Yoel 2:17 - Katɔti Ɔku Kedee

¹⁷ Su mina bakpane bani nnye kakpakɔ kayakun ku lɛkpabi ntɛ mmɔ na bewulo bakpali-mi banini, “Unwoti, ƒɔ ƒula kadi bekyuli! Na taya na kadi bamba bekyuli beti ƒula bekyuli benwini lɛƒiankula na bataama-ma teeye banini, ‘Wɛ na bana Unwoti ɔkya?’ ”

Yoel 2:17 ပူးပေါင်းရင်းမြစ်များ

Baga 1 6:3

Na lɛgbanya lɛni na bátu bádanku ɔtɔ mmɔ anumi ɔ́ya na ɔtɔ ɔmmɔ bɔbɛbɛ bɔni ndi lɛgba bɔka avlaatɛ mmɔ búne búbu aani lɛgba bɔka leevu-ɛlɔ.

Baga 1 9:7

ndubukulo Israel lidie kalɔ kani líte-ma mmɔ lɛlɔ. Na lidie kakpakɔ kani na lídie sɛsɛɛ lɛ́bla-ka kedee líte mina lɛnyi mɛni átu, na Israel lɛlɔ litemi lɛdubunwini lɛsugba ku lɛmala na bekyuli ƒui akɔ.

Ala Alɛdi 2 7:20

ndubo-mii bɔbɔku budie kalɔ kani na líte-mii mɛni kemmo na aani kalɛ na baagyú lɛla lɛdi teedie nina kenyekɔ na lidie kakpakɔ kani na lɛ́su ka bekyuli badubo-mi butaakpa mmɔ atu na lɛda-ka liwi na bekyuli ƒui na kesi kesii beti kenye kammɔ babla aani lɛƒiankula na baataakya-ka lɛlɔ lɛma.

Ala Alɛdi 2 8:12

Ɔmmɔ kama ni, Salomo ɔ́kyula akpala úte Unwoti na lɛkpabi lɛni na ɔ́tu lɛlɔ na linye kaduli kemmo mmɔ na kakpakɔ kammɔ anumi.

Nehemia 9:36

“Nsu Unwoti, nu kalɛ na búnwini kabla bablane ɔmwi kadi na kalɔ kani na éti éte bula bati kuuku ka badi-ka adingyii ku edula bamba ani badubo bɔbla.

Kɔgya 115:2

Bi ɔsu na ɔlɛka kadi bamba bekyuli beye-bu banii, “Wɛ na bina Katɔti ɔkya?”

Kɔgya 42:10

Edumi ani udu na beedumi-mi etulo si kewii na bada baatu-mi ɔƒɛnyi bétédu ku ekubi kemmo. Na beeye-mi limeyi ndi limeyi banini, “Wɛ na ƒula Unwoti Katɔti ɔmmɔ ɔkya geen?”

Kɔgya 42:11

Bi ɔsu na naaakɛ́ bɔnwuna na mina lɛlɔ ƒui kemmo na enu-mi lɛni? Ndubuti mina anu lɛsia Katɔti lɛlɔ na lɛsɔ limwi-nwu, ɔsika anwu ndi mina Ɔƒɔne ku mina Katɔti.

Kɔgya 42:3

Keku kani nénwini aani adila úte-mi usien ku ɔƒɛ. Na mina bekisine benye beeye-mi uwi ndi uwi banini, “Wɛ na nwuna Katɔti ɔmmɔ ɔkya?”

Kɔgya 42:4

Si muunyimo ala adi bene ni, kayi kaakpulu-mi geen. Muunyimo uwi ɔni na ntaatɔnku ƒula bekyuli lisu na bútaasala teesie ƒula kakpakɔ taatátu lɛnu teemwi-ɔ ku lɛlɔyɔ.

Kɔgya 74:10

Katɔti, adubunye ataanu na bula bekisine bataama-a na beteebile-ɔ lɛnyi uwi ƒui?

Kɔgya 79:10

Bi ɔsu na kadi bamba bekyuli beeye-bu banini, “Wɛ na bina Katɔti ɔkya?” Buuvele-ɔ bɔnii die-ma kasi na kalɛ na béwi ƒula kadi bekyuli ubugya kalɔ kalala kemmo kenye na abu ku bekyuli ƒui bɔnu.

Kɔgya 79:4

Ɔmmɔ ɔsu kadi bamba bekyuli bani na bula amadɔ ƒui balánu-bu taakya lɛla lɛdi kemmo na beedumi-bu na baamá-bu.

Kɔgya 89:41

Na belusiene bani mɔɔsia mmɔ taavi béyu ala lidu lidu bátɔlɔku. Na ntɛ mmɔ bekyuli bammɔ baamá-nwu.

Kɔgya 89:51

Ƒula bekisine beedumi-mi kesi kesii na nkɛ, Ami ƒula kabla ɔblane ɔni ndi ɔga ɔni na áƒuna.

Israelƒuɔ Bɔlɛ 34:9

Na ɔ́su-nwu ɔnii, “Unwoti, si mina lɛlɔ lɛ́da-a kubiti sɔsɔ geen ni, muuvele-ɔ nnii kpanku-bu ina ka bekyuli bamɛni bébo atu ɔkplu geen. Ti bula ekpidi kyiɛ-bu na aƒɔ-bu aani ƒula bebi.”

