Yesaia 66:22 - Katɔti Ɔku Kedee

²² “Kalɛ na katɔ kawɔdi ku kalɔ kawɔdi kani na ndubɔbla kadubɔkya uwi ƒui ni, lɛni kani na ndubɔya na ƒula lɛnyi ku bɔwɔ basɔ balása kudii.

Yesaia 66:22 ပူးပေါင်းရင်းမြစ်များ

Yesaia 48:19

Na bekyuli bemomo bina kalɔ lɛlɔ utulo ɛpu kɔnwinimi. Na nka lɛɛɛdubo bɔya na kadi badi badi-mii lɛlɔ na bayila-mii udu.”

Yesaia 51:16

Lɛ́tina-mii lɛla lɛni na bɛsu na nda-mii na mina lɛkɔkɔ kemmo kɔkɔɔ. Ami nébimi kayaa lɛ́ƒala katɔ na lɛ́kya kowodu kalɔ ɔka líte kalɔ kammɔ ƒui. Na mɔɔsu ɔƒaani nnini, ‘Yerusalem bekyuli ni, ami ɔdi na badi.’ ”

Yesaia 53:10

Nsu Unwoti ɔlati nése ɔmɛni úse lɛni ɔnii nwuna kabla ɔblane ubo abi amɛni udu na badu-nwu, na ɔƒɔ kayu na bekyuli ƒui lili na bana ekpidi ɔsu. Na ina ka úbo lɛni muedi ni, ɔdubulie na ɔnu nwuna bawɔ bawɔ. Na ɔkɛnku nwuna lɛlɔ ni, lɛla lɛni na Unwoti ɔ́lɛ ugyii úse lɛdububo-nwu kemmo.

Yesaia 56:5

Na ndubɔtu likpose atabi bɔlɛ mina kakpakɔ na linweni bina anyi lɛsia-nya lɛlɔ. Na ɔmmɔ lɛti ɔdia utulo si bɛ́wɔ bebi, ɔsika atabi ammɔ adubunye mmɔ uwi ƒui.

Yesaia 59:21

“Líse-ma kenye ka ndubuti mina Kɔyu ku linyesia lite-ma. Na ɔmɛni ndi mina etela ani na ndubuti lite-ma ku bina kɔduli bekyuli úsela uwi ƒui.” Lɛni na Unwoti ɔ́su.

Yesaia 61:8

“Ɔsika ami Unwoti ni, litemi bɔtɛ ulu siin lɛlɔ na mɔɔyɔ́. Na nkisi kuyu ku ɔkɔ etemila bɔtɛ ku ekpidi lidu bamba ƒui. Na kalɛ na mɔɔdi mina litemi lɛlɔ ɔsu ni, ndubɔƒɔ-ma kayu na linyimiku-ma bunyimi bɔni ndubɔkya ami ku-ma ntɛ uwi ƒui.

Yesaia 61:9

Badubɔƒɔ lɛnyi na kadi bekyuli ƒui akɔ na ukyuli biala ɔni nánu-ma ɔnu ɔti ka badi kadi bani na Unwoti úte-ma kusɛ kusɛ.”

Yesaia 65:17

“Ndubo katɔ kawɔdi ku kalɔ kawɔdi budie na bekyuli bayiƒala ala ani na ávi ƒui.

Yesaia 65:22

Ukyuli ɔdi uláƒɔ bana lɛtɔ lɛni bátu iye bana mmo bɔni na bése. Na mina kadi bekyuli baƒunadi bamɛni badubulie babi lɛlɔ aani egyii na badi ala ani na ama alati béti bana enu bábla.

Yesaia 65:23

Bana kabla kalayii udu na ɔlɛ ukpidi ɔdi uládu bana bebi mmomu ndubute bana bebi ku bawɔ lɛnɔ kusɛ kusɛ.

Yeremia 33:20

“Ami Unwoti línyimi lɛla lɛdi líse líte usien ku ɔƒɛ na ɔɔlɛ́ lɛni na uwi lɛlɔ pɛpɛɛpɛ uwi ndi uwi. Na ɔdi ulakana na webile lɛla lɛni na línyimi líte-ma mmɔ.

Yeremia 33:21

Na lɛla lɛni na línyimiku Dawid ɔtɔ bekyuli ku Lewi kɔdua bekyuli bani mɔɔkpá na mina lɛkpabi lɛlɔ ni, ɔdi ulakana na webile-mu. Dawid bawɔ akɔ na ukyuli ɔdubɔsi utaadi Israel lɛga uwi biala.

Seƒania 3:20

Na uwi ɔni na ndubo-mii bɔsala mmɔ ni, ndubɔsɔku-mii liboku ɔma na lɛya na bɛƒɔ lɛnyi, na lɛsɔku bina lɛkɛ lite-mii na anumi ku anumi. Lɛni na Unwoti ɔ́su.”

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Petro 2 3:13

Nsu abu bunye bɔgya Katɔti kenye kani na úse-bu úse kani ndi katɔ kawɔdi ku kalɔ kawɔdi kani kemmo na ala bɔbla siin sɔɔn ndubɔkya.

Budie Taatina 21:1

Ɔmmɔ kama ni, lɛ́nu katɔ ku kalɔ kawɔdi. Ɔsika katɔ ku kalɔ kedeedi aka káyii, na ɛpu lɛnɔ ɔsɔ uuubo.