Yoel 2:19 - Katɔti Ɔku Kedee

¹⁹ Unwoti údie kenye na ɔ́su nwuna bekyuli ɔnini, “Bɛnu, líti edula ku ntɛ ku nnɔ muumene-mii na ala ammɔ emo-mii. Na nsɔ lɛɛɛdubo bɔya na kadi bamba bekyuli beteedumi-mii taama.

Yoel 2:19 ပူးပေါင်းရင်းမြစ်များ

Yeremia 31:12

Mina bekyuli badubo-mi kudɔ na Sion Kɔbi lɛlɔ na babadi limeyi na bana anumi ekeye, ɔsika ndubute-ma kusɛ kusɛ. Na ndubute-ma antabi ku egyiibi ku nnɔ. Na lite-ma baƒonu ku ɔmantɛ bakɔ. Ala adubo-ma bɔdianku na balɛ lili aani kemo kani edula nákɛ ntu kaduɛ.

Esekiel 34:29

Ndubo bɔya na baƒɛ edula abuni geen balɛku bana mmo kalɛ na kɔka kɔsɔ kulada-ma iye baƒɔ bani na bana adɔ basɔ baláma-ma.

Esekiel 36:29

Na ndubo-mii bɔgyumana bɔsiku ala ani ƒui mɔɔyá na biisé lɛlɔ kudɔ. Na bina mmo bɔdubɔdi edula pii na kɔka kɔsɔ kuládu ɔdi.

Esekiel 36:30

Bina adingyii adubɔnwu ebi pii na bina edula ani na bɛ́kya lɛnɔ adia geen, na kɔƒa kɔsɔ kɔɔɔdubo-mii bukpo kudii ka biiibo adila ani bɛdi ɔsu.

Esekiel 39:29

Nsɔ lɛɛɛdubo kama bunwini bɔkya mina kadi bekyuli Israelƒuɔ kudii, na mina Kɔyu kɔdubo bulieku-ma. Ami Unwoti násu.”

Hosea 2:15

Na ndubɔsɔku nwuna adingyii mmo lite-nwu. Na lɛbibo ɔkwalɛ ɔni kemmo na ala ékpoku-nwu ɔdubo bunwini Lɛnunsia Ɔkwalɛ. Na ɔdubɔtuna ute-mi ɔnii, ‘Ɛɛn,’ aani kalɛ na ɔ́bla uwi ɔni na ɔdi ugblebi na ɔ́si ɔɔlɛ́ Egyipte kalɔ lɛlɔ.

Hosea 2:21

“Ndubɔtuna lite-nwu limeyi lɛmmɔ lɛlɔ na lɛlɛmi kayaa na kayaa lɛnɔ kenu-mi lɛdi na kete ntu na kalɔ kayɔ.

Hosea 2:22

Na si Yesreel ɔ́kpali-mi ni, ndubɔya na antabi ku egyiibi lidu adia na ɔkwalɛ ɔmmɔ kemmo.

Yoel 1:10

Mmo bɔ́ƒɔ lɛlɔ buwi ukpludi, na kalɔ kemodi kammɔ keewulo kɔka, na egyiibi ani muudie ntɛ ku nnɔ mmɔ ƒui ébie na áyɛyɛ enye.

Yoel 2:24

Na kamu ku anta adubɔƒɔ bina nkpa bɔni na biibó edula ebi teewi kaduɛ. Na bina akpambui adubuyi ku ntɛ ku nnɔ lɛnɔ.

Lewiƒuɔ Ɔda Bubo 26:5

Na bɛdubunye edula lidu lidu bɔƒɛ lɛlɔ ku adingyii ebi bude lɛlɔ utédu ala awɔdi bɔva uwi. Na bɛdubɔdi lɛla biala na bɛɛyɔ́ na keyi kayɔku-mii na bina kalɔ kani lɛlɔ bísela bitélie mmɔ lɛlɔ.

Sakaria 8:12

“Mmomu ni, ndubɔnu ka bɛkya bina edula ɔƒaamu na atu bɔyɔ kemmo, na bina adingyii mmo lɛnɔ adubɔbla kaduɛ na anwu ebi pii. Na bina katumalɔ kadubulie lɛmwi, na amii ayu ewi bina edula lɛlɔ.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Lɛkpa Ulu 11:14

Na si bɛɛdi ɔda bubo bɔmmɔ lɛlɔ ni, Unwoti Katɔti ɔdubɔya na ɔnantu utaana kaƒɛndi ku ketudi na bilayaki edula aani antabi ku ntɛ ku nnɔ.

Rut Keliela Ɔku 1:6

Uwi ɔni kemmo na Naomi ɔmu ɔkya Moab kalɔ lɛlɔ ni, únu ka Blɔti úbo úbanu nwuna bekyuli kɔnyana na Israel kalɔ lɛlɔ na úte-ma adila.