Yesaia 6:4 - Katɔti Ɔku Kedee

⁴ Na ebiti lɛnu lɛni na beedie lɛ́kunku Katɔti kakpakɔ kammɔ útéduoku kalɔ kemmo ƒui na uyɔ ɔ́ƒɔ Katɔti kakpakɔ kammɔ ƒui.

Yesaia 6:4 ပူးပေါင်းရင်းမြစ်များ

Kɔgya 18:8

Uyɔ ɔ́lɛ-nwu enwu kemmo, na ogya lɛnɔ ɔ́lɛ-nwu kenye kemmo ɔ́kyula ala. Na ogya agyabi ani náƒɔ ogya geen sɔsɔ aasí taabayu.

Israelƒuɔ Bɔlɛ 40:34

Amu na liƒlukutu lɛdi líbebi Kevo Kasakɔ kammɔ lɛlɔ na Unwoti bukeye bɔ́ƒɔ ɔtɔ ɔmmɔ kemmo ƒui.

Esekiel 1:24

Si uwi ɔni na bebweyi bamɛni beeveyi ni, bana avwi aabla kɔku bonwu aani kalɛ na ɛpu ɔɔbla kɔku iye aani bekpone lisu bonwu lɛdi iye aani Unwoti Ɔyikune Ƒui muudie lɛdi. Na si uwi ɔni na bédi bénye na báda buveyi báya ni, na baƒɛ bana avwi bébi bana ɔlɔna lɛlɔ.

Esekiel 10:5

Na kɔku kɔni na bebweyi bammɔ avwi aabla aaku momoomo aani Unwoti Ɔyikune Ƒui lɛdi, na kɔɔku teesie kaduli kamaadi kemmo muedi.

Esekiel 41:16

ligyii sɔɔn na bákana bámana awodu ammɔ lɛlɔ ku kalɔ ƒui útédu ƒansili. Na kayakun ku lɛƒansili wɛlɛ wɛlɛ lɛmmɔ ku lɛtɔ lɛni na lɛƒɛnyi ni, baakana na beebi-ni ligyii lɛmmɔ.

Esekiel 44:4

Ɔmmɔ kama ni, ɔnana ɔmmɔ útiku-mi na bútásia ɔban kayakun kani na katɔ kakɛ na kakpakɔ anumi mmɔ. Na lɛ́nu kalɛ na Unwoti uukeye na bukeye bɔmmɔ bɔ́ƒɔ kakpakɔ mmɔ ƒui. Kɔnakunwi ni, líbo kalɔ na líti mina anumi líbi kalɔ.

Amos 9:1

Lɛ́nu ka Unwoti unye lɛkpabi lɛmmɔ kudɔ na ɔ́su ɔnini, “Kunku akpa enengudi ammɔ momoomo útédu ka ɔtɔ ɔmmɔ ɔ́kunku útálɛ kowodu kalɔ ƒui. Na lɛsa limodi lɛmmɔ ligyingya na lɛta lɛmmɔ lɛƒɛ libayu bekyuli bammɔ lɛlɔ. Na si badi bébu ni, ndubo-ma bɔdu ku kuwii. Na ina ukyuli unwi muedi ulébu na ɔdi lɛnɔ ulakana bukeli.

Budie Taatina 11:19

Amu na bálɛmi Katɔti kakpakɔ kedee, na bánu Bunyimi Adaka kedee ka use mmɔ. Na kayaa kábwɛ ogya ku kɔku bonwu. Na katɔ keedu taasia kama. Kalɔ kákunku, na etubankɛ áyu pii!

Budie Taatina 15:8

Na Katɔti kakpakɔ kammɔ kemmo kéyi ku uyɔ ɔni nási Katɔti ɔyikun ku bukeye kemmo. Na ukyuli biala ulakana kakpakɔ kammɔ kemmo buduo, amu ntu batu maatɛ bammɔ béti lɛbibo maatɛ lɛmmɔ béboku kayawi báwɔlɔ.