Yesaia 66:5 - Katɔti Ɔku Kedee

⁵ Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Yesaia 66:5 ပူးပေါင်းရင်းမြစ်များ

Baga 1 21:29

“Ánu áti kalɛ na Ahab úboku lɛlɔ kalɔ na mina anumi? Ɔ́si lɛla lɛni na ɔ́bla mɛni ɔsu ni, lɛɛɛdubo ɔgbankpi ɔdi buti buboku-nwu lɛlɔ na nwuna ngba uwi. Mmomu ndubɔya na ɔgbankpi ɔmmɔ ɔlɛ nwuna kaduli na ubidi uwi.”

Baga 2 22:10

Na ɔ́sɔ ɔ́su ɔga ɔmmɔ ɔnini, “Aanu ɔku ɔni na ɔkpane Hilkia úti úte-mi.” Amu na Saƒan ɔ́ka ɔku ɔmmɔ kemmo etemila úte ɔga.

Ala Alɛdi 2 34:27

Ka kayi kágyu-ɔ uwi ɔni na énu ala ani na lɛ́su ka mabla kalɔ kamɛni ku kana bekyuli ni, éboku lɛlɔ kalɔ na kayi kemmo na áni ƒula awu ábwɛ na éwulo na mina anumi. Na mɔɔsu-ɔ geen ka línu ƒula buvele. Anwuɔsu nu lɛla lɛni na ndubo bɔbla.

Esra 9:4

Na bekyuli bani ƒui mbo bɔyia bete Israel Katɔti litemi báni béde-mi, na bekyuli bani kekpo kéƒie na báka bunwini bubo litemi lɛlɔ tadi ku ɔbladu buɛ ɔmɛni ɔsu. Kɔnyana ku bɔyia bɔmɛni kemmo na lɛ́ƒɔ mmɔ bulie útédu useyi akpala bɔbla uwi.

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Kɔgya 38:20

Beeti likpidi taaƒɔ-mi lɛbuni kayu na báta bénye-mi lɛlɔ ka mɔɔsia lɛbuni bɔbla kama ɔsu.

Agba 13:13

Bekyuli bani muuní ka bekyuli balɛ-ma ni, ɔgbankpi kemmo kani na badubo buduo. Na bani mɔɔbu bekyuli bɔlɛ ni, badubo bukpo bɔlɛ.

Lɛnu Ƒui Ɔnu 1:6

Bitanu-mi ɔnusɛ bɛnii lɛ́sɔ ka ɔƒɛ ɔ́ya na mina ɔlɔgyii ɔdi otondi ɔsu. Mina benibi bananabi béti kɔnyi bákya-mi na báya na mɔɔbla kabla na adingyii kemo na lídie mina ɔlɔna atu na nsɔ lɛɛɛdaku-nwu lɛda.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Yesaia 5:19

Amii bani mɔɔpii Israel Unwoti Kedee bɛnini, “Babla na abla lɛla lɛdi bɔnu! Bo lɛlɔ na atina-bu lɛla lɛni na adubɔkana bɔbla.”

Yesaia 60:15

“Bekyuli békisi-mii na béni-mii uwi ɔni návi nsu ndubɔbla-a ɔma unengudi ɔni mɔɔdia bɔnu geen na bataakun lɛmɛnɛ na ƒula lɛlɔ úsela uwi ƒui.

Yesaia 65:13

“Binu! Ami Unwoti Ɔyikune Ƒui mɔɔsu-mii nwaa ka mina kabla bablane badubo bɔdi, nsu kɔka kɔdubo amii alaekpidi bablane butaada uwi biala. Na badubo bɔni, nsu ntukwɛ ɔdubo-mii butaada uwi ndi uwi. Na lɛlɔ lɛdubo-ma bɔyɔ, nsu kɔƒa kɔdubo-mii bukpo.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yeremia 36:16

Ɔku ɔmmɔ kenye kékpoku-ma ka bénu ala ani na ɔ́ka mmɔ. Anwuɔsu básu lɛlɔ banini, “Ɔlɛka bula ɔga lɛnɔ unu ɔku ɔmɛni kenye!” Na bénwini bésie Baruk kudɔ na béye-nwu banini,

Hosea 11:10

“Mina kadi bekyuli badubɔsi ɔƒɛ kanukɔ bebo na babasiaku ami bana Unwoti kama ku bɔyia si lɛ́kwanyi aani gyata.

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Luka 13:17

Kenye kani na Yesu údie mɛni ɔ́ya na kɔƒa kúkpo nwuna bekisine, na bekyuli bakladi bákɛ ebiti na akɔla budie taatina ani ƒui na ɔ́bla ɔsu.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Yohane 9:34

Amu na benengu bammɔ banini, “Awɔ ɔni na likpidi kemmo na báwɔ-ɔ bákya na lɛni kani na éti ábi lɛlɔ ni, awɔ mɔɔwia ka atina-bu ala?” Mmɔ ni, bábɔku-nwu bédie Yudaƒuɔ kasalakɔ mmɔ.

Tesalonikaƒuɔ 2 1:12

Buuvele ala amɛni teete-mii kalɛ na bakɔliku Blɔti Yesu Kristo lɛnyi katɔ na amii ɔsu. Na anwu lɛnɔ wakɔliku-mii lɛnyi katɔ na anwu ku Katɔti lɛƒɔndia ɔsu.

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Hebriƒuɔ 9:28

Lɛni kani na Kristo lɛnɔ úti lɛlɔ ɔ́kpa kunwi pɛ kani na údie bekyuli pii na bana ekpidi kemmo. Na ɔdubɔsɔ ubo kunyɔdi. Na ɔɔɔdi ɔni na ɔsɔ ubebo abi na ekpidi ɔsu. Mmomu kalɛ na uti ngba bɔƒɔ uboku bekyuli bani na benye bagya-nwu.

Yohane 1 3:13

Anwuɔsu ni, banwa, utabla-mii dɛye dɛye si kayawi bekyuli beekisi-mii.