Yesaia 66:2 - Katɔti Ɔku Kedee

² Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yesaia 66:2 ပူးပေါင်းရင်းမြစ်များ

Baga 1 21:29

“Ánu áti kalɛ na Ahab úboku lɛlɔ kalɔ na mina anumi? Ɔ́si lɛla lɛni na ɔ́bla mɛni ɔsu ni, lɛɛɛdubo ɔgbankpi ɔdi buti buboku-nwu lɛlɔ na nwuna ngba uwi. Mmomu ndubɔya na ɔgbankpi ɔmmɔ ɔlɛ nwuna kaduli na ubidi uwi.”

Baga 2 22:10

Na ɔ́sɔ ɔ́su ɔga ɔmmɔ ɔnini, “Aanu ɔku ɔni na ɔkpane Hilkia úti úte-mi.” Amu na Saƒan ɔ́ka ɔku ɔmmɔ kemmo etemila úte ɔga.

Baga 2 22:11

Uwi ɔni na Ɔga Yosia únu etemila ammɔ ni, ɔ́ta na ɔ́ni nwuna adala ɔ́bwɛ.

Esra 10:3

Ɔmmɔ ɔsu ni, ya na bunyimi lɛla lɛdi na Katɔti anumi na bɔbɔku beleku bamɛni ku bana bebi na batɔlɔ ɔkɛnku lɛla lɛni na awɔ ku bekyuli bani mɔɔbu Katɔti ɔda bubo bɛdubɔsu-bu. Na bɛnu ka bɔ́bla lɛla biala bɔ́siaku ɔda bubo bɔmmɔ lɛlɔ.

Esra 9:4

Na bekyuli bani ƒui mbo bɔyia bete Israel Katɔti litemi báni béde-mi, na bekyuli bani kekpo kéƒie na báka bunwini bubo litemi lɛlɔ tadi ku ɔbladu buɛ ɔmɛni ɔsu. Kɔnyana ku bɔyia bɔmɛni kemmo na lɛ́ƒɔ mmɔ bulie útédu useyi akpala bɔbla uwi.

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Kɔgya 119:161

Bagadine benye beekpóku-mi uwi biala keeke. Nsu ami ni, ƒula litemi bɔtɛ kani na mɔɔbu taanu mina kayi kemmo.

Kɔgya 138:6

Unwoti, ina ka eli katɔ katɔ mmɔ muedi ni, aanu bani muuboku lɛlɔ kalɔ kɔnyana. Na bani mɔɔkɔliku lɛlɔ katɔ ni, bana ablala lɛnɔ átabɛ-ɔ.

Kɔgya 34:18

Unwoti ude bani na enu áƒɛ-ma na ala étulo-ma. Na ɔɔƒɔ́ bani na bana lɛnunsia ƒui lɛ́sa.

Kɔgya 51:17

Mmomu akpala ani mɔɔƒɔ́-ɔ anu ndi ka ukyuli ekpidi eduo-nwu geen na nwuna kayi kemmo, na eleni ɔmɛni.

Kɔgya 51:19

Na ɔmmɔ kama akpala siin ani na bɔdubɔkyula bute-ɔ ƒui adubɔda-a ebiti. Na bɔdubuti ɔmantɛ bakɔ bakɔdi bɔkpa bute-ɔ na ƒula lɛkpabi lɛlɔ.

Agba 28:14

Kusɛ kusɛ ɔsiaku bekyuli bani na bana kasusu kese siin. Nsu belikplune bésela betéduo ɔgbankpi bonwu kemmo.

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Yesaia 40:26

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Yesaia 41:20

Na bekyuli ƒui badubɔnu ɔmɛni na bati na ɔbla-ma nwaa ka ami Israel Unwoti Katɔti kedee nédie ala amɛni ƒui.”

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Hosea 11:10

“Mina kadi bekyuli badubɔsi ɔƒɛ kanukɔ bebo na babasiaku ami bana Unwoti kama ku bɔyia si lɛ́kwanyi aani gyata.

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Habakuk 3:16

Ka lɛ́nu kɔyu kemmo ala budie taatina bɔmɛni ɔ́siku Unwoti linyesia lɛmɛni lɛlɔ ni, liƒu lɛni náda-mi ɔ́ya na lɛ́bla kpɛtɛ kpɛtɛ na mina enyekuli kani mɔɔtɔ́ kpakpaakpa. Na ɔ́bla-mi aani bɔyɛɛlɛ na mina ekubi ada na mina lɛlɔ kemmo, na ɔɔbla-mi gbanta gbanta. Nsu ndubɔkɛ kayi na linye kpoo ntaanu ulu teete limeyi lɛni na Unwoti ɔdubɔkyula bekisine bekpidi bamɛni.

Mateo 12:6

Na mɔɔsu-mii ka ni, lɛla lɛni náƒɔ kuye litulo Katɔti kakpakɔ lɛkya bina akɔ mɛni.

Batalane Kabla 7:50

Ɔɔɔdi ami nédie ala amɛni ƒui yoo?’ ”

Batalane Kabla 9:6

Ɔƒaani ni, ta na eteesie ɔma kemmo. Badubɔsu-ɔ lɛla lɛni na ɔlɛka abla.”

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Koloseƒuɔ 1:17

Kristo ɔ́kya asa na Katɔti údie ala ƒui. Na ɔkɛnku-nwu lɛlɔ na ala ƒui eesié kaduɛ.