Yoel 2:13 - Katɔti Ɔku Kedee

¹³ Ɔɔɔdi bina lɛwu na bɛɛní bɛbwɛ biti bɛtina ka biiwulo kɔnyana. Mmomu binwini bibo-mi kudɔ ku kayi kani muunú ɔlɛ na bina ekpidi ani na bɛ́bla lili. Mɔɔnu kɔnyana na mbo lɛƒɔndia na ndaku ukyuli lɛda. Neeeti kɔnyi buti buti. Na naaayɔ ka ntaani kɔtu lɛnɔ.

Yoel 2:13 ပူးပေါင်းရင်းမြစ်များ

Ala Kalɔ Buse 37:29

Ka Ruben únwini úsie libiɔ lɛmmɔ kɔtu na ɔ́nu ka Yoseƒ ɔsɔ uuubo ubu ɔmmɔ kemmo ni, ɔdi lɛla lɛni nékpoku-nwu geen ɔsu ɔ́ni awu ɔni na ɔkya ɔ́bwɛ kalɛ na ama baabla.

Ala Kalɔ Buse 37:34

Na litemi lɛmmɔ líkpoku-nwu geen, anwuɔsu ɔ́ni nwuna awu ɔ́bwɛ. Na úti adikpi únyimi na úwulo ubidi emeyi pii.

Samuel 2 1:11

Amu na Dawid ku nwuna basiakune báni bana lɛwu lɛni bakya bábwɛ ɔ́tina ka beewulo kɔnyana.

Baga 1 21:27

Amu uwi ɔni na Ahab únu Elia etemila ammɔ ɔ́wɔlɔ ni, ɔ́ni nwuna awu ɔni na ɔkya ɔ́buɛ na úti kekwa kɔdi ɔ́da lɛlɔ na úlie kɔka na ɔkɛ ɔɔví ku kɔnyana.

Baga 2 22:11

Uwi ɔni na Ɔga Yosia únu etemila ammɔ ni, ɔ́ta na ɔ́ni nwuna adala ɔ́bwɛ.

Baga 2 22:19

Na ávumana kayi na éboku lɛlɔ kalɔ éte-mi. Na áni ƒula adala ábwɛ na akya eewulo uwi ɔni na énu ásiku ɔku ɔmmɔ kemmo ka ndubo Yerusalem ku bekyuli bammɔ ƒui kɔtu bɔni na lɛbla-ma aani ewida lɛla. Anwuɔsu línu ƒula katɔ bɔkpali.

Baga 2 5:7

Ka Israelƒuɔ ɔga ɔ́ka kakunkɛ kamɛni ni, ɔtɔtɔ ɔ́gyu-nwu na ɔ́ni nwuna awu ɔ́bwɛ. Na údie lɛdi ɔ́su ɔnini, “Dɛ na Siriaƒuɔ ɔga ɔɔnu-mi ɔsu na ɔnii ami mbwi ɔnana ɔmɛni? Munuu ɔɔkali ka Katɔti na ndi na mbo kukpi ku ngba ɔyikun yoo? Lɛla lɛni na ɔ́bla mɛni ni, údie ɔ́tina ka unye ɔɔwia kuƒi na ɔkya kadɔ na ami ku-nwu ntɛ.”

Baga 2 6:30

Na ka ɔga ɔmmɔ únu litemi lɛmɛni ni, ɔ́bla-nwu kalɛ kadi. Anwuɔsu ɔ́ni nwuna awu ɔ́duli. Na ɔni na ɔkɛ awodu ammɔ lɛlɔ úsela ni, bekyuli bammɔ bánu-nwu básiku awodu kalɔ mmɔ ka ɔga ɔmmɔ ɔ́sabala adikpi ani mɔɔtina ka ɔkya kɔnyana buwulo kemmo.

Ala Alɛdi 2 6:27

na enu-ma bɔkpali asiku ƒula keliekɔ na katɔ mmɔ na eti akyiɛ-ma. Israel kadi bekyuli ƒui badi ƒula kabla bablane, anwuɔsu tina-ma kalɛ na belie ngba siin na ulu lɛlɔ. Na aya na ɔnantu ɔna uwi kalɔ kani na ese kenye ete bana bati kuuku lɛlɔ ka beti uwi ƒui mmɔ.

Nehemia 9:17

Na béni ka benyimo ƒula akɔla lidu lidu ani na édie átina na bana akɔ. Na bana atuɔkplu ku bɔta bunye kemmo ni, bédie ɔtɔnkune ɔni nsɔ makpanku-ma matákya bana lɛbibo kabla kemmo. Nsu awɔ Katɔti aanu kɔnyana, na éyi ku bɔyɔ ku lɛƒɔndia, na éti bana ekpidi akyiɛ-ma. Ɔmmɔ ɔsu étenwini kama átakya-ma.

Hiob 1:20

Hiob ɔ́ta únye kɔnakunwi ka únu kenye kamɛni. Na ɔ́ni nwuna awu ɔ́bwɛ na úkpeyi lili, na ɔ́yu úbi kalɔ úmwi Unwoti.

