Yoel 2:14 - Katɔti Ɔku Kedee

¹⁴ Ami ndi Unwoti Katɔti na ɔƒɛni kalɛ ndubɔvumana mina kasusu na lɛnu-mii kɔnyana. Na kusɛ kusɛ ɔdubɔsiaku-mii na bɛkɛ edula pii ku ntɛ na biti bɛbla lɛkpa etela bite-mi.”

Yoel 2:14 ပူးပေါင်းရင်းမြစ်များ

Samuel 2 12:22

Mmɔ na Dawid údie kenye ɔnini, “Uwi ɔni na ubi ɔmmɔ uli ngba ni, línyimi kenye na líwulo kɔnyana. Na mina kasusu ndi ka ukyuli ɔdi ɔɔɔgyi lɛla, ɔƒɛni kalɛ Unwoti ɔdubɔnu-mi kɔnyana na ɔya na ubi ɔmmɔ ɔnwanya na ɔsɔ ulekpi.

Samuel 2 16:12

Ɔƒɛni kalɛ Unwoti ɔdubɔnu-mina lɛbibo na uti lɛbuni ɔƒɔ-mi kayu na ewida ammɔ kenye.”

Baga 2 19:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Israelƒuɔ Bɔlɛ 32:30

Ka kadi kégye ni, Mose ɔ́su bekyuli bammɔ ɔnini, “Bɛ́bla likpidi bonwu. Nsu nsɔ ndubusie kɔbi kɔmmɔ lili ntévele Unwoti likpidi lɛni bɛ́bla mɛni lili kayu lite-mii. Ɔƒɛni kalɛ ɔdubɔnu-mii kɔnyana na uti likpidi lɛmmɔ ɔkyiɛ-mii.”

Yesaia 65:8

Unwoti ɔnini, “Kalɛ na si kutu ɛlɛɛ úbu ɔsia kugyii lili na ubo ntu na ɔdia bɔdi na bekyuli baasu banii batada kugyii kɔmmɔ, ɔsika kutu ɔbuni ɔdi úbu ɔsia kugyii lɛlɔ ni, lɛni na ndubo bɔbla bute mina kabla bablane bani mɔɔdi mina litemi lɛlɔ na lɛɛɛdubo bekyuli bammɔ ƒui udu bɔyila bɔsalaku-ma.

Yeremia 18:8

na kadi kammɔ bekyuli bávumana bana udu na baabla lɛbuni ni, ndubɔvumana mina kasusu na kɔtu kɔni na nnii mɔɔní-ma lɛlɔ.

Yeremia 26:3

Ɔƒɛni kalɛ badubunu ɔƒaamu. Na si báda ekpidi bɔbla báya ni, ndubɔvumana mina kasusu na nsɔ lɛɛɛdubo-ma kɔtu bɔni.

Yoel 1:13

Biti adikpi bɛda bɛtina ka biiwulo kɔnyana na biteewulo, amii bakpane bani ndi Unwoti kenye benyene na bɛɛbla-nwu kabla na lɛkpabi lɛlɔ. Bɛtɛ adikpi ammɔ kemmo usien umodi amii bani muunye-nwu anumi taabla-nwu kabla, ɔsika etela lidu ku ntɛ etela ammɔ ƒui kenye kékulo na Unwoti kaduli.

Yoel 1:16

Bula adila ƒui áyii udu, na limeyi lɛdi bɔdi bɔsɔ buuubo na Katɔti kakpakɔ.

Yoel 1:9

Edula ku ntɛ lɛkpa etela ƒui kenye kékulo na Unwoti kaduli. Na amii bakpane bani ndi Unwoti kenye benyene ƒui bíduo kɔnyana.

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Yona 1:6

Amu na unengu ɔni mɔɔka ɔkɔlɔ ɔmmɔ útánu Yona ka ɔtɛ ɔlɛɛ, na úye-nwu ɔnini, “Bi ɔsu na atɛ alɛɛ lɛni? Ta pla na akpali ƒula Katɔti na eye kebunku. Ɔƒɛni kalɛ ɔdubɔnu bu kɔnyana na ɔƒɔ-bu ngba.”

Yona 3:9

Ɔƒaalɛ Katɔti ɔdubo bɔvumana nwuna kasusu, na ɔnu-bu kɔnyana na nwuna kɔnyi kɔsɔ kulebo-bu lɛlɔ na ɔyila-bu ku udu.”

Seƒania 2:3

Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Hagai 2:19

‘Edula adi asɔ ewi linwu? Na nnɔ egyii ku anwingyie ku adingyii egyii lidu lɛmmɔ ɔdi ɔ́nwu ɔsia?’ Oowo. “Nsu ɔ́si ɔmwi limeyi lɛmɛni lɛlɔ úsela ni, ndubute-mii kusɛ kusɛ.”

Timoteo 2 2:25

Na bekyuli bani ƒui mɔɔta teenye litemi buni lɛmɛni lɛlɔ ni, ɔlɛka udie ala kalɔ ute-ma ku kayi buɛɛ. Na ɔƒɛni kalɛ Katɔti ɔdubɔya na benwini kayi na banu litemi geen lɛmmɔ bati.

Yosua 14:12

Anwuɔsu ti kalɔ ku lɛma lɛni nwi abi lɛlɔ te-mi aani kalɛ na Unwoti úse kenye úte-mi limeyi lɛni na ami ku mina bekyuli búnwini búbeduo mmɔ. Ɔsika limeyi lɛmmɔ ni, énye mmɔ na énu kalɛ na básu kalɛ na bekyuli kangyaa bani nli mmɔ bese ku kalɛ bátu bana awodu bonwu báka bamana lɛma lɛmmɔ. Nsu lɛ́ƒɔ lɛ́di ka Unwoti ɔdubunyeku-mi na lɛbɔku-ma na bekeli balɛ aani kalɛ na use kenye úse.”