɔsu na badubo banii kaadia bɔnu aani kalɛ na Eden ɔban kemmo kése dii. Na bekyuli balanu ka lɛma lɛmmɔ lɛ́bwɛ liwi, mmomu badubɔnu lɛma lɛni bátu bényene kpakplaa na bekyuli báƒɔ-mi kemmo tɛɛ.

Esekiel 36:8

“ ‘Egyii adubɔkwɛ abi ammɔ lɛlɔ na anwu ebi kaduɛ ete mina kadi bekyuli na bakɛ badi, ɔsika badubo ɔma uwi klukwii kemmo.

Yona 4:11

Na Niniwe ɔma bonwu ɔmɛni kemmo ni, bekyuli bani metulo aani nkyuli apim eti anyɔ ku aavlanyɔ bakya. Na bebuo lidu lidu mpim eti anyɔ lɛnɔ bakya. Na bana ƒui baaagyi likpidi ku lɛbuni kavumana. Si ama baayii ku udu ni, utalɛka ukpoku-mi?”

Hagai 2:16

Bítaavumi anta lisu bonwu ku kasusu ka bɛkɛ aani akyami aavlanyɔ, nsu leevu kani na bɛɛkɛ́. Na si bísie bitéwilimi ntɛ bɔni na bídie bíse ku kasusu ka bɛkɛ lɛsii liti ni, aavlanyɔ kani na bɛɛkɛ́.

Sakaria 8:12

“Mmomu ni, ndubɔnu ka bɛkya bina edula ɔƒaamu na atu bɔyɔ kemmo, na bina adingyii mmo lɛnɔ adubɔbla kaduɛ na anwu ebi pii. Na bina katumalɔ kadubulie lɛmwi, na amii ayu ewi bina edula lɛlɔ.

Korintoƒuɔ 1 3:7

Ɔmɛni ɔsu ni, ukyuli ɔni náva ku ukyuli ɔni néwi ntu ni, bana ƒui baaadi lɛla lɛdi. Na mmomu Katɔti ɔdi nda, ɔsika anwu náya na kálɛ lili.