Kɔgya 103:8

Unwoti ɔɔnu kɔnyana na ɔɔbla lɛƒɔndia. Uléti kɔnyi pla pla na ɔɔyɔ́ bekyuli geen.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Kɔgya 34:18

Unwoti ude bani na enu áƒɛ-ma na ala étulo-ma. Na ɔɔƒɔ́ bani na bana lɛnunsia ƒui lɛ́sa.

Kɔgya 51:17

Mmomu akpala ani mɔɔƒɔ́-ɔ anu ndi ka ukyuli ekpidi eduo-nwu geen na nwuna kayi kemmo, na eleni ɔmɛni.

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 58:5

Bɔkali na bɛɛkali bɛnii kalɛ na binyimi kenye, na bini adila bite lɛlɔ, na bɛkya lili kalɔ buɛɛ bite Unwoti aani livo lɛni na ɔƒɛƒɛɛ ku ɔnantu ntu búbo bɔ́kya kalɔ mɔɔda-nwu ebiti? Munuu kalɛ na bɛda kɔnyana ala, na bɛkpi ntɔ na bɛɛlɔ kenye bunyimi bɔni ndi Unwoti limeyi lɛni mɔɔda-nwu kubiti?

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yeremia 36:7

Ɔƒɛni kalɛ si bénu lɛla lɛni na Unwoti ɔ́su ka wabla-ma na bana ekpidi ɔsu ni, badubo bunwini na bevele Unwoti banii uti bana bɔƒiɔ ɔkyiɛ-ma, ɔsika úti kɔnyi geen.”

Yeremia 41:5

Uwi ɔmmɔ kemmo ni, nkyuli liti ku avlaatɛ badi básia Mispa ɔma ulu ɔmmɔ lɛlɔ badubo ɔ́si Sekem ku Silo ku Samaria lɛma banii beeti bana etela bebeti Unwoti na nwuna kakpakɔ ani ndi antabi ku oloƒui. Na békpeyi bana kuduo kalɔ linwini ƒui na báni bana adala bábwɛ na békulo bana lɛlɔ ekpo ekpo béti baatina ka beewulo kɔnyana.

Yeremia 42:10

Nsu muute-mii bɔbuɛ, ɔsika bina ɔbladu náya na ɔdi ka lɛni-mii kɔtu kɔmmɔ udu. Na mɔɔsu-mii ɔƒaani nnii bɛsɔ bilie Yuda mɛni kani na ndubɔsɔku-mii lɛlɛ aani kalɛ na baalɛ lɛla lɛdi na lɛnu-mii lɛlɔ na bɛbi lɛlɔ. Na ɔɔɔdi ɔni na lɛgyingya-mii iye lɛgyu-mii lidie bina kenyekɔ ku ligyiitu.

Esekiel 9:4

“Sie vi ɔma Yerusalem ɔmmɔ ƒui kemmo na abla likposela asia ukyuli biala geen na alaekpidi ani na baabla na ɔma ɔmɛni kemmo aadá-nwu ɔƒɛ lɛtɛntɛ.”

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Yona 3:9

Ɔƒaalɛ Katɔti ɔdubo bɔvumana nwuna kasusu, na ɔnu-bu kɔnyana na nwuna kɔnyi kɔsɔ kulebo-bu lɛlɔ na ɔyila-bu ku udu.”

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Nahum 1:3

Unwoti use buɛɛ na uleyile kɔnyi buti, nsu ubo ɔyikun. Anwuɔsu bani ƒui mɔɔƒiɔ́-nwu ni, ɔɔnu ka ɔ́ni-ma kɔtu, na ɔdi ulekeli lɛtuni lɛmmɔ. Nwuna ablala eedie lɛlɔ keyi na ɔƒɛƒɛɛ kpakplaa ɔni mɔɔkya ligede kemmo. Na nwuna lɛgba kalɔ ɔtumu ndi liƒlukutu lɛni bɔɔnu.

Bumomo Bɔka 14:18

‘Ami Unwoti ndi Katɔti ɔni mɔɔnu kɔnyana, na mɔɔbla lɛƒɔndia uwi ƒui, na neeeti kɔnyi pla pla. Mmomu mɔɔyɔ́ mina bekyuli na muuti bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.’

Romaƒuɔ 2:4

Munuu bɛɛbu bɛnii keeke na Katɔti ɔɔbla-bu kaƒɔbuni na ɔɔkɛ́ kayi na uuwiku-bu lɛlɔ? Bɛti geen ka ni, Katɔti ɔɔbla-bu lɛƒɔndia lɛmɛni ɔsika ɔɔwia ka ubunku-bu na bunwini kayi.

Eƒesoƒuɔ 2:4

Nsu ka Katɔti ɔɔnu-bu kɔnyana pii na nwuna bɔyɔ bɔni na ubo úte-bu lɛnɔ bumomo ɔsu ni,

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.