Yesaia 57:4 - Katɔti Ɔku Kedee

⁴ Ɔma lɛlɔ na bɛɛkya lɛma na bɛɛpii-nwu? Bɛnu kalɛ na bina ekpidi ése-mii lisusu na bɛ́dɔlɔ.

Yesaia 57:4 ပူးပေါင်းရင်းမြစ်များ

Ala Alɛdi 2 36:16

Nsu bɔma kani na bekyuli bamɛni báma kenye bediene bammɔ na bédumi-ma na béni ala ani ƒui na Katɔti ɔɔwia ka ɔsu-ma. Na ɔkɛnku ɔmɛni ɔsu kɔnyi kúbakɔ Unwoti Katɔti kɔ́vili útédu ka ɔni Yuda ku Yerusalem kɔtu.

Kɔgya 22:13

Mina bekisine bébimi bana inye voo aani gyata ɔni muubó lɛdi ka babaduli-mi kɔkɛ kɔkɛ aani kalɛ na gyata ɔɔduli ebuo ɔni na úƒie.

Kɔgya 22:17

Mina ekubi álɛ ewi keyi na mina bekisine bédie ɔnusɛ baanu-mi.

Kɔgya 22:7

Na bani ƒui mɔɔnu-mi baamá-mi. Na baamɔsi taakunku bana eli taasu banini,

Kɔgya 35:21

Na baadú-mi kɔtɔ teebo kɔnu kenye taasu banini, “Abu alati bɔ́nu lɛla lɛni na ɔ́bla.”

Kɔgya 69:12

Mina lɛlɔ litemi kani na litemi batɛne ku benengu bada baasu.

Israelƒuɔ Bɔlɛ 9:17

Nsu ámu énye áda mina bekyuli na anii elete-ma kuƒi na batɔlɔ.

Yesaia 1:4

O kadi bekyuli bekpidi, bana ekpidi énwini etila na aayu-ma unu. Badi alaekpidi bablane kasala, bebi bekpidi bani muusé lɛlɔ! Béni na bédie Unwoti atu, na béni Israel Ɔlatidi Kedee ɔmmɔ, na bénwini kama bákya-nwu.

Yesaia 10:15

Bɔkana na kadadi kadubɔkana lɛlɔ katɔ bɔkɔli butulo ukyuli ɔni nda-ka? Munuu lɛbuala lɛni bada baabwɛ kugyii ndubɔkana kayi butu bɔkya ukyuli ɔni nda-nwu? Aani si lɛbuala mɔɔgyú ukyuli teeƒwimi iye ligyiiku mɔɔda ukyuli taaƒiɛmi lɛla lɛdi.

Yesaia 30:1

Unwoti ɔnini, “Bɔbuɛ ute mina bekyuli bani mɔɔta teenye-mi lɛlɔ. Ama bani mɔɔkya kɔkwɛ na ulu ɔni lɛlɔ na basia babla ala na ɔɔɔdi mina ulu. Biinyimi ala teete lɛlɔ kalɛ na bitaadi-nya lɛlɔ na uwi ɔni na bíteye-mi bítenu. Anwuɔsu na ala ekpidi kani na bili bɛɛbla.

Yesaia 30:9

Báta bénye Unwoti lɛlɔ na bénwini kama bákya-nwu ku ɔkɔ ala bɔbla. Anwuɔsu baaadi bekyuli bani na muunú-nwu bɔlɛ.

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yesaia 37:29

Na ka áta ásiaku-mi ku kɔnyi, ku ƒula ukyuli tabu bɔni na línu ku mina atu ɔsu ni, ndubɔkya-a ɔdaliwa enwu, na liti kenye kabuli lɛbala-a kenye, na lɛya na enwini asia ulu ɔni lɛlɔ na ásia ébo.

Yesaia 48:8

Ɔ́si kukuuku ƒui bina atu étebimi tɔ na binu lɛla lɛdi kalɔ. Na ɔ́si uwi ɔni na báwɔ-mii ni, ngyi-mii kalɛ na bɛ́lɛ-mi kama na bɛ́ta binye-mii lɛlɔ.

Yesaia 57:5

Lɛyalɛ ala ku lɛlɔ kudɔ bɔtɛ na baƒiɔ bani na bɛɛkpá mmɔ anumi na egyii enengudi ammɔ kalɔ. Na biiti bina bebi taakpa na akpabi ani na bɛ́tu bínyene ɔkwalɛ na atakpɛ ani nƒa mmɔ kalɔ.

Yeremia 20:8

Ala bubile ku kukpi lɛsa kani na áya na mɔɔkɔ́ teete bekyuli bammɔ. Na ƒula kenye kani na mɔɔsu mmɔ káya na edumi ku lɛbibo kani na mɔɔsiáku uwi ƒui.

Esekiel 2:4

Bebo atuɔkplu na kayi kebo-ma ɔkplu. Nsu ami Unwoti Katɔti lɛ́ƒuna-a ka esie atásu-ma lɛla lɛni na masu-ɔ.

Hosea 10:9

Unwoti ɔnini, “Israelƒuɔ, bítada bina ekpidi ani na bɛ́bla na Gibea mmɔ dii bɔbla bítaya tɔ? Ɔmmɔ ɔsu na ala adubo-mii bukpoku na Gibea mmɔ.

Bumomo Bɔka 16:11

Unwoti ɔmmɔ geen lɛlɔ na awɔ Kora ku ƒula basiakune bamɛni bɛ́ta binye. Ɔma na Aaron anwu ɔdi ɔsu na bɛɛdɔ lɛlɔ kemmo kalɔ kalɔ na nwuna lɛlɔ?”

Mateo 13:38

Na kemo kammɔ ndi kayawi. Na ebi abuni ammɔ ndi Katɔ Ɔga Ɔma bekyuli. Livo lɛmmɔ ndi bekyuli bani ndi ukisine ɔmmɔ badi.

Mateo 27:29

Na bédi liyu kabwa bébi-nwu lili asa na béti ugyii bákya-nwu kɔdianu lɛkɔkɔ. Bábla-nwu ala amɛni ƒui aani ɔga kalɛ. Na bálɛ akɔnkɔ na nwuna anumi, na baamá-nwu taasu banii, “Yiidu! Yudaƒuɔ Ɔga ulie ngba gyɔlɔɔ!”

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Batalane Kabla 9:4

Na ɔ́lɛ úbo kalɔ na únu ka lɛdi lɛdi lɛɛsu-nwu lɛnini, “Saulo, Saulo, bi ɔsu na eekpóku-mi lɛni?”

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Koloseƒuɔ 3:6

Ala amɛni udu bɔbla ɔsu ni, Katɔti ɔdubo kɔnyi buti bɔkya bani naaabla kalɛ na nwuna litemi lɛɛsu.

Yosua 10:21

Na Yosua bekpone bani ɔ́tala mmɔ ƒui básɔ bénwini bebo Makeda kesii kani na Israelƒuɔ bákya. Na bekyuli bani nlie amadɔ ƒui ɔdi biala ɔyia ka ɔlɔ Israel lɛnyikpi.

Petro 2 2:13

Katɔti ɔdubɔya na bebo abi aani kalɛ na ama báya na bekyuli bébo abi kalɛ. Bana ebiti ndi ka badi lɛla biala ɔdivo ku ɔƒiiwi nwaa muedi. Ɔdi kɔƒa litemi ka basalaku-mii si bɛɛdi. Na bana ɔkɔ ala kani mɔɔda-ma kubiti.