Yoel 1:14 - Katɔti Ɔku Kedee

¹⁴ Bɛlɔ benengu bammɔ ku bekyuli bani ƒui nkya kalɔ kammɔ lɛlɔ na bɛsa bɔsa kedee na mina lɛnyi lɛlɔ na Unwoti kakpakɔ na ete-ma bɔti na benyimi kenye ku lɛlɔ kalɔ buboku ku lɛlɔ bɔti bɔda sɛɛn. Na bewulo bakpali Unwoti bevele-nwu.

Yoel 1:14 ပူးပေါင်းရင်းမြစ်များ

Baga 2 10:20

Ɔmmɔ kama ni, Yehu úbo ɔda ɔnini, “Bise limeyi na bula ƒui bubo bubadi limeyi na bɔkya lili kalɔ bute Baal.” Anwuɔsu bése limeyi sɔsɔ.

Ala Alɛdi 2 20:13

Amu na uwi ɔni na Yudaƒuɔ banana ku beleku ku banamu bammɔ ƒui benye kakpakɔ anumi mmɔ ni,

Nehemia 8:18

Na ɔ́si limeyi lɛmmɔ bɔdi, limeyi lideedi útédu limeyi likplodi lɛlɔ bataaka Unwoti bubo etemila ammɔ adi kakɛ. Na bádi emeyi ammɔ emeyi maatɛ. Na limeyi maanedi lɛlɔ ni, básala na bádi limeyi lɛmmɔ báwɔlɔ aani kalɛ ɔda bubo bɔmmɔ bɔɔtina.

Ester 4:16

“Sala Yudaƒuɔ bani ƒui nkya Susa ɔma kemmo lisu, na binyimi kenye emeyi atɛ usien ku ɔƒɛ na ami ɔsu, na ɔdi utadi lɛla lɛdi. Ami ku mina beleku kabla bablane bani mɔɔnu-mi lɛlɔ lɛnɔ bɔdubɔbla lɛni kani. Na si bɔ́wɔlɔ ɔmɛni ni, ndubusie ɔga kudɔ ina ka kuƒi kuuubo lɛni. Na si kukpi na ɔdi ka likpi lɛnɔ ni, na likpi ƒaa.”

Yeremia 14:2

“Yuda ku Yerusalem, biteewulo na kalɔ kammɔ bɔkwii ɔsu.

Yoel 1:2

Bise atu na binu amii kadi batɔnkune ku amii bani na bɛkya kalɔ kammɔ ƒui kemmo. Bɔlɛ na lɛla lɛni na bɛɛnu mɛni lɛ́ɛlɛ na bina uwi iye bina bati kuuku uwi na bínu dii?

Lewiƒuɔ Ɔda Bubo 23:36

Na emeyi maatɛ ammɔ kemmo ni, bitaabla ogya akpala bɔkyula. Na limeyi maanedi lɛlɔ bina ƒui bɛsa bɔsa kedee na mina lɛnyi lɛlɔ na bɛbla ogya akpala bɔkyula bite Unwoti. Ka limeyi lɛmmɔ na bɛɛdi-ni bɛwɔlɔ ɔsu ni, ukyuli ɔdi utabla kabla kadi.

Yona 3:5

Niniweƒuɔ ƒui báƒɔ litemi lɛmɛni bádi. Ɔmɛni ɔsu bábla kasusu ka ɔ́si benengu útálɛ banamu ƒui ni, badubunyimi kenye na bényimi adikpi beti batina ka bana ekpidi éduo-ma.

Yona 3:8

Bekyuli ku bebuo ƒui báda lɛlɔ na béti bátina ka bana alaekpidi éduo-ma. Na ukyuli biala ɔ́kpali Katɔti ku nwuna kayi kemmo ƒui, na báda bana likyulikpi ku ekpidi ƒui bɔbla báya.

Seƒania 2:1

Amii kadi bekyuli bani na kɔƒa ala bɔbla búyi-mii akɔ ni, bibo bibasala mɛni asa na uwi ukpidi ɔmmɔ udu.