Yoel 2:21 - Katɔti Ɔku Kedee

²¹ Bɛya na kalɔ kammɔ ƒui kakɛ lɛlɔyɔ na ebiti ada-ka, ɔsika Unwoti ɔɔbla akɔla ala budie taatina.

Yoel 2:21 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Kɔgya 71:19

Na banu bati kalɛ na ébomo na ese siin aani kalɛ na baanu ka kayaa kébomo kalɛ. Ábla ala ebendi, na ɔdi ɔsɔ uuubo ƒula kalɛ.

Kɔgya 98:8

Na ntukpa ƒui bɔbla kɔku aani enukpɛ bɔgya. Na kɔku kɔsi abi ƒui lɛlɔ aani lɛlɔyɔ lɛnu ubasala na Unwoti anumi.

Yesaia 35:1

Lɛlɔ lɛdubɔyɔ kalɔ kakwiidi kani mɔɔwia ntu na kaládia lɛla lɛdi, ɔsika egyiibi lidu lɛdubɔlɛ linye-ka lɛlɔ ƒui na alɛ anwula ku ebiti.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Yesaia 44:23

Bidie lɛnu ku ebiti, amii bani nkya katɔ ƒui ku bani nkya kalɔ lɛlɔ, ɔsika Unwoti nábla ala amɛni. Na abi ku lɛku kemmo egyii ƒui asalaku-mii na lɛlɔyɔ lɛnu lɛmɛni kemmo. Unwoti údie nwuna kadi bekyuli Israelƒuɔ, na ɔ́tina kalɛ na uukeye na badubo-nwu bɔbu.

Yesaia 54:4

“Bitayia, na kɔƒa lɛnɔ kutekpo-mii, na enu lɛnɔ ataƒɛ-mii, ɔsika lɛɛɛdubo-mii kɔƒa bɔkya. Bɛyiƒala bina lɛnamu uwi ekpidi ani na bɛ́bla. Na kalɛ na bɛ́ƒɔ lɛlɔ bɛkya aani bekpinele lɛnɔ ɔsɔ utekpo-mii kɔƒa.

Yesaia 55:12

Na bɛdubɔkɛ ebiti na bɛdi limeyi na binwini bisie ɔma ku keyi buɛɛ. Na bina lɛlɔyɔ lɛdubɔya na ɔbla aani abi ku abinkpo ammɔ muudie ɔnu si bɛɛví, na ɔbla aani enukpɛ na egyii ammɔ aagyá.

Yeremia 33:3

Ala ani na aaagyi ƒui ku ani kalɔ na alakana bɔwia bɔti ni, ye-mi na lɛsu-ɔ nya.

Hosea 2:21

“Ndubɔtuna lite-nwu limeyi lɛmmɔ lɛlɔ na lɛlɛmi kayaa na kayaa lɛnɔ kenu-mi lɛdi na kete ntu na kalɔ kayɔ.

Yoel 2:20

Bekpone badi bási kalɔ kammɔ katɔ kakɛ na bébekpo-mii, nsu ndubo-ma bɔbɔku butákya kalɔ kakwiidi kani náƒɔ ogya kemmo. Na bani ntɔ batáyii udu na ɛpu ɔmmɔ ɔƒɛ katukɔ na babambadi bawɔlɔ na ɛpu ɔmmɔ ɔƒɛ kanukɔ na bebun beteenwenyi.” Na Katɔti nábla ala enengudi amɛni.

Yoel 2:26

Na bɛdubɔkɛ bɛdi bimo na udu-mii ɔkwɛ na bɛdubumwi ami bina Unwoti Katɔti ɔni nábla akɔla ala amɛni udu úte-mii. Na bɛdubɔti ka ami nlieku-mii, na ndi bina Unwoti Katɔti. Ɔbambadi ɔsɔ uuubo! Na kɔƒa kɔsɔ kulékpo amii mina kadi bekyuli kudii.

Sakaria 8:15

Nsu ɔƒaani ni, ɔ́sɔ útalɛka bɛyia. Ɔsika lɛ́lɛ ugyii ka lɛda amii Yerusalem ku Yudaƒuɔ ƒui kɔkɔɔkɔ.

Lɛkpa Ulu 4:32

Na amii alati bɛwia bɛsiku uwi ɔni návi asa na báwɔ-mii. Na bɛwia bɛsiku uwi ɔni na Katɔti úti údie ukyuli. Na bɛwia kayawi kammɔ ƒui kemmo si ukyuli ɔdi únu ka ala ebendi amɛni udu álɛ dii.

Samuel 1 12:16

“Bise atu na binu ala abuni ebendi ani na Unwoti ɔdubo bɔbla na bina anumi.

Samuel 1 12:24

Nsu bɛsia anu na bitaayia Unwoti, na bɛsiaku-nwu kama siin, na bitaadi nwuna litemi lɛlɔ ku bina kayi ƒui. Na biteenyimo ala ebendi ani na ɔ́ɔbla úte-mi.