Yesaia 9:2 - Katɔti Ɔku Kedee

² Bekyuli bani na nka beli baabla ala na lɛdisa kemmo badubɔnu bukeye. Na bani na belie kukpi ɔgbankpi kemmo ni, Katɔti bukeye bɔdubuwi-ma lɛlɔ.

Yesaia 9:2 ပူးပေါင်းရင်းမြစ်များ

Hiob 10:21

asa na linwini nteesie kasuudikɔ kesii kani na nsɔ lɛɛɛdubo bɔsɔ bunwini bubo kama.

Kɔgya 107:10

Kasuudikɔ na badi beli na lɛla biala lise-ma suu. Na badi lɛnɔ ni, béƒie-ma bákya ɔtɔ na beebó abi na batɛ kɔgba kemmo.

Kɔgya 107:14

Ɔ́ya na bálɛ kasuudikɔ bonwu kani kemmo na bakya mmɔ. Na bana kɔgba kɔ́ƒɛ kpɛtɛ kpɛtɛ.

Kɔgya 23:4

Si ina nkɛ ntédu kasuudikɔ kani nse aani kekpine muedi ni, naaayia ɔgbankpi ɔdi. Ɔsika ngyi ka awɔ na nsiaku. Na ƒula ɔgagyii ku ugyii ɔdadi muusé-mi kayi.

Kɔgya 4:8

Si lɛ́yu lɛ́tɛ ni, mɔɔlɛɛ ƒaa, ɔsika awɔ kani ndi mina Unwoti ɔni mɔɔgyumana-mi.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Yesaia 60:19

Na bɛ́sɔ bilawia ɔƒɛ iye kɔbuli bukeye bɔdi na ɔƒiiwi iye usien, ɔsika ami Unwoti ɔlati bukeye ndubo-mii buteewi úsela uwi ƒui.

Yesaia 9:1

Nsu kalɛ na báyila lɛnunsia na beli lɛdisa kemmo mmɔ ni, ulése lɛni uwi ƒui. Uwi ɔni návi ni, bátabu Sebulon ku Naƒtali bátakya lɛla lɛdi kemmo. Nsu uwi ɔdi ɔdubo ɔni na Katɔti ɔdubuti bukeye ute kadi bamba bekyuli bani nlie Galilea na Yordan Ketu ulu lɛlɔ úti útédu ɛpu kɔtu.

Amos 5:8

Unwoti nábla ayabi lidu ɔ́kya katɔ, na enye ana kunyekɔ. Ɔɔyá na usien uugyé kadi nwaa na ɔƒɛ kadi nwaa kaasá teenwini usien. Na uudie ntu na ɛpu kemmo teewi kalɔ lɛlɔ. Nwuna lɛnyi ndi Unwoti.

Luka 2:32

Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Yohane 12:35

Mmɔ ni, Yesu údie kenye ɔnini, “Uwi klukui ɔdi kani na bɛdubɔsɔ bɛnu Katɔti bukeye bɔmmɔ. Anwuɔsu ni, uwi ɔni na kadi kammɔ kamu keekeye ni, bɛkya ɔkplu na bisie anumi kalɛ na kadi kalása kalakya-mii. Ɔsika ukyuli ɔni nkɛ na lɛdisa kemmo ni, ɔɔɔgyi kesii kani na úsela.

Yohane 12:46

Líbo kayawi kamɛni kemmo aani ukyuli ɔni mɔɔyá na bekyuli baanu bukeye kalɛ na ukyuli biala ɔni náƒɔ-mi ɔ́di ni, uláƒɔ lɛlɔ ulakya lɛdisa kemmo.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Eƒesoƒuɔ 5:8

Ɔsika kudeedi ni, na bɛkya lɛdisa kemmo. Nsu ɔƒɛni ka bínwini Blɔti badi ɔsu ni, bɛkya bukeye kemmo. Anwuɔsu bilie ngba aani bekyuli bani nlie bukeye kemmo.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Litemi Batɛne 5:30

‘Ala kama basiaku na bekpo baƒɔ-nya, na uleku unwi iye beleku inyɔ benye basiaku ukpone unwi. Kɔdi na banii kɔɔdia bɔnu lɛni bete Sisera ka uti ɔda-a limɔ aani ɔga uleku ɔsu.’