Yesaia 9:9 - Katɔti Ɔku Kedee

⁹ Na bekyuli ƒui badubo-ni bɔnu bɔti, Eƒraim ku Samaria kalɔ lɛlɔ bekyuli ƒui. Ama mɔɔkun lɛmɛnɛ na baakɔliku lɛkɔ katɔ taasu banii,

Yesaia 9:9 ပူးပေါင်းရင်းမြစ်များ

Baga 1 22:25

Amu na Mikaia údie kenye ɔnini, “Limeyi lɛdi lɛdubo na adubo bɔnu ka ɔlɛka abɛla lɛlɔ na ɔtɔ ɔdi kama kesii kadi.”

Agba 16:18

Lɛlɔ katɔ bɔtalaku mɔɔgyú taatɔ asa na ukyuli ɔɔyii udu. Na kayi kekpidi buse taabla ala mɔɔyá na ukyuli uubuli.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Yesaia 28:3

Na lɛlɔtina lɛka kagabwa kani na beti ni, bekyuli badubɔkɔ banya-ka lɛlɔ bavi.

Yesaia 46:12

Bise atu na binu, bina atu ebo ɔkplu geen, na kalɛ na bɛkana na bilie ƒaa ku atu bɔyɔ bɔ́gyunku-mii.

Yesaia 48:4

Ngyi ka bibo atu ɔkplu ku lili ɔkplu.

Yesaia 7:2

Kenye kébedu Ahas kudɔ banini, “Ɔga Resin ku Ɔga Peka bása lili na ama ku bana bekyuli báta ka bebékpo-bu.” Ɔmmɔ ɔsu ɔtɔtɔ ɔ́gyu Ɔga Ahas ku nwuna bekyuli na baatɔ́ kpakpaakpa aani kalɛ na ɔƒɛƒɛɛ uukpó taavi egyii akɔ.

Yesaia 9:8

Unwoti ɔdanku linyesia kpakplaa ute Yakob kaduli bekyuli, na lɛla lɛmmɔ lɛdubo Israel lɛlɔ.

Yeremia 32:24

Na bekisine báta beekpóku Yerusalem na kɔka kɔɔdú-bu na buuƒi lɛlɛ lidu lidu.

Esekiel 30:19

Na si uwi ɔni na lɛ́wɔlɔ Egyipteƒuɔ kɔtu kɔmɛni udu bɔni bɔwɔlɔ lɛni ni, bɛdubɔnu bɔti ka ami ndi Unwoti.’ ”

Esekiel 33:33

“Na uwi ɔsɔ uletu asa na ndubo-ma kɔtɔ bɔni aani kalɛ na ásu-ma ése, na badubɔnu bati ka kenye udiene ɔdi ɔ́kya-ma akɔ.”

Esekiel 7:27

Na bina baga ku bana benengu muedi badubo buteewulo ka basɔ beeebo lɛnunsia lɛdi ɔsu. Na bina enu ataatɔ kpakpaakpa ku liƒu bonwu. Ndubo-mii kɔtu bɔni na lɛbla-mii aani kalɛ na amii lɛnɔ bɛ́bla bekyuli bamba. Na bɛdubɔnu bɔti ka ami ndi Unwoti.”

Esekiel 7:9

Bina ekpidi ávi ntu na etulo bɔsu, anwuɔsu nsɔ lɛɛɛdubo-mii kɔnyana kɔdi bɔnu lɛnɔ. Na bɛdubo bɔnu bɔti ka sɔsɔ ami Unwoti náni-mii kɔtɔ lɛni.

Hosea 8:14

Israelƒuɔ, ami nédie-mii, nsu bɛ́yiƒala-mi. Na awɔ ku Yuda ƒui bɛ́tu baga kuliekɔ bonwu bonwu ku lɛma linengudi pii lɛni mbo kɔgyumanakɔ bíte lɛlɔ. Nsu ndubo bɔya na ogya ubo ubakyula lɛma lɛmmɔ ku kɔgyumanakɔ kɔmmɔ ƒui na ubile lɛla biala.”

Malakai 1:4

“Esau bebi ku bawɔ badubɔkana na basu banini, ‘Ina ka bula Edom kalɔ káyii udu ni, bɔdubɔsɔku-ka bɔtu.’ “Nsu ami, Unwoti Ɔyikune Ƒui, líse kenye ka lɛla biala na bátu ni, ndubudi-ni lɛbwɛ liwi kalɔ na bekyuli ƒui banu ka lɛɛɛdubo kɔnyi bɔda buti taakya-ma bɔya na uwi ɔni kemmo na bamu benye bana ekpidi bɔbla lɛlɔ ɔsu.

Malakai 3:13

“Bɛ́tɛmi enyekpi bonwu bonwu bɛ́siku-mi lɛlɔ, nsu ɔƒaani buye na biiye bɛnini, ‘Bi na bɔ́su o-o?’

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”