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Yesaia 37:20

Na ɔƒɛni ni, O Unwoti, buvele na bɔda-a bɔnii die-bu na nwuna enu kemmo, kalɛ na kayawi lɛga kɔdikɔ ƒui bekyuli banu bati ka awɔ kani ndi Unwoti ku Katɔti ɔmmɔ.”

Esekiel 20:9

Nsu lɛ́nu ka si lɛ́bla lɛni ni, ɔmmɔ ɔdubɔtina aani si ɔkɔ ɔnyine na ndi, ɔsika bana anumi na líse kenye ka ndubo-ma bɔkpanku bɔlɛku Egyipte kalɔ lɛlɔ.

Esekiel 8:16

Ɔmmɔ kama bákpanku-mi bésienku kakpakɔ kaduli geen kebliidi kemmo kesii kani na lɛ́nu ka banana aavlanyɔ-ɛlɔ benye bede kayakun kammɔ na lɛkpabi lɛmmɔ ku ɔtɔ ɔmmɔ keyi ɔƒɛƒɛɛ kaƒɔkɔ ntɛ na bénwini kama bákya Unwoti kakpakɔ kammɔ na benye beebó kalɔ teete ɔƒɛ ɔni nátu ɔdubo mmɔ.

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Yoel 1:13

Biti adikpi bɛda bɛtina ka biiwulo kɔnyana na biteewulo, amii bakpane bani ndi Unwoti kenye benyene na bɛɛbla-nwu kabla na lɛkpabi lɛlɔ. Bɛtɛ adikpi ammɔ kemmo usien umodi amii bani muunye-nwu anumi taabla-nwu kabla, ɔsika etela lidu ku ntɛ etela ammɔ ƒui kenye kékulo na Unwoti kaduli.

Yoel 1:9

Edula ku ntɛ lɛkpa etela ƒui kenye kékulo na Unwoti kaduli. Na amii bakpane bani ndi Unwoti kenye benyene ƒui bíduo kɔnyana.

Amos 7:2

Na uwi ɔni na nnye mɔɔnu na baalɔlɔ bammɔ bádi lɛla biala bédie báwɔlɔ ni, lívele-nwu nnini, “Unwoti Ɔyikune Ƒui, nu-ma kɔnyana na eti akyiɛ-ma! Dɛ na Yakob kaba kemmo bebi badubɔbla asa na belie ngba? Bana ɛlɛɛ kani badi na beeebo ɔyikun ɔdi!”

Amos 7:5

Mmɔ na lívele-nwu nnini, “Unwoti Ɔyikune Ƒui, tabla kalɛ na ásu! Dɛ na Yakob kaba kemmo bebi badubɔbla asa na belie ngba? Bana ɛlɛɛ kani na badi na beeebo ɔyikun.”

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Malakai 1:9

“Ngba bukpidi bɔmɛni na bilie, nsu bɛɛkpali teevele kusɛ kusɛ. Amii alati bɛnu si ndubɔnu-mii kɔnyana na ɔbladu ɔmɛni ɔsu. Lɛni na Unwoti ɔ́su.”

Bumomo Bɔka 25:6

Amu na Israelni ɔnana ɔdi ɔ́kpanku Midiani ulekubi ɔdi úboku nwuna kaduli na Mose ku Israelƒuɔ ƒui anumi uwi ɔni na básala lisu na Unwoti Adi Kevo anumi beewulo.

Mateo 23:35

Na bekyuli bani nse siin ubugya ɔni na bíwiakun ɔ́si Habel lɛlɔ útálɛ Barakia ubidi Sakaria ɔni na bina bati bádu-nwu na kakpakɔ ku lɛkpabi ntɛ mmɔ ni, ubugya ɔmmɔ ɔdubɔsia bina kadi bekyuli ƒui lɛlɔ.

Mateo 27:43

Ɔ́sia Katɔti anu, na ɔɔlɔ lɛlɔ ɔnii Katɔti Ubidi. Na si Katɔti ɔɔyɔ́ ni, ɔdubɔƒɔ-nwu ɔƒɛni kani bɔnu!”

Lɛkpa Ulu 28:37

Unwoti ɔdubugyingya-mii ɔkya kɔlɔ kɔmmɔ ƒui lɛlɔ. Na ɔdubɔbla kɔlɔ kɔmmɔ bekyuli dɛye dɛye na beye banii bi ɔsu na ɔ́lɛku-mii lɛni. Na ɔmmɔ ɔsu badubɔma-mii.

Lɛkpa Ulu 32:27

Nsu naaawia ka bana bekisine bataakun lɛmɛnɛ taasu banii, ‘Bɔ́di-ma lɛlɔ ɔni na kebunku kadi kátasi Unwoti kudɔ.’ ”

Yosua 7:9

Kanaanƒuɔ ku bekyuli ƒui badubo bunu ala ani mɔɔlɛ́ mɛni. Na badubo bɔsala na bebo-bu ƒui badu kede kede. Na si ɔmɛni udu ɔlɛ ni, dɛ na adubɔblaku ƒula lɛnyi lɛni lɛƒɔ kuye mɛni?”