Yesaia 66:3 - Katɔti Ɔku Kedee

³ Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Yesaia 66:3 ပူးပေါင်းရင်းမြစ်များ

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Yesaia 44:19

Beeebo kasusu kani na bati beye lɛlɔ banini, “Ligyiiku lɛmɛni kakɛ kani na líti lɛ́kya ogya líƒulo adila ku lɛna na kakɛ kakladi na líti lɛ́nwi lɛla lɛni neeebo kalɔ na lɛɛɛdi lɛla lɛdi mɛni. Bi ɔsu na ɔlɛka ntaabu ligyiiku?”

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Yesaia 57:17

Bina ɔdivo náya na líti kɔnyi lɛ́kya-mii na lɛ́ni-mii kɔtu na lɛ́bɛla-mii mina lɛlɔ na bɛsɔ bilanu-mi. Nsu ɔmɛni ƒui ni, bɛmu bibo atu ɔkplu na binye bina alaekpidi bɔbla lɛlɔ ku ɔƒɛni.

Yesaia 65:12

ndubo-mii bɔnyonu bute na bɛkya eli kalɔ na bina bekisine badu-mii ƒui. Ɔsika lɛ́kpali-mii na bítatuna bítete-mi. Na lɛ́tɛmiku-mii na bítenu. Mmomu bɛ́bla likpidi na mina anumi na ala ani na alayɔ-mi kaƒɔ mmomu na bɛ́ƒuna ka bitaabla.

Yesaia 65:2

Lídie mina enu nnye limeyi limodi ngya bekyuli bani na báta bénye mina lilu lɛlɔ na bakɛ ulu ukpidi lɛlɔ bésela na basia bana kasusu kama kani.

Yesaia 66:17

Unwoti ɔnini, “Bekyuli banii muukisi lɛlɔ na baasiaku lɛlɔ lisu teesie alakpi akɔ taatákpa baƒiɔ na baakun baplakuo ku besi ku bayikpɛ ku ala bamba ani muusé lɛlɔ ni, bana ƒui badubɔnuku-ni na bana kɔwɔlɔkɔ kamɛni.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Lewiƒuɔ Ɔda Bubo 2:2

Ɔmɛni kama na uti ala ammɔ uboku Aaron bebi bananabi bakpane bammɔ na badubudie ɔlaaƒɔ ɔmmɔ lɛkɔkɔ linwi ku nwuna lɛlɔ nnɔ ku oloƒui ɔmmɔ ƒui. Na badubuti bakyula lɛkpabi lɛlɔ aani enyimo adila bɔsia akpala. Na ɔmmɔ ɔdubɔbla akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Hagai 2:14

Mmɔ na Unwoti ɔ́su Hagai ɔnii ɔsu bekyuli bammɔ ɔnini, “Lɛni geen na kadi bekyuli bamɛni ƒui bese ɔƒaani. Na lɛla biala na bɛɛbla ku akpala biala na bɛɛbla ni, eesé-mi lɛlɔ na naaaƒɔ-nya.

Lɛkpa Ulu 14:8

Na bitakun ɔplakuo. Ɔsika bebuo bamɛni beesé lɛlɔ. Bebo agbanvuo ani kemmo nábwɛ inyɔ, nsu belekpo taakun. Na ɔdi utakun bebuo bamɛni iye biteti bina enu bitetuku bana ukpine.

Lɛkpa Ulu 23:18

Ɔƒɛni egulabi biala na ukyuli ɔmɛni udu ɔdubɔkɛ na kabla kani na ɔɔbla mɛni kemmo ni, uteti egulabi ammɔ adi uteboku bina Unwoti Katɔti kakpakɔ ɔnii ubedie lili na kenye kani na úse ɔsu. Ɔsika Katɔti bayalɛ beesé Katɔti lɛlɔ.

Litemi Batɛne 10:14

Biteesie na bitákpali baƒiɔ bani na amii bɛnii ama bɛɛyɔ́ mmɔ. Bɛya na ama baƒɔ-mii si bɛkya bukpoku bɔdi kemmo.”

Litemi Batɛne 21:25

Na uwi ɔmmɔ kemmo kani na Israelƒuɔ beeebo ɔga ɔdi. Ɔmɛni ɔsu ɔdi biala ɔɔbla lɛla lɛni na ɔɔyɔ́.

Litemi Batɛne 5:8

Si uwi ɔni na Israelƒuɔ báƒuna baƒiɔ bawɔdi ni, kekpo kaadá taalɛ ɔma kabanye. Na lɛtula iye lɛgyumanala lɛdi lilalɛ na bula Israelƒuɔ mpim aavlene bani nkya akɔ