Yesaia 6:2 - Katɔti Ɔku Kedee

² Na Katɔti batu benengudi badi muukeye na bebo avwi aku aku na baalɔ-ma Seraƒim benye bámana-nwu. Ɔdi biala avwi anyɔ ebi-nwu anumi na anyɔ ebi-nwu lɛgba asa na ɔda anyɔ akladi uuveyi.

Yesaia 6:2 ပူးပေါင်းရင်းမြစ်များ

Ala Kalɔ Buse 17:3

Mmɔ ni, Abram ɔ́yu úbi kalɔ na Katɔti ɔ́su-nwu ɔnini,

Baga 1 19:13

Na ka Elia únu lɛdi lɛmmɔ ni, ɔni nwuna awu ɔtɔdi úbi anumi na ɔ́lɛ úténye ubu ɔmmɔ kenye. Mmɔ na lɛdi lɛmmɔ líye Elia ɔnini, “Bi na aabla mɛni?”

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Baga 1 6:24

Kebweyi kedeedi kɔvwi kunwi bune bɔdi lɛgba bɔka maatɛ ku kakɛ. Na kɔvwi kunyɔdi lɛnɔ lɛni kani. Anwuɔsu ɔ́si kɔvwi lili linwi útédu kɔvwi kunyɔdi lili lɛkladi ɔdi lɛgba bɔka leevu-ɛlɔ.

Baga 1 6:27

Na béti bebweyi bammɔ bálɛ katɔma kedee kammɔ kemmo. Na bana avwi ammɔ eli ásaku lɛlɔ na ɔtɔ ɔmmɔ ntɛ, na ɔdi biala kɔvwi kɔkladi lili liitúku awodu ammɔ ɔvi ɔni ku ɔni.

Baga 1 8:7

Na bebweyi bammɔ bégyingya bana avwi bébi Bunyimi Adaka ɔmmɔ ku ligyii lɛni beeti teeti adaka ɔmmɔ lɛlɔ.

Nehemia 9:6

Awɔ lɛti ndi Unwoti. Na awɔ nédie katɔ ku katɔ katɔ ƒui muedi, ku ala ani nkya-nya kemmo. Na awɔ kani nédie kalɔ ku ala ani ƒui nkya-ka ƒui kemmo ku ɛpu ku ala ani ƒui nkya-nwu kemmo. Na awɔ muute lɛla biala ngba, na ala ani nkya katɔ eeboku lili kalɔ teete-ɔ.

Hiob 1:6

Limeyi linwi ni, kayaa bayikune lidu ƒui bébo Katɔti anumi, na Satan lɛnɔ ɔkya-ma akɔ.

Hiob 15:15

Katɔti batu muedi beeese sɛɛn na Unwoti anumi na katɔ kesii kani na bakya mmɔ.

Hiob 4:18

Unwoti ulánu nwuna batu bani na bakya-nwu kudɔ na katɔ mmɔ muedi ka bese sɛɛn. Mmomu uudie-ma bɔƒiɔ.

Kɔgya 103:20

Amii Katɔti batu bayikune ƒui bani muunú-nwu litemi bibo na bibemwi Unwoti.

Kɔgya 104:4

Na éti ɔƒɛƒɛɛ ábla ƒula batalane. Na éti ogya linyemi ƒula kabla bablane.

Kɔgya 18:10

Na ulie ɔtu udu ɔdi mbo avwi na baalɔ-nwu Kerub lɛlɔ na úveyi ɔ́yu úbo.

Kɔgya 89:7

Adi Katɔti ɔni na kayaa bayikune kede bammɔ ƒui baayia uwi ɔni na bɛ́sa. Ɔsika ébomo na ebo ɔyikun étulo bani náka bámana-a.

Israelƒuɔ Bɔlɛ 25:20

Na aya na bebweyi bammɔ bebimi bana avwi ammɔ bakɔliku katɔ na bana ɔyuli ubi libila lɛmmɔ lɛlɔ. Na aya na bebweyi bammɔ benwini anumi batina lɛlɔ na bana anumi ataanu libila lɛmmɔ.

Israelƒuɔ Bɔlɛ 3:6

Na Katɔti ɔ́su Mose ɔnini, “Ami ndi ƒ'ɔti Katɔti ku Abraham Katɔti ku Isak Katɔti ku Yakob Katɔti.” Na ka Mose ɔɔyia ka wanu Katɔti ɔsu ni, ɔ́bɛla nwuna anumi.

Israelƒuɔ Bɔlɛ 37:9

Na bebweyi bammɔ baanu lɛlɔ na bana avwi étile adaka mmɔ.

Yesaia 6:6

Batu bamɛni akɔ unwi úveyi ɔ́vi lɛkpabi lɛmmɔ eli na údie lɛgyabi gaganga lɛdi ku lɛbuala lɛdi ɔ́siku ogya kemmo.

Esekiel 1:11

Na ɔdi biala úbimi nwuna avwi anyɔ úwi na eetúku bakladi adi. Na ɔ́ƒɛ anyɔ akladi ɔ́mana lɛlɔ.

Esekiel 1:24

Si uwi ɔni na bebweyi bamɛni beeveyi ni, bana avwi aabla kɔku bonwu aani kalɛ na ɛpu ɔɔbla kɔku iye aani bekpone lisu bonwu lɛdi iye aani Unwoti Ɔyikune Ƒui muudie lɛdi. Na si uwi ɔni na bédi bénye na báda buveyi báya ni, na baƒɛ bana avwi bébi bana ɔlɔna lɛlɔ.

Esekiel 1:4

Amu na lɛ́nu ka ɔƒɛƒɛɛ kpakplaa ɔdi úse kalɔ úkpo kpakplaa ɔ́si katɔ kakɛ ɔdubo. Na kayaa kaabwɛ ogya taasi liƒlukutu bonwu lɛdi kemmo na kayaa kana ƒui keekeye na ɔɔtu anumi. Na liƒlukutu lɛmmɔ ntɛ kesii kani na ogya ɔmɛni ɔɔbwɛ taasi ni, use aani lɛbuala lɛni na békuo-ni suɛlɛ suɛlɛ na uukeye geen.

Esekiel 1:6

si ɔɔɔdi ɔni na bana ƒui ɔdi biala ubo anumi akpa ene ku avwi ene ɔsu.

Esekiel 1:9

Bebweyi ine bamɛni bénwini kama bákya lɛlɔ na bana avwi eli eetúku lɛlɔ. Na bana ƒui beesié taamana lɛƒɛnyi ƒui lɛlɔ, nsu alanu ka beenwíni lɛlɔ lɛnɔ.

Esekiel 10:21

Bana ɔdi biala ubo avwi ene na bekyuli enu akya-nya kalɔ na bebo na anumi ene na lɛƒɛnyi ine bɔmmɔ aani bani na ketu kɔtu mmɔ. Na ɔdi biala ɔɔtɔ nwuna anumi siin na ulenwiniku lɛlɔ.

Daniel 7:10

Na ogya uudie linyemi ɔdubo aani ketu bɔgba taasi nwuna lɛƒɛnyi ƒui lɛlɔ taaka taamana-nwu. Na bekyuli bani na balakana-ma bumomo bɔka benye bámana-nwu baabla-nwu kabla. Na mpim leevu leevu benye-nwu anumi. Litemi bɔtɛ uwi údu. Na bébimi lɛku lɛni kemmo na bénweni bekyuli lɛlɔ ala bákya béwi.

Daniel 9:21

asa na Katɔti ɔtu Gabriel ɔ́yu úbeduo uwi ɔni na baabla useyi uwi akpala mmɔ. Na anwu kani na lɛ́nu ḿbavi na mina kɔyu kemmo ala bɔnu kemmo mmɔ.

Sakaria 3:4

Anwuɔsu Katɔti ɔtu ɔmmɔ ɔ́su bekyuli badi ɔnii bada-nwu adala ani nánwu ammɔ bedie-nwu lɛlɔ. Na únwini na ɔ́su Yosua ɔnini, “Ɔmɛni ɔɔtina ka béti ƒula ekpidi bákyiɛ-ɔ. Na ɔƒɛni ni, ndubɔkya-a ɔkpane bɔdi lɛwu.”

Luka 1:10

Na uwi ɔni na ɔkya ɔɔkyula oloƒui ɔmmɔ ni, bekyuli bakladi bewi keyi baakpali katɔ.

Hebriƒuɔ 1:7

Na etemila ani ndanku Katɔti batu lɛlɔ ni, ɔ́su ɔnini, “Lɛ́bla mina batu na bese aani ɔƒɛƒɛɛ. Na ama bani mɔɔbla mina kabla ni, lɛ́bla-ma na bese aani ogya linyemi.”

Budie Taatina 14:6

Ɔmmɔ kama lɛ́nu Katɔti ɔtu ɔbambadi ɔdi ka úveyi ɔɔví kayaa katɔ katɔ ku litemi buni lɛni nse nte uwi biala. Litemi lɛmmɔ lɛsa na úbo úbakɔ ute bekyuli bani nlie kayawi kamɛni lɛlɔ. Na ama ndi kalɔ biala lɛlɔ bekyuli ku kaba biala ku adi ƒui batɛmine ku bekyuli lidu ƒui.

Budie Taatina 4:8

Na ngba batu ine bamɛni ƒui bebo avwi aku aku, na anumi akya avwi amɛni kemmo ku kama. Usien ku ɔƒɛ ni, baláda bɔsu taaya banini, “Kedee, kedee, kedee ndi Blɔti ɔni mbo ɔyikun ƒui, ɔni nélie, na uli, na ɔdubo bulie.”

Budie Taatina 7:11

Batu ƒui benye báka bámana lɛgaboku ku benengu ku ngba batu ine bani nnye mmɔ.

Budie Taatina 8:13

Amu ka nnye mɔɔnu budie bɔtina bɔmɛni ni, lɛ́nu kɔdigbo aasɛ ɔdi ɔni néveyi ɔkɛ kayaa kakaaka, na ɔ́su ku lɛdi momoomo ɔnini, “Si uwi ɔni na Katɔti batu ɛtɛ bani nébu mɛni bávwi bana kɔkpɛɛ ni, muute bekyuli bani ƒui nli kalɔ lɛlɔ bɔbuɛ, bɔbuɛ, bɔbuɛ kɔtɛ